من فضلكم السعر العادل لهيونداى اكسنت 1300 2005

**nezamy71** · 23-07-2010 05:24 PM

انت لو خلصت السيارة دي بـــــ 43000 الف جنيه كده يبقي انت مسكت العصاية من النصف - وهتاخذ عربية باذن الله مضمونة
تقبل تحياتي

**Tarek Omar** · 23-07-2010 05:32 PM

المشاركة الأصلية كتبت بواسطة SS

كونك شايف ان عندك بدايل تانية افضل لنفس السعر...فده وجهة نظر ...ملهاش علاقة بقيمة العربية ف السوق

ان عن نفسى متفق معاك فى الرأى ...بس العربية لو حالتها زى من انت بتقول...غالبأً هتعمل السعر ده او هتبقى قريبة منه

بس خلى بالك من ميزة جامدة ف العربية ...انها بتاعت عمك و انها هتبقى مضمونة....ده اذا انت كمان ما كنتش عارف تاريخها من ساعة ما جابها

بالتوفيق ان شاء الله

شكرا يا استاذ ss انا فعلا مكنتش بفكر فى الاكسنت خالص انا بس الى شددنى ليها انى متاكد انها مش ملعوب فيها وكنت فاكر انها تعمل 40000 بس او 41 42 بالكتيرلكن اكتر من كدة اعتقد يبقى ادور على فيرنا اولانوس احسن ويهمنى راى حضرتك وشاكر لاهتمامك

**Tarek Omar** · 23-07-2010 05:35 PM

المشاركة الأصلية كتبت بواسطة eng.m mahran

بص هو فى حاجتين
سعر العربية فى السوق ده حاجة وهى فعلا تستحق السعر ده ولا فى بدائل احسن ده حاجة تانية

يعنى سعرها فى السوق من 42الى45

بس لو انت هتدفع 45 يبقى دور على لانوس احسن

شكرا يا استاذ مهران على ردك و انا متفق معاك انا بسال ايه السعر الى يخلينى اقول انها افضل من انى ادور على حاجة تانية انا عموما ابتديت اقتنع ان لغاية 42 شغال

**Tarek Omar** · 23-07-2010 05:37 PM

المشاركة الأصلية كتبت بواسطة nezamy71

انت لو خلصت السيارة دي بـــــ 43000 الف جنيه كده يبقي انت مسكت العصاية من النصف - وهتاخذ عربية باذن الله مضمونة
تقبل تحياتي

شكرا يا استاذ nezamy71 و فعلا هى هتبقى ان شاء الله مضمونة انا بس خايف انى بعد كده الاقى بدائل افضل بالتمن ده

**nezamy71** · 23-07-2010 05:42 PM

بصراحة يا استاذ طارق موضوع ان العربية تكون مضمونة اليومين دول ثمنه كثير اوي - الله المستعان علي سوق السيارات عموما في مصر فحط في اعتبارك موضوع انك تكون ضامن السيارة ده لوحدة ركن ركين من اسس قرارك في الشراء
ربنا يوفقك لما فيه الخير لك

**Tarek Omar** · 23-07-2010 05:52 PM

المشاركة الأصلية كتبت بواسطة nezamy71

بصراحة يا استاذ طارق موضوع ان العربية تكون مضمونة اليومين دول ثمنه كثير اوي - الله المستعان علي سوق السيارات عموما في مصر فحط في اعتبارك موضوع انك تكون ضامن السيارة ده لوحدة ركن ركين من اسس قرارك في الشراء
ربنا يوفقك لما فيه الخير لك

شكرا بجد يا استاذ nezamy71 على ذوقك و اهتمامك وانا واعى جدا لنقطة دى بس بردوا انت عارف انا بيقى صعب انك تفاصل مع حد زى عمك وفى نفس الوقت لازم يكون تمن العربية معقول مقارنة بالعربيات الاعلى منها

**M.FOUAD** · 23-07-2010 07:54 PM

43000 الف حد اقصى لو حالتها زي ما بتقول

**Tarek Omar** · 24-07-2010 01:13 AM

المشاركة الأصلية كتبت بواسطة fouad nour

43000 الف حد اقصى لو حالتها زي ما بتقول

شكرا يا استاذ فؤاد طيب انا شايف ان المعظم متفق على رنج 42 43 السؤال دلوقتى لو هدفع المبلغ ده يفضل ادور على حاجة تانية ولا اتكل على الله

**maiasn2000** · 24-07-2010 01:35 AM

هو ايه اللي ب 40 ياجدعان؟؟؟؟؟ دي موديل 2000 ب 42 وبعدين مادامت نظيفه وانت مرتاح لها توكل علي الله وبمنتهي الامانه هي احسن من الانوس الف مره لانوس ايه اللي صدرها والقنطره من قدام صاجه مكسحه؟؟؟؟
دي عليها موتور تحفه وحوض وتشطيب انظف من اللانوس الف مره
وناحيك عن مشاكل اللانوس طلمبة ميه بتقطع وعاوزه موتور كل شويه ولا حساسات تقرفك ولا رشاشات تتسد وتطلع عينك
انا راكبها وزي الفل بسم الله ماشاء الله
يا صاحبي توكل علي الله لو عرفت تاخدها منه ب 45 الف تبقي في الجون لكن اللي بيقول 40 قول له هات لي زيها وشوف هايجيب لك ايه
ياعم والله لو ب 45 وعلي الوصف اللي بتقوله تبقي فرصه زي الفل اشتري بال 45 الف وانت كسبان وانسي الانوس وهاتدعي لي

**M.FOUAD** · 24-07-2010 01:37 AM

المشاركة الأصلية كتبت بواسطة tarek omar

شكرا يا استاذ فؤاد طيب انا شايف ان المعظم متفق على رنج 42 43 السؤال دلوقتى لو هدفع المبلغ ده يفضل ادور على حاجة تانية ولا اتكل على الله

اصل 42-43 الف مش هيركبوك غير لانوس 2002-2003 او فيرنا 2004 تكييف و باور هما صحيح احسن بس مش هيفرقوا كثير عن الاكسنت اوي فتوكل على اللة و اشتريها كفاية انها مضمونة و بتاعة عمك يعني كانها زيرو معاك و لو لقيت حاجة تانية احسن يبقى بيعها و هي على العموم بيعها سهل بالسعر دة و مطلوبة
او انك تسيبها خالص و تدور على لانسر 98 تكييف و باور في نفس رانج السعر دة طبعا فئة اعلى و اشيك بس موديل قديم شوية