من غير هزاراقتباس:
والله البنات بقت هيا إلي بتعاكس اليومين دول والله
دا بيحصل بجد و كتير كمان
_______________
هي فعلاً بقت حاجة غريبة ان اللي بيدخل الكافيه يشرب نيسكافيه بس يحس انه فرفور
بس بجد كويس ان فيه حد زي صاحب الموضوع :)
من غير هزاراقتباس:
والله البنات بقت هيا إلي بتعاكس اليومين دول والله
دا بيحصل بجد و كتير كمان
_______________
هي فعلاً بقت حاجة غريبة ان اللي بيدخل الكافيه يشرب نيسكافيه بس يحس انه فرفور
بس بجد كويس ان فيه حد زي صاحب الموضوع :)
الموضوع اكبر من اهتمام بمنظرها وهي خارجة واهمالها لنفسها في البيت .. يمكن دي طبيعة الانسان عموما يعني الرجالة كمان يبقه خارج من البيت على سنجة عشرة وفي البيت اشعث اغبر :M_yes[1]:
على سبيل الامثلة اللي بشوفها يعني لما واحدة ترد على التليفون وهي بترقق صوتها ولما تلاقي المتصل بنت صوتها يرجع لطبيعته !!!
واحدة زميلها يقولها يا قمر ويا جميل وعسل اسود منيل بنيلة ويبقه عاجبها اسلوب كلامه معاها بالطريقة دي !!! وتشجعه على الاستمرار ال يعني كدة بقت قمر بجد وهي شكلها يقطع الخميرة من البيت اصلا
واحدة تقلع الدبلة وخصوصا لو دبلة زواج مش خطوبة ... طب عايزة تتخطبي على جوزك يعني ولا ايه !!!
واحدة تقدم خدماتها الجليلة لزمايلها الذكور في الشغل فقط ونفس الخدمات مش بتتقدم للزمايل الاناث لو اتطلبت منها !!
واحدة في الاربعينات لا شكل ولا منظر ولا شياكة وواقفة مع صاحب سوبر ماركت في العشرينات تهزر وتسمع كلام غزل وهي فرحانه بنفسها ومصدقة نفسها !!!!
واحدة تسيب زميلاتها البنات وتقعد مع زمايلها الرجالة وهاتك يا هزار وضحك بصوت عالي !!!
حضرتك الامثله اللي قولتيها دي لا تمثل واحد علي عشره من اللي بشوفه كولاد بقي بتخرج و نسهر و بنروح مناطق كتييييييييييييييييييييييي ر و ممكن اقولك امثله كتير اوي بس انا اكتشفت ان كلهم مجتمعين في نقطه واحده و هيا انهم عندهم مشاكل نفسيه فبيهربوا منها بالاساليب المختلفه دي و بردوا صعب ان الواحد يعلق او ينتقض الاسلوب لانك بكده هاتبقي بتدخلي في شونهم الخاصه بس الواحد بيقول ربنا يسترها علي اللي نعرفهم من الانحطاط الاخلاقي دا لان مابقاش في تفرقه مابين واحده محجبه او منتقبه و مابين واحده متبرجه زي مابيقولوا العاطل في الباطل و خلاص اهو كله نازل يتعاكس و احنا بنحب نعاكس ربنا يستر
بس علي فكره عجبتني حتة اشعت اغثر دي مع اني يصعب عليا فهم مثل هذه الكلمات بس حاسستني اد ايه ان منظره زباله في البيت :shyy:
لا لو على السجاير مش هيبطلوها غير لما يعرفوا الاول هما بيدخنوا ليه اصلا
يعني تسأل واحد تقول له انت بتدخن ليه يقولك كدة او مزاج او علشان انسى
ساعة ما هنعرف سبب التدخين هنعرف نمنعه
على فكرة انا مرة كنت بتمشى مع واحد صاحبي الساعة 6 الصبح على كورنيش اسكندرية و لقيت واحدة ست و معاها ابنها حوالي 9 سنين و الست بتشرب شيشة و المفاجاة ان ابنها كمان كان قدامه شيشة و بيشربها
يالنسبة على المعاكسات ياااااه مقولكش على اللي بيحصل و اللي بسمعه في الشارع ( مش انا اللي بتعاكس )
جزء من المعاكسة بسبب الرغبات المكبوتة في الشباب و الجزء التاني بسبب دعة البنات و الستات الصريحة لاي حد ماشي في الشارع أنه يعاكسهم بسبب اللبس أو طريقة التصرف او طريقة مشيهم
لا حول و لا قوة الا بالله
الموضوع دة فعلا مستفز جدا اذا كان التدخين ولا المعاكسة لان الاتنين مافيهمش ايييييييييييييي فايدة من هي نوع و نفسي اعرف اللي بيعملوهم بيعملوهم ليه ..... لان فعلا بتكون احيانا كتير البنت محتشمة - بغض النظر عن محجبة او لا - و برضو بتتعاكس و احيانا بيكون كلام بذىء و جادش للحياء جدا طب ليه كدة طيب ايه الدافع و ايه وجه الاستفادة
زمان على ايام امهاتنا كانو كلهم بيلبسو فساتين قصيرة و مفتوحة و ماكنش في حجاب اصلا و مع ذلك ظاهرة المعاكسة دي ماكنتش موجودة !!!!!
و التدخين : ريحة و حشة و شكل وحش وفلوس على الفاضي و ضرر بالصحة و اذية للي حواليك ........ ليه بقى كل دة ؟؟
.
حد خد باله ان عنوان الموضوع يقصد الرجالة و بعدين "اكتشفنا" ان الستات كمان طلعوا بيدخنوا و بيعاكسوا !!؟؟
+ صوت عالى وقله حياااااااااااااء
ماهو مشكلتنا ان مبقاش فيه حياء عند ناس كتير الا من رحم ربى
لو الناس عندها حياء مش هيعمل الغلط مش عشان مكسوف من الناس بس
لا
عشان مكسوف انه يعمل حرام قدام ربنا
انا انهارده روحت مشوار و قلت اركب مواصلات بدل السواقه فى الزحمه
فركبت مكروباص وقعدت قدام جمب السواق
فى الطريق لقيته بيقول لفظ فيما معناه ان فيه بنت حلوه فى العربيه اللى جمبه
انا مردتش عليه راح قعد يزنق على عربيتها و يديها كلاكسات
كنت عاوز ارميه بره المكروباص اصلا
ربنا يرحمنا