الموضوع: عضو نيساناوى جديد

المشاركة الأصلية كتبت بواسطة egypt0777

ازيكم يا جماعه

ارجو تقبلى عضو معاكم فى قسم النيسان
انا معاى الصنى

كان عندى كام سوال خاص بالضمان و صيانة ال1000

1. الضمان العربية هل هو بعدد الكيلومترات فقط كل 5000 كيلو ؟ اما كيلوميرات و مده زمنيه مع بعضها ( يعنى كل 5000 ك او 3 شهور ايهما اقرب ) ؟ مثلا ممكن بين كل صيانة ال 5000 و صيانة 10000 ستة شهور ؟
2. ايهم افضل -- العباسية ام المعادى ؟
3. هل الاتنين فيهم ضبط زوايا ؟
4. لازم اغير الزيت على ال 1000 ؟ واى نوع و كام كيلو؟
5. مواعيد و ايام العمل ؟ واى يوم بيكون التوكيل فيه رايق ؟

شكرا ليكم و استحملونى فى اسئلتى عن التوكيل عشان انا خارج من تجربة فاشله مع توكيل فاشل فى مصر

اهلا وسهلا بحضرتك يافندم نورت المنتدى ونورت قسم نيسان كله

1-ضمان العربية بالكيلومترات بحد ادنى 10000 كم بين كل صيانة والاخرى يعنى 10و20و30 وهكذا ممكن تفوت صيانات ال5و15و25 وهكذا لو معندكش مشكلة ومش هيسقط الضمان لانها بتكون بسيطة تربيط عفشة وتغيير زيت
بس لو بيعدى على حضرتك اكتر من 6 شهور ولسه ماعملتش ال10 الاف كيلومتر يستحسن تغيير الزيت حتى لو بخارج التوكيل وميسقطش الضمان ايضا

2-بالنسبة لمركز الخدمة سأتركك مع تقييم الاعضاء
http://www.nilemotors.net/Nile/21218-a.html

3-المعادى فيه ظبط زوايا بس اسال قبل ماتروح ليكون عطلان

4-اه لازم تغير الزيت اول 1000 لان الزيت اللى بيبقا فى الموتور ده زيت تخزين وممكن موبيل او شل الانواع المعتادة وبالنسبة للصنى بتاخد 3 كيلو بالفلتر وبيتغير الفلتر برضه اول 1000

5-عادة توكيلات نيسان بتشتغل من 9 صباحا ل5 مساءا ماعدا الجمعة واحسن يوم تروح فيه اى يوم ماعدا السبت لان كله بيبقا اجازة وبيستغله فى الصيانة وطبعا لازم تحجز قبل ماتروح

بالتوفيق ان شاء الله واهلا بحضرتك مرة تانية