السلام عليكم ورحمة الله وبركاتة
اجيب اية ب 40-50 الف يكون عربية صغيرة وياريت اتوماتيك
عرض للطباعة
السلام عليكم ورحمة الله وبركاتة
اجيب اية ب 40-50 الف يكون عربية صغيرة وياريت اتوماتيك
السعر ده يجبلك دايو لانوس نظيفة او هيونداى اكسنت او فيرنا او لانسر 98 99 ...لكن افضل حاجة دايو لانوس عن تجربة
ممكن تكمل عليهم 5 تلاف او 10 بالكتير وتجبلك حاجه جين تو او واجا 2007 عربيات محترمه
او لانسر 2004
فيه ممكن بيكانتو تجيبها ب 45 الف او 50
دا ىبالنسبه للوتماتك
وعلى فكره انا قدامى جين تو بتاعت صاحبى عاوز فيها 57 الف اوتمكاتك وفابريكه بس واخده خبطه فى الرفرف الشمال قدام ومتغير
بالنسبه للمانول مافيش احلى من الدايو بقا تقريبا .. وفيه هيونداى i10 او اسبرنزا 312
ولو تعرف تكملهم 10 تلاف اديك عربيتى الهيونداى الكوبيه ب 60
أعمل زى ما انا عملت ..كان معايا نفس المبلغ و اشتريت اوبلا استرا مانيول موديل 2000 1200سى سى و ألمانى إيكو تيك 2 كامه و أصلى أصلى و موتور يمرمط اى 1600 كورى , يعنى انا شايف انى حرام ركب كورى او ماليزى بخمسين ألف ..!!! أهم حاجه قبل اى كلام الحاله الحاله الحاله ... خللى بالك من اى عربيه اكشف عليها توكيل .
دايو لانوس عربيه ممتازه
خليك في الياباني
كريستاله او كورولا
شكرا لردكم يا جماعة
انا اهم حاجة تكون عربية صغيرة واتوماتيك
ارجو الافادة
بص يا عم انا كان معايا 45 الف جبت سترويين اكسارا 2 مو 2003 اتوماتيك من 3 سنوات سياره زي الفل واستهلاكها في البنزين ممتاز وخش علي الستروين وانت تعرف الكلام ده
شكرااااا ليكم
بس لو عايز ب 70-80 حاجة اتوماتيك وصغيرة بس جديدة ؟؟
حرااااااااااااااااااااااا ااااااااااااااااااااااااا ااااااااام
حرااااااااااااااااااااااا ااااااااااااااااااااااااا ااااااااام
الرحمة، السؤال ده إتسأل خمسين تلاف مرة قبل كده، وأنا مضايق عشان مشكلتين:
رقم 1 : إن اللي بيسأل ما بيتعبشي نفسه في إنه يدور في المواضيع اللي قبل كده. دافي في نفس الصفة التانية في المنتدى موضوعين واحد ب40 والتاني ب 50
الكارثة بقى رقم 2 : الجواب هو هو في كل مرة، مافيش أي تغيييييييير
حرااااااااااااااااااااااا ااااااااااااااااااااااااا ااااااااااام
كل واحد منحاز لعربيته، وطبعا كل واحد عنده حق عشان هو شايفها الأحسن لأن كل واحد ليه مواصفات خاصة.
ياإخوانا
اللي نفسه يسأل على عربية معينة، قلنا يدخل المنتدى بتاعها ويقلب في المواضيق بتاعتها ولو محتاج حاجة يسأل الناس هناك.
كفاية وقت ومساحة وكلام ضايع على الفاضي وعمال يتكرر ويتكرر ويتكرر بدون أي داعي
آسف على كلامي
بس الناس القديمة في المنتدى حتفهم سبب نرفزتي دي
والسلام ختام
على فكرة الاسعار بتتغير كل فترة و مش هتفضل ثابتة
الراجل لما يعرف ان 6 و لا 7 عربيات في الرانج بتاع فلوسه المفروض يبدأ يدور عن كل عربية فيهم في منتداها
مش فاهم ايه المشكلة يعني ان الموضوع متكرر
لو متضايق قوي كده دخلت تشارك فيه ليه
السلام عليكم ورحمة الله وبركاتة
اولا اسف لانى ضيعت وقتك ونرفزتك واخت من خبرات حضرتك كتير
وعلى فكرة فى ناس على ادها جدا فى موضوع المنتديات ومش بتفهم فيها وفى ناس بردو على ادها جدا فى موضوع العربيات ومش بتفهم فيها متفتكرش ان كل الناس عبقرية وبتفهم زيك
ولو موضوعى مضايق حضرتك كنت تقدر متدخلش او متردش انا بسأل الناس اللى بتحب تساعد
واسف مرة تانى انى ضيعت وقتك
من حقك تسأل براحتك
من حقك تفتح مواضيع زي ما انت عايز
من حقك تناقش براحتك
ده حقك على كل عضو انه يساعدك و لو عنده معلومه واجبه انه ينقلها لغيره امال المنتدى الهدف منه ايه ؟
لو الموضوع عنوانه مش عاجبني مش هشارك بس مش من حقي اعترض على فتح موضوع حتى لو متكرر
أنا اللي بعتذر ليك بالنيابة عن العضو زميلنا
الموضوع بسيط إن شاء الله
أنا شخصيا ببقى متضايق جدا من المواضيع المكررة حرفيا..استشارات في شراء (سيارات بمبلغ معين-تليفون-تليفزيون-مكيف) وغيرها كتير مواضيع مكررة حرفيا والمفروض الواحد قبل ما يفتح موضوع جديد يلف لفة شوية لإنه غالبا هيلاقي ردود أكتر...لإني ممكن أرد مرة بالتفصيل وبعد كده ممكن أكسل أرد تاني..فالفكرة إن الموضوع طالما اتفتح قبل كده هتلاقي القديم فيه كلام كتير والجديد معلهوش إقبال
لكن
- زي ما حضرتك قلت..مش كل الناس عندها خبرة بالأسلوب الأمثل للاستفادة من المنتديات وفي ناس مش بتعرف تستخدم خواص المنتدى كويس فلازم نعذرها
- الأسعار فعلا بتتغير من وقت للتاني
عموما حصل خير
وياريت تقولنا لما تشتري العربية عشان نبارك لك
ياجماعة أنا آسف جدا والله ما قصدت أضايق حد
أنا بعتذر عن كل كلمة قلتها ضايقت أي أخ لينا في المنتدى
إحنا هنا كلنا هدفنا مساعدة بعضنا مش إن إحنا نضايق بعض
المشكلة بس إن تكرار المواضيع بيعمل مشكلة مع الوقت، يعني إنت بعد كده لما تحب تدور على موضوع زي ده تاني حتلاقي في مواضيع كتير جدا. وتبقى تايه من موضوع للتاني. وده اللي بيحصل معانا كلنا وممكن في الآخر نقول ده منتدى تعبان وبيتوه اللي بيدور على معلومة فيه ومافيهوش معلومة مفيدة. ده فعلا اللي حيصل.....
أنا والله ماقصدتش أستهزئ بأي عضو جديد عندنا (وحقك عليا لو كنت فهمت كده) بس إنت كده حاول تدور على موضوع زي موضوعك كده أو تعمل عليه بحث حتلاقي مواضيع كتير جدا ومش حتعرف تخرج منها بمعلومة مفيدة بسبب التكرار اللي زاد عن حده.
وبعدين ياسيدي، إنت لو بصيت على عدد مشاركاتي حتلاقيه لا يتعدى 50 مشاركة في أكتر من سنتين، يبقى فين الخبرة اللي عندي في المنتديات اللي بتقول إن هي مش عندك. ومع ذلك أنا فعلا آسف إني ضايقتك.
وعشان كده أنا معاك خطوة خطوة إن شاء الله لحد ما تشتري عربية تكون نفس المواصفات اللي إنت بتحلم بيها.
وعشان تعرف إني صادق معاك. حقولك نبدأ إزاي البحث:
أولا: إنت عندك كام سنة؟ وده سؤال مهم جدا عشان نعرف إحنا بنتكلم في أي فئة.
ثانيا: بتشتغل إيه وفين وعلى بعد قد إيه من مكان سكنك؟ وده عشان نعرف نلاقي حاجة تتناسب واحتياجات وظيفتك اليومية.
ثالثا: دي أول عربية حتشريها ولا لأ؟
رابعا: متعلم السواقة جديد ولا عندك خبرة كافية؟
خامسا: أخبار الأوبشنر اللي نفسك فيها إيه؟
ده مبدئيا، وعلى أساس الإجابات اللي حتقولي عليها حنقرر إحنا حنتكلم في كام عربية.
المفروض إن الحاجات دي كلها كانت تنكتب مع سؤالك في الأول عشان الإجابات ما تبقاش بحر ما نقدرشي نعوم فيه :)
وحقك عليا تاني وتالت ورابع وخامس ومارشدير كمان لو حبيت، والله ما قصدت حاجة :)
والسلام ختام
السلام عليكم ورحمة الله وبركاتة
مبدئيا مفيش اى مشكلة احنا كلنا اخوات
انا عندى 22 سنة وعندى عربية جيتا وشغال مرشد سياحى بس العربية دى مش ليا العربية دى لاختى وهى عيزة حاجة صغيرة طبعا وتكون اتوماتيك فى حدود 70/80 الف وانا حاليا بقارن بين البيكانتو والسليريو
هوه ده الكلام
نساعد بعض و ننقل خبرات متعدده في مجالات مختلفة
سعيد جدا بالحوار معاكم
اولا:
كل فترة في موديلات جديدة بتنزل و موديلات قديمة بتتوقف و عدد المشتركين في المنتدى بيزيد و بالتالي الخبرات هاتكون اكتر و كمان الاسعار بتتغير و مواصفات بعض السيارات بتتغير و سمعة التوكيلات من فترة لفترة بتتغير و اسعار قطع الغيار و سعر اعادة البيع بيتاثرو بكل دة
يبقى مفيش اي مانع ان احنا نكرر نفس الموضوع من فترة للتانية و نساعد بعض و نستفيد من خبرات بعض اكتر
ثانيا:
انا محتارة نفس الحيرة زي اختك بالضبط و هقولك على اللي وصلتلو بعد بحث طوييل
سيلاريو :( 1000cc - سلندر3) قليل اوي على اتوماتيك - قطع غيار غالية و غير متوفرة - اعادة بيع مفيش لانها لسة متجربتش اصلا ........ 70000
بيكانتو : ( 1100cc - سلندر 4 ) مش قوية اوي مع الاتوماتيك و لكن معقولة بالنسبة لبنت ( على اساس ان البنات مش بيشدو و بيجرو اوي زي الولاد يعني ) قطع غيار متوافرة - اعادة بيع ممتازة - توكيل محترم ........ 70000
ساجا : 1300 cc - سلندر 4 ) مع الاتوماتيك طبعا احسن من اللي فاتو -قطع غيار غالية برضو و غير متوفرة الى حد ما و لكن مش بادرة لان في ناس بيشتغلو في الروتون بس - اعادة بيع مفيش لسة برضو جديدة - توكيل سيء ...... 70000
.
لو هتوصل لل 80000 يبقى عندك
فيرنا 1600 cc .... طبعا قطع غيار مغرقة البلد - توكيل سيء جدا - اعادة بيع فوق الممتازة ...... 76000
جيتز 1600 cc .... عربية شبابي و بناتي في نفس الوقت و قوية - قطع غيارها غالية برضو ...... 81000
بس طبعا الاتنين استهلاك بنزين عالي عشان 1600 cc مقارنة ب 1100 cc
فعلا هى من رأيي البيكانتو احسن حاجة فيهم بس ياترى الاتوماتيك بتعها فى مشاكل او حاجة ؟؟
والله انا كمان شايفة كدة بس اللي هايجنني بقى ان في ناس تقولك ضعيفة اوي مع الاتوماتيك و ناس تانية تقولك حلوة جدا ولا فيها اي مشكلة حتى مع التكييف
في زميل لينا هنا في المنتدى معاه البيكانتو اتوماتيك اسمو medo_ sirion و لنا بعتلو اسالو عليها :
انا شفت كلامك في موضوع عن الكيا بيكانتو اتوماتيك و كنت عاوزة اعرف هي بقالها اد ايه معاك و ايه مميزتها و عيوبها ، لأن انا عاوزة اجيب عربية اتوماتيك بس محتارة جدا دلوقتي بعد ما السليريو و الساجا نزلو و بنفس السعر تقريبا ، فا حبيت اخد رايك ؟؟
شكرا http://www.nilemotors.net/Nile/Arabi...t-bot-left.gifhttp://www.nilemotors.net/Nile/Arabi...-bot-right.gif
العربية دخلة على سنة معايا وبسم الله ماشاءالله العربية مش نقصها حاجة غير انها تكون واسعة شوية
ثانيا السيلاريون 3 سلندر وهنا بقى المشكلة غير قطع غيارها غالية غير اعادة بعها بلنسبة لل 3 سلندر سيى جدا
الساجا ماليزى وخماتها مش جيدة هكذا التقفيل
البيكانتو مميزتها انها صغيرة فجميلة جوة البلد سحبها تحفة تكيفها تلاجة ومش بياثر على السحب اطلاقا
سريعة جدا لما تحمل فيها والفتيس الاوتومتك بتعها سريع الاستجابة
سلس مش بتحس وهوة بينقل الغيارات وفى زرار الاوفر دريف جميل على الطريق السريع
غير كدة الكيك دول
يارب اكون قدرت اوصلك المعلومة
وتقبل تحياتى
شكرااااااااا لمجهودك الرائع وشكلى كدة هأستقر على البيكانتو ان شاء الله
انا لسة قدامي شوية على ما اشتري
لو انت اشتريت ابقى قولي منين و بكام و ايه الاوبشنز اللي نازلة فيها لو تسمح
ان شاء الله انا عنيا ليكى