طلب نصيحه بخصوص فيات تمبرا
السلام عليكم ياجماعه
عايز رأيكم ونصيحتكم في موضوع محيرني من كام يوم
بإذن الله الفتره الجايه المفروض اجيب عربيه في حدود 30 الف جم , ممكن تزيد حاجه بسيطه او تقل , حسب المعروض
و بعد البحث على مواقع بيع السيارات لقيت ان الدوجان والتمبرا افضل عربيتين بالسعر ده تقريبا
وبالتالي انا محتاج رأيكم في ايهما افضل , التمبرا ولا الدوجان !!
انا شخصيا مجرب الدوجان التركي زمان وكانت حلوه بس بصراحه انا بميل للتمبرا اكتر , بحس انها افخم واقييم واكبر شويه من الدوجان
عشان كده اتمنى ان اصحاب التمبرا واهل الخبره يفيدوني ويقولولي ايه اخبار التمبرا كـ قطع غيار , اداء , صيانه ,,,,, الخ
وهل في منها موديلات معينه افضل من موديلات اخرى ؟؟؟؟
وهل هي فعلا افضل من الدوجان ؟؟؟؟
وكمان عايز اعرف امكانياتها , يعني مثلا الزجاج الكهرباء , الباور , التكييف , بشكل عام عايز اعرف الاوبشنز الموجوده والمتاحه فيها
ومشكورين مقدماً على نصايحكم الغاليه , واسف على تعبكم معايا