الموضوع: من فضلكم السعر العادل لهيونداى اكسنت 1300 2005

العربية دي رينجها من 45 الى 46 الف بالمواصفات اللى انت كاتبها

لو عرفت تخلص باقل من 45 الف تبقى كسبان !!

يا جماعه السهر العادل بجد لو هايبيعها لاي حد هو 47 الف او 47 الف وعلشان القرابه والخواطر مش هاتفرق 2000 جنيه يعني ال 45000 يكون سعر لقطه بجد وحلال عليك والله يبارك لك
وصاحبي اللي بيقول مين يشهد للعروسه اقول له عنده حق بس ماتفتكرشي اني مبالغ لما اقول لك اني جبت اكسنت 98 وواحد صاحبي قال لي هاخدها يعني هاخدها شوف لك غيرها وفعلا بعتها له وجبت 99 اكسنت برضه وبعدين طقت في دماغي اكبر شويه وجبت لانوس قعدت معايا 10 ايام بس كرهت اللانوس مع انها كانت ماشيه 15 الف كم بس فرق كبير بين الاكسنت واللانوس وبعتها لاني مش طايق اركبها ورجعت تاني اشتريت اكسنت 2005 سبه زيرو كانت ماشيه حوالي 4000كموهي معايا بقي لها 5 سنين بسم الله ماشاء الله و يمكن بافكر اغير بس علشان الاولاد كبروا قوي
ماشاء الله ابني بقي اطول مني هاهاهاهاهاهاهاها مع انه لسه دجاخل اولي ثانوي لازم بابا يجيب عربيه جيب وبافكر في ماتريكس او التيجو بس انا اميل اكتر للماتريكس

طب تصدق لما اقول لك اني مش لاقي احسن منها لحد النهارده في فئتها في مصر؟؟؟ الصاج زيه زي غيره كل العربيات الجديده كده وانا باسافر اسكنديه كتير وبامشي بيها اقسم بالله 140 و 160 ومنتي الروقان المهم ان الصيانه تكون تمام وايدك فيها مش العربيه دي بس لكن اي عربيه واهتم قوي بظبض الزوايا ورا وقدام لانها تعليق مستقل يعني كل فرده حره في ظبطها وموضوع واطيه ده ماقابلتهوش في اي عربيه من ال 3 عربيات اكسنت اللي اشتريتهم علما بان كلهم بالعفشه الاصليه يعني لازادت ولا ركب لها اي شيء واكبر دليل اني كنت في المازدا 323 واللانسر 99 كريستاله طالع عيني من المطبات لكن في الاكينت بسم الله ماشاء الله فل ومريحه جدا جدا في صيانتها
طيب انا غيرت وجبت لانوس ورحت اظبط زوايا والله بتاع العفشه لقيته بيقول لي ليه تجيب لانوس الاكسنت بنت حلال وشغلها سهل وتظبط زوايا في دقايق يعني حتي الصنايعي بيبقي مرتاح في شغلها ده اذا اضريت تروح له اصلا وكبيرك فيها بوجيهات بس وزيوت وتيل الفرامل اللي مافيهاش ابدا مشكله طالما بتجيب الانظف والاغلي من عند مستورد مش تقليد وصيني وايطالي والكلام الفاضي ده
لما تجيب اطلب المنتج الياباني هاتلاقيه بس مش عند اي حد لانه غالي شويه يعمل له حوالي 180 جنيه بس حكايه
وزبالنسبه للتكييف انا باشغله دايما عادي جدا لافي تاثر ولاغيره يااخي العربيه بتبقي مصممه بتناسق في الاحمال علي الموتور يعني كل حاجه نسبه تناسب والموتور نادرا ماتفكر تقرب منه مادامت مضبوطه صح

ياصاحبي صدقني مش هاتندم وهاتدعي لي عربيه اقتصاديه وحاجتها من اكسسوارات وقطع غيار اسعارها تنافس اي عربيه في فئتها وحجمها لطيف ومادامت جديده يعني حالتها ممتازه تنسي اي مشاكل غريبه او حركات بايخه بس اهم شيء غير الكاوتش وركب بريدجستون 13 في 175 علي 70 هاتلاقي العربيه مختلفه تماما عن الكاوتش الاصلي جرب واذا ما ارتاحتش قول لي وعندي كتير من اصحابي عاوزين عربيه اكسنت بيتي ومش هاتخسر فيها ودي نقطه مهمه تانيه الهيونداي اكسنت بالتحديد محترمه في سعرها مش زي اللانوس ولا الفيرنا بتقل بسرعه في السعر