إن شاء الله تتصلح وتبقه ميه ميه و نتقابل هناك
وشكرا على مرورك
كان نفسي احط لكم صور أكتر و بحجم أكبر علشان لو حد حابب يستخدمها خلفيه
لو الفكره عاجباكم هانفزها طبعا
عرض للطباعة
إن شاء الله تتصلح وتبقه ميه ميه و نتقابل هناك
وشكرا على مرورك
كان نفسي احط لكم صور أكتر و بحجم أكبر علشان لو حد حابب يستخدمها خلفيه
لو الفكره عاجباكم هانفزها طبعا
حمدالله ع السلامة و انت بصراحة 100 100 كنت عايز اسأل عن قرية اندلسية اية نظامها عشان طالع بمشيئة الله الاسبوع الجاى
والله اللى اعرفه ان اسعارها غاليه بس للأسف معنديش تفاصيل
لأنى زي ما قلت لكم فيه ناس اعرفهم في القاهرة عندهم بيت هناك وانا كنت معزوم
وهاتلاقي اسعار كنت سألت عليها السنه اللى فاتت في الموضوع
على فكره البيت اللى كنت فيه بيطل على شاطء روميل يعني قدام اندلسية بالظبط
بس احنا بصراحه كنا دايما نقول ازاي الناس في اندلسية بيقدروا يناموا في الدوشة دي كلها
لأننا رغم ان فيه بينا وبينهم خليج إلا ان الصوت كان بيوصلنا عالى جدا وكنا شيفينه مزعج طول الليل اغاني و دوشه كأن فرح ابن العمده شغال للصبح
الشقة اللى بتقول عليها دى ممكن اطلب ايجارها اسبوع بكام
اليوم تقريبا بـ 200 جنيه
بجد بافكر لما اكبر اشتري شقة هناك و الاسكندرية
واسافر كل مصيف فيهم علي طول
الماية هناك نظيفة وجميلة والتانية كان عاصمة مصر
حمد الله علي السلامة ياستاذ كيمو انا سبقتك بالماروتي لمطروح في شهر 7 اللي فات اول منزلت مصر اجازة خدت الماروتي وطلعت علي مطروح رغم اني كنت خايف جدا وسالت كتير علي المنتدي اسافر بيها ولا لا وكتير قالوا توكل علي الله بس جهز عربيتك قبل السفر وخصوصا اني كل سنة بروح مطروح والاولاد بيحبوها جدا والسنة اللي فاتت روحت راس البر وكنت لسه جايب العربية جديدة والعيال من تاني يوم كانو عايزني يروحوا انا عربتي موديل 2009 عملت صيانة ال5000 قبل السفر باسبوعين وروحت انا ومراتي وطفلين (9سنوات و5سنوات)واخت مراتي وكان معاي صديقي ومعه عربته هييونداي اكسيل والله كنت بسبقوا علي الطريق وطول الطريق مؤشر الحرارة مقربش من النص الا لما دخلت مطروح علي الطهر وطبعا غير المشاوير داخل مطروح
بصراحة مطروح ومعاك عربية غير مطروح وانت معكش تختلف تماما ربنا يخلي الماروتي ويبارك فيها
المرور هناك معلم الناس الادب لو مش رابط الحزام مخالفة لو ركنت علي الكورنيش مخالفة اي حاجة تلقي الامين في طهرك علي طول
بصراحة احسن شاطئ هناك واختلف معاك فيها هو الغرام والجزء تاع الصخور ده مش للسباحة ده للتصوير انما باقي الشاطئ روعة والمياه فيه هادية جدا
وكمان الابيض جميل جدا
اما الاستاذ اللي كان بيسال عن اندليسة انا نزلت فيها من فترة طويلة جدا بس هي مفهاش شاطئ يصلح للسباحة علشان كده عملين قرية العاب مائية داخل القرية السياحية والدخول لسكان القرية بكرنهات اما من خارج القرية كان بفلوس بس مش عارف دلوقتي كام
وبصراحة انا معرفش احمل الصور ازاي لو حد يشرحالي ممكن احمل اللي صورته
وقبل مانسي طبعا عجيبة وما ادراك ما عجيبة لازم تتشاف مش تتوصف
شكرا على مروركم
وربنا يرزقنا كلنا شقق في مطروح و شاليهات كمان
أنا معاك يا ميمو ان مطروح بالعربيه مختلفه تماما عن من غير عربيه ، فرقت معايه جدا ، انا كنت بقعد اسبوع كنت بروح عجيبه مرة واحده بس وكليوباترا برده مرة وباقي الايام بكون في رومل قدام البيت ، المرة دي روحت 3 او 4 مرات عجيبه وروحت الأبيض و الفردوس و كليوباترا والغرام.
غير ان الواحد لف في البلد براحته
ولو احتاج ميه للشرب او اي حاجه للأكل مكنش بيكسل ينزل لدرجة انى مره خرجت علشان اجيب بربع جنيه فلفل اسود .
وإن شاء الله لو قدرت اروح تاني في اقرب فرصه برده هاروح بالماروتي
السلام عليكم ورحمه الله وبركاته
انا كنت ناوي اشتري شقة او شالية في قرية في مدينة مرسى مطروح
وانا ساكن في مدينة القاهرة بالتحديد في مدينة حلوان
عاوز نصائحكم وتجاربكم في مطروح
اشتري ولا بلاش
ولكم الشكر والتقدير