الموضوع: من فضلكم السعر العادل لهيونداى اكسنت 1300 2005

هو ايه اللي ب 40 ياجدعان؟؟؟؟؟ دي موديل 2000 ب 42 وبعدين مادامت نظيفه وانت مرتاح لها توكل علي الله وبمنتهي الامانه هي احسن من الانوس الف مره لانوس ايه اللي صدرها والقنطره من قدام صاجه مكسحه؟؟؟؟
دي عليها موتور تحفه وحوض وتشطيب انظف من اللانوس الف مره
وناحيك عن مشاكل اللانوس طلمبة ميه بتقطع وعاوزه موتور كل شويه ولا حساسات تقرفك ولا رشاشات تتسد وتطلع عينك
انا راكبها وزي الفل بسم الله ماشاء الله
يا صاحبي توكل علي الله لو عرفت تاخدها منه ب 45 الف تبقي في الجون لكن اللي بيقول 40 قول له هات لي زيها وشوف هايجيب لك ايه
ياعم والله لو ب 45 وعلي الوصف اللي بتقوله تبقي فرصه زي الفل اشتري بال 45 الف وانت كسبان وانسي الانوس وهاتدعي لي

ههههههههه مين يشهد للعروسة

المشاركة الأصلية كتبت بواسطة maiasn2000

يا جماعه السهر العادل بجد لو هايبيعها لاي حد هو 47 الف او 47 الف وعلشان القرابه والخواطر مش هاتفرق 2000 جنيه يعني ال 45000 يكون سعر لقطه بجد وحلال عليك والله يبارك لك
وصاحبي اللي بيقول مين يشهد للعروسه اقول له عنده حق بس ماتفتكرشي اني مبالغ لما اقول لك اني جبت اكسنت 98 وواحد صاحبي قال لي هاخدها يعني هاخدها شوف لك غيرها وفعلا بعتها له وجبت 99 اكسنت برضه وبعدين طقت في دماغي اكبر شويه وجبت لانوس قعدت معايا 10 ايام بس كرهت اللانوس مع انها كانت ماشيه 15 الف كم بس فرق كبير بين الاكسنت واللانوس وبعتها لاني مش طايق اركبها ورجعت تاني اشتريت اكسنت 2005 سبه زيرو كانت ماشيه حوالي 4000كموهي معايا بقي لها 5 سنين بسم الله ماشاء الله و يمكن بافكر اغير بس علشان الاولاد كبروا قوي
ماشاء الله ابني بقي اطول مني هاهاهاهاهاهاهاها مع انه لسه دجاخل اولي ثانوي لازم بابا يجيب عربيه جيب وبافكر في ماتريكس او التيجو بس انا اميل اكتر للماتريكس

انا شايف ان حضرتك عاشق للاكسنت طيب من غير زعل ايه رايك فى اراء الناس فيها زى ان صاجها ضعيف و انها واطية بتحك فى المطبات وان التكيف بياثر على السحب وانها مش ثابت بعد ال 100 و ان فراملها ضعيفة انا والله مش بنتقد العربية انا بس بجمع معلومات تساعدنى على قرار الشراء وياريت لو فى حد من الاخوة الاعضاء يقدر يفدنا برايه لان خلاص الموضوع دخل فى الجد

أنا شايف ان 43000 أو 44000 سعر كويس ليها و ربنا يباركلكم .. و لو حضرتك مش هتاخدها و عم حضرتك ناوى يبيع فى واحد صديقى بيدور على عربيه أكسنت .. ممكن حضرتك تقول لى .. و عموما أنا عادة لما بشترى عربيه و اكون مش متأكد من السعر أوى بعرض العربيه على كذا مكان و اخد المتوسط .. و ممكن اجى على نفسى ف 500 جنيه أو حاجه .. المهم تكون العربيه كويسه و عاجبانى .. و صاحبها راضى عشان ربنا يبارك للجميع.

شكرا لكل الناس المحترمة الى اهتمت و شاركت فى الموضوع ان شاء الله انا هسال عمى هو عايز يبيعها بكام و لو قلى فى حدود 43 هشتريها على بركة الله اكتر من كدة ربنا يوفقة فى بيعها لان مع احترامى للاكسنت ورغم ان فى احتمال كبير انها تبقى عربيتى هى اوطى و اقل فى الاوبشن من الانوس و علشان اظبتها هتكلفنى يعنى مثلا ازاز كهربا ب 800 جنية باور 1500و انا ممكن اتصرف فى مبلغ فى حدود 48000 يعنى اقدر اجيب لانوس حالتها كويسة بس ان بفضل الاكسنت بتاعت عمى لانى عارف انها عربية سليمة ومش ملعوب فيها و طبعا لو مفيش نصيب وحد من الاخوة الاعضاء حب يخدها هقول لعمى وهو صاحب القرار وشكرا ليكم مرة تانية

السلام عليكم يا جماعة انا حبيت انكم تعرفوا اخر التطورات انا كلمت عمى علشان نخلص فى العربية بس للاسف ظهرت قدامى مفاجاءة ان العربية مش ماشية 67000 زى ما كنت فاكر العربية طلعت ماشية 108000 غير كدة كله تمام لقيتة مقيمها ب 43000 زى ماحنا قولنا لكن قلى انه هينزلها 3000 جنية علشانى ربنا يباركله بس انا مقلق من انها طلعت ماشية كتير خصوصا انى عارف ان المواتير الكورى اعمارها قصيرة اية رايكم