تقيم مالكى تويوتا 99

**ouba2** · 23-07-2010 03:55 AM

المشاركة الأصلية كتبت بواسطة ahmed galal

بدون تحيز لعربيتى و عن تجربة للاتنين باقول الكورولا انا شايف الملكة و العيون اوسع من الكريستالة سواء صالون او شنطة و اعلى منها شوية و صيانتهم اسهل شوية بردك و تتميز الكريستالة عنهم فى الثبات ورخص قطع غيارها الاصلية عن الاصلى بتاع التويوتا بس الكريستالة ارخم فى المطبات لو اتحملت عن الملكة و العيون

اصل انا داخل علي شراء عيون موديل 98 ياريت تفيدوني في الثبات لاني هاسافر بيها كتير و اية اخبارها لما بتكون معدية جنب تريلا او اوتوبيس علي السريع؟؟

**Ahmed Galal** · 23-07-2010 07:50 AM

المشاركة الأصلية كتبت بواسطة ouba2

اصل انا داخل علي شراء عيون موديل 98 ياريت تفيدوني في الثبات لاني هاسافر بيها كتير و اية اخبارها لما بتكون معدية جنب تريلا او اوتوبيس علي السريع؟؟

العربية كويسة فى الثبات و ما فيش مشاكل بس عموما و انت معدى جمب تريلا فى اى عربية هايبقا فيه نوع من المرجحة شوية لان التريلا بتاثر على طبقات الهوا بينها و بين العربية الصغيرة و المرجحة ديه هاتفرق طبعا من عربية صغيرة مثلا زى الماروتى لعربية كبيرة و ثابتة مثلا زى المرسيدس الاس كلاس يعنى الخلاصة العربية كويسة فى الثبات و السفر و ما فيش مشاكل منها و تقدر تتحكم فيها كويس و طبعا قبل ده كله تكون عفشتها و عجلها و الات الجر سليمة عشان تاخد منها الاداء المطلوب

**seadaelbeda** · 23-07-2010 06:54 PM

هو نوع البنزين ايه لانى سمعت الناس بيحطوا 80 وبيمشى كويس لانها كربراتير

**ahmedbibo** · 24-07-2010 01:49 AM

انا اعرف ناس كتيير انجيكشن وبيحطوا 80 متعرفش ازاى وعلى فكره هيا احسن من الكريستاله وسعر اعاده بيعها احسن من الكريستاله بس تقيله

الملكه احسن من العيون فى اعاده البيع و التداول بس تقريبا واحد

بس الملكه اعتقد واطيه عن العيون وده بيفرق فى الثبات

و الكورولا دايما بيبقى حالتها احسن عشان معظم اللانسر يبقى شباب و فرك بقى وتخميس

**Omar.Shawki** · 24-07-2010 05:18 PM

المشاركة الأصلية كتبت بواسطة Ahmed Galal

كلام ممتاز و كنت هاقول كده بردك بالظبط بس انا بقا باحب شكل الملكة من الداخل اكتر منها و كلها ازواق و ما فيش خلاف ان العربية ديه من افضل السيارات اللى انتجتها تويوتا ربنا يوفقك فى وحدة كويسة

ربنا يخليك ياأحمد باشا

هى فعلا اذواق واللى بيسألنى بين الملكة والعيون بقوله اللى شكلها عجباك هاتها هما الاتنين اخوات

**redaeng** · 25-07-2010 03:09 PM

و ماذا عن استهلاك البنزين فيها.
أنا معايا اتوماتيك 1300
بس حاسس ان استهلاك البنزين علاى شويه
يعنى 20 لتر بتعمل حوالى 100 ك بالتكييف

أفيدونا

**Ahmed Galal** · 26-07-2010 02:47 AM

المشاركة الأصلية كتبت بواسطة redaeng

و ماذا عن استهلاك البنزين فيها.
أنا معايا اتوماتيك 1300
بس حاسس ان استهلاك البنزين علاى شويه
يعنى 20 لتر بتعمل حوالى 100 ك بالتكييف

أفيدونا

ده خراب بيوت مستعجل المفروض تحرق فى ال 20 لتر 200 كيلو يعنى كل لتر يمشى 10 كيلو انما اللتر يمشى 5 كيلو ده قليل جدااااااااااااااااااا سواء بتكييف او غيره

**pro_samir** · 26-07-2010 08:17 AM

المشاركة الأصلية كتبت بواسطة ahmed galal

و تتميز الكريستالة عنهم فى الثبات

الكريستالة ثابتة عن الكورولا ؟ متأكد من الكلام دة ؟

انا سمعت من ناس كتير عنها ما معناة انك لو عربية كبيرة معدية جنبك هتلاقي نفسك بقيت في حارة تانية

لكن مجربتهاش شخصيا غير مرة واحدة كنت بتفرج عليها علشان واحد قريبي وبصراحة معجبتنيش خالص كنت حاسس اني راكب مرجيحة مع انها كانت متجنطة وكاوتش عريض ،، لكن مقدرش اعمم الحكم دة علي الكريستالة قد تكون اللي انا جربتها عفشتها وحشة

الملكة بقي جربتها في سفر كنت مستلفها من واحد صاحبي وكانت مش مظبوطة عدينا علي الميكانيكي غير بوجيهين كانو بايظين وحط اتنين من الزبالة مؤقت علي ما يغير الطقم بعدين لأني كنت مستعجل
وركبنا فيها اتنين حجم كبير قدام + طفل و ورا 2 حجم كبير + 1 حجم وسط والشنطة مليانة علي أخرها حاجات أوزان تقيلة جدا

وكنت ماشي جنب والدي وهو بالبي ام وكنت بشد معاة احيانا مع انها كانت اوتوماتيك ! ما شاء الله عليها يعني عربية غريبة

بس كانت عذاب في المطبات وكنت بوقف الطريق كلة ورايا علي كل مطب ،، لكن مش دي المشكلة اللي تخلي الواحد يصرف نظر عنها أبدا يعني لو معظم مشيك في وسط البلد و انت محمل كدة يبقي زود ارتفاعها شوية وخلاص

وحاليا معايا اختها الصغيرة ستارليت :)

**Ahmed Galal** · 27-07-2010 02:08 AM

المشاركة الأصلية كتبت بواسطة redaeng

اسف يا باشا
انا قصدى 200 ك ب 20 ل
هل ده طبيعى؟

اه كده معقول و ممكن يتحسن حبة كمان بس الرقم ده مقبول

الموضوع: تقيم مالكى تويوتا 99

LinkBack

أدوات الموضوع

عرض

-

-

-

-

-

المواضيع المتشابهه

تقيم Gen 2

طلب تقيم iphone 3g

تقيم 128

إلى كل مالكى تويوتا كورولا mmt 2008 & 2009 بالمنصورة

الى مالكى تويوتا كورولا .. محتاج مشوره

الكلمات الدلالية لهذا الموضوع

المفضلات

المفضلات

ضوابط المشاركة