يا رب
عرض للطباعة
الله يرحمه ويصبر اهله ويصبرك
كل ما اتخيل الموقف بتخنق وانا عارف شعورك ده ومريت بيه قبل كدة وفضلت 5 ايام مش بكلم حد ومش مستوعب اى حاجة حواليا
لغاية مابدأت اخرج تانى مع نفسى وبعد كدة بدأت افك تانى واخرج مع اصحابى
حاول تخرج لوحدك كدة فى اى حتة وهتلاقى نفسيتك بتتحسن ان شاء الله
وحاول بعد كدة لما تسوق مع حد ماتبقاش مرتبط بيه اثناء القيادة
جرب كدة تنزل عالكورنيش دلوقتى
ربنا مايجيب عقد ولا حاجة وان شاء الله مع مرور الوقت نفسيتك هتتحسن
وطالما لاقيت نفسك مش عارف تمشى بالعربية فجرب تقعد جواها وهى واقفة وقاوم رهبتك وطلع اللى جواك...لو حاسس انك عايز تعيط عيط عايز تصرخ اصرخ ماتكبتش نفسك وخلاص
عشان ماتقلبش لفوبيا وعلى كلامك تبقى عقدة لا قدر الله
شد حيلك كدة وحاول تتقرب من ربنا وكل شىء هايبقى تمام ان شاء الله يابشمهندس
البقاء لله ربنا يرحمه ... دمعت عليه والله ... ربنا يقويك ان شاء الله ويقوى اهله
جو البقاء لله وده نصيبه والله وانا عارف الى انت حاسس بيه وابن عمى برضه كان من اعز اصدقائى لما توفى برضه حسيت ان دى اخر الدنيا وان الموت مبيفرقش بين كبير وصغير وبين اى وقت وفى ثوانى
طب حقولك على موقف حصل بالفعل من فتره قريبه
واحد شاب من سننا برضه اعرفه الله يرحمه كان طالع بعربيته الساحل هو واصحابه والبنزين خلص منه فى السكه اصحابه قالوله خليك انت هنا فى عربيتك واحنا حنروح نجيب بنزين ونرجعلك
راحو ورجعو لاقوه نايم فى العربيه قعدو يهزرو ويصحوه مش عاوز يصحى واكتشفو انه اتوفى
طب ده بقى ولا جرى بالعربيه ولا عمل حادثه ده كان قاعد فيها وجه وقت موته ولا حاجه حتأجله او تأخره
مش عارف اقولك فى كلام كتير عاوز اقوله لانى حاسس بيك بس هو ده حال الدنيا
حاول تغير جو وتعالى اسكندريه ونعملك مقابله مخصوص يامعلم
ربنا يرحمه ويصبر أهله
ربنا يخليك يا شنوري
قدها والله
جدعنتك طاغية
ان شاء الله لازم أشوفك هناك
هروح ان شاء الله بالقطر وهناك واحد قريبي هيوديني البيت
وهكلمك و أجيلك
بأذن الله
للأسف
كان ممكن أبقي عارف أشغل دماغي في أي موقف بأسمعه
بس لما شفت بعيني في حد بحبه
أتلغي التفكير وسيطر الحزن
بس انا دلوقتي أحسن كتير
بقيت أتكلم :)
انا بجد نفسي أجي أسكندرية عشان أشوفكوا
انتوا زي أهلي
ربنا مايحرمنيش منكوا
ربنا يغفرله و يرحمه و يصبر اهله و يصبرك علي فراقه
اللهم اجعل قبره روضا من رياض الجنه
الللهم اغفر له و ارحمه يا رب العالمين
اللهم بدل سيئاته حسنات يارب
والله انا عنيا دمعت تخيلت الموقف كدة وهو بيقلك هاتوحشني
والله ربنا يكون في عوونك وادعيلة علي طوول
الله يرحمه و يجعل مثواه الجنة.
ربنا يصبرك و يعينك
موقف زي ده معرفش أقول فيه كلام كتير.
بس ممكن هو دلوقتى يكون أحسن و أسعد بكتير مما كان فى الدنيا.
البقاء لله
بسم الله الرحمن الرحيم " أَيْنَمَا تَكُونُوا يُدْرِكُكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ " صدق الله العظيم
يعنى يا جورج الموت مش نهايه العالم
تصور كده بعد 50 سنه من دلوقتى مش هنلاقى 99% من الى نعرفهم خالص
من اول زمايل والجيران والبواب وبتاع السوبر ماركت والصحاب والاهل وبتاع الجراج
يعنى الموضوع محسوم ومنتهى
روق يا باشا
حاول تطلع من الحاله ديه واطحن نفسك فى حاجه تشغلك جامد
يا رب
ربنا يخليك
ربنا يرحمه
ده اللي مصبرني شوية
انه أحسن مني دلوقتي
وانا أتمناله أحسن حاجة
انا الحمد لله أتحسنت عن الأول
هو بس الفراق والكلام اللي كان بينا وحاجات كتير انا مفتقدها دلوقتي
ربنا يرحمه
بجد وحشتني ردودك يا أ / ذكرالله
الحمدلله علي كل شيئ
و كويس ان لسا في صحاب كده
ربنا يرحمه و يغفرله ويكرمه في الجنه
لا حول ولا قوة الا بالله ,انا الى الله وانا اليه راجعون
ان شاء الله ربنا يصبرك يا جو ويصبر اهله
انا لا اعرفك ولا اعرف صاحبك للأسف بس فعلا موقف صعب جدا جدا
واوعى تنسى فى يوم من الايام ان ربنا الحمدلله انعم علينا بنعمة النسيان بس بتختلف من انسان لانسان فترتها
ربنا يصبرك ويصبر اهله
متضغطش على نفسك فى موضوع السواقة ده دلوقتى وهتاخد وقتها ان شاء الله
الموقف رهيب
بس ياترى لو كان لك الأختيار وكنت عارف مسبقا كل اللى هيحصل كنت هتختار تبقى جنب صديق عمرك فى الموقف ده وتسمع منه الكلمة دى وتكون طول حياتك متأكد انه توفى وهو راض عنك؟
احيانا الواحد يعيش عمره كله حاسس بالذنب ناحية حد مات و يفتكر حاجات عملها معاه جايز تكون تافهة وجايز اللى مات مش واخد باله منها اصلا بس الشيطان بيكبرها وتفضل زعلان ومش عارف هو مسامحك ولا لأ
لو علمتم الغيب لاخترتم الواقع جايز بعد سنين بعيدة تحس ان الأفضل له هو ان يكون حد بيحبه معاه فى موقف زى ده بدل ما يلاقى نفسه لوحده وسط اغراب -الله يرحمه
ركز انه محتاج لك دلوقتى وهو هناك بكل الأعمال الصالحة الممكنة الصلة لا تنقطع بين الأحياء والأموات احنا مش شايفينهم لكن هم حسين بينا وعرفين اخبارنا وبيزعلو علينا
وان شاء الله نطمن عليك قريب
واحساسك انك بعد الشر هتموت وراه ده طبيعى وبيجى للناس كلها احيان ويسيطر عليها حتى من غير سبب انها خلاص هتموت
الله يرحم صحبك و يجعل الجنة مسواة الاخير النشاء الله
الموقف صعب جدا فعلا
انا اسف على الكلام بس انا مش بحب الطبطبة
حضرتك بتحكى عن طريقة سواقتك انت و صاحبك ازى ما تكون بتحكى عن فيلم Italian Job !!!
للاسف هيا دى النتائج بتاعتها ارجو ان يكون فى درس و عظة من الحصل
علشان فعلا الواحد بيصعب علي الارواح البتروح دى و ساعات طرق السواقة دى بتضيع ارواح ناس ملهاش ذنب
انا اسف على ردى دا للمرة التانية و ربنا يصبرك و يعينك على تخطى هذا الموقف
ربنا يعزيك يا جو و يعزي اهل اخونا الحبيب و معلش اكيد موقف صعب جدا جدا لأنك شوفت الحدث بأكمله لكن هي الدنيا كده حاجات غير متوقعه
البقاء لله في صاحبك ياGeo ربنا يرحمه ويدخله فسيح جناته ويارب تقدر تعدي الموقف الصعب ده
علي خير بس نصيحه متحاولش ترهب نفسك من السواقه والا مش هتقدر تقعد علي دريكسيون تاني
ممكن لأي ظرف والعياذ بالله تضطر انك تسوق وساعتها صدقني هتبقي بتسوق وكأن لسه حد بيعلمك وهتترعش وتعرق وتضرب لخمه
لازم تعمل زي مابتوع الشرطه مابيعملوا في طلبة الشرطه في قفزة الثقه قوي قلبك واستفاد من اللي حصل
بأنك متجريش وربنا يصبرك انت وأهله علي ماأبتليتم به
أقرأ ده
http://www.nilemotors.net/Nile/169074-a.html
دول عملوا مأمرة عليا :)
انا دلوقتي بسوق شوية
بس عربيتنا لأ
وهنخلص منها عشان كرهتها
بس الحمد لله بقيت أحسن
ربنا يصبر أهله
وشكرا جدا علي النصايح:shine[1]:
مع كل تقديرى لاحزانك و تعازيى فى وفاة صديقك لكن هناك قواعد للمرور فى كل العالم ينبغى الالتزام بها سواء فى السرعة
و الالتزام بالحارة المرورية و عدم تغيير الاتجاه الفجائى و ما نسميه الغرز و اهمية التركيز فى القيادة و ليس مع عربيات الاصدقاء خاصة على طريق سريع ...انتم تتفاهمون مع بعض لكن السيارات الاخرى ليست على علم بما تفعلون .. الخ و ها انت ترى نتيجة مخالفة القواعد و انقلاب السيارة و كان من الممكن ان تكون كارثة لو اصطدمت عدة عربيات و كان من الممكن ان يموت ناس ابرياء ملتزمين بالقيادة السليمة .. كان من الممكن ان يموت اب او ام سيتيتم اببنائهم و اطفال ... انت مهندس و تعلم ان السيارة منتج و تخضع قيادته لقواعد و شروط كما ان مراعاة اصول القيادة السليمة ينقذنا من حوادث بشعة و ضحايا و دماء بنسبة ليس لها مثيل فى العالم
و نستطيع ان نتلافى ذلك ... لا احد يطلب منك ان تكره السارات او القيادة بل فقط ان تلتزم بأصول السلامة لك و لمن حولك ..
ارجو الا يضايقك كلامى فصديقك من صدقك ... ارجو ان يكون الحادث درس مفيد و ان كان قاسى و رحم الله صديقك .
كلامك كله سليم
احنا كنا في الأول بنعمل الكلام ده كأختصار للوقت
وكلنا بنسوق كويس
ممكن نبقي 5 أو 6 عربيت مع بعض
بنخلص لبعض الطريق
ولكن جت فترة لما كانوا بيصلحوا الصحراوي
كان بيبقي حارتين بس اللي شغالين
والأتنين فيهم نقل جمب بعض ( مش كدة هما مخالفين ؟ )
لازم كنا نتصرف وخصوصا ان النقل بطئ ورخم
أول ما بتظهر معالم غرزة
واحد يندفس ويفتح للباقي
أحنا غلط أكيد
ولكن لو قدامنا الصح مكناش غلطنا
كنا هنمشي ورا النقل ؟
تراب ورمل ولو سرحت ثانية ممكن تبقي تحته
ده غير الوقت الرهيب اللي بيروح
انما لو الطرق فاتح
بنمشي يقريب من بعض بس
وممكن غرزة علي الماشي
ومحدش بياخد غرزة الا لما يكون شايف كويس جدااااااااااااااااااااااا ااااااااااااااااااااااا
ولو مش شايف ممكن حد مننا يكون شايفله أفضل ويديله أشارة يعدي
هو ده كله
انا عارف ان في غلط كبير وسترر ربنا ان لما أتقلب ملمسش حد
كانت هتبقي مصيبة
بس عايز أقولك مش اللي بنعمله هو السبب في الحادثة
هو دخل غلط والعربية طلعت منه الرصيف غلطة
ولكن انا معتبر ده درس أو علامة عشان معملش كدة تاني
وانا دلوقتي لما بسوق ببقي هادي جدا
والطريق اللي كنت باخده في نص ساعة ممكن أخده في ساعة أو أكتر
وشكرا لنصايحك جدااااااااا
كلامك كله صح
يا سيدي الموضوع مش سواقة أو غيرها، انت ليك نصيب تشوفه في الموقف ده، انشالله تحت بيته، الموضوع موضوع عمر، ربنا يرحمنا، انكيتني والله عشان انا شفت 3 صحابي في الموقف ده وعلى فترات متباعدة.
تعقيب بسيط فكثير من المداخلات تحاول التهوين عليك بأن مكتوب لصديقك الموت فى هذه اللحظة و ان عمره كده الخ
لكن كل هذا لا يمنع ان نلتزم بقواعد المرور و الاحتياط و الاخذ بأسباب السلامة فليس من المعقول ان نخالف كل قواعد السلامة او يتحول المرور الى فوضى كاملة و نقول اذا كان لنا عمر فلن يحدث لنا شئ .. و هناك حديث عن سيدنا عمر انه كان متوجها الى بلد فسمع ان بها وباء فغير رأيه و قفل راجعا فقال له اتباعه " اتهرب من قضاء الله يا عمر ؟؟ ... رد قائلا : اهرب من قضائه الى قضائه . نسبة الحوادث فى مصر مخيفة و تزيد عن العالم كله بسبب طريقتنا فى القيادة ..
مرة اخرى تعتزيى المخلصة لفقد صديقك و ندعو له بالرحمة و المغفرة و ارجو ان تعود الى حياتك الطبيعية بالتدريج فالموت علينا حق .
يا ساتر يا رب لا حول ولا قوة الا بالله
يا رب ارحمه و اغفرله يا رب و صبر اهله
والله الواحد بيتقطع لما يلاقي شباب زي الورد يموتو في حوادث
الحمد لله على كل شيء و ده قدره و يا رب ارحمه و اسكنه الجنة
ياريت يا شباب بلاش السرعة و متستعجلوش بالله عليكم و بلاش الغرز الجامدة اوي ديه
احساس فظيع ... ربنا معاك
معلش فكرتك
sorry :(
انا قلت فعلا اننا كنا بنعمل غلط ووضحت في المشاركة اللي فاتت
وقلت اني بطلت الكلام ده مع انه مكانش السبب الأساسي بس بما انه غلط فانا بطلته
الناس كتبت ان ده عمره وده الحقيقة
في أي مكان بقي
مفيش أي تعارض مع اللي حصل ومع كلامك حتي
وانا برضه بقول أهو
أنا كنت غلطاااااان
وشكرا لحضرتك جدا علي التعزية
وانا الحمد لله حالتي بقيت أفضل
بس لما بفتكر الأحداث بحس بصداع ووجع وتعب وكل حاجة مع بعض
الحمد لله
الحمد لله ياسمسم علي كل حاجة
وانا بطلت غرز وجري وكل حاجة
المهم انت عملت أيه في نتيجتك ؟
ربنا يخليك ويبعد عنك شر الطريق
الحمد لله :)
ربنا يرحمه ويصبر أهله ويجعل مثواه الجنه إن شاء الله
لا حول ولا قوة إلا بالله