العربية بيجو 504 موديل 1977 gl،
الموضوع ده من فترة

لما أدوس فرامل باكون حاسس أن العجلة الأمامية شمال بتمسك فرامل قبل العجلة اليمين بشوية
يعني لو ماشي و لمست الفرامل بالراحة و أنا سايب الدركسيون، العربية هتحدف شمال بسيط
لكن لو ماشي بنفس السرعة و دست فرامل جامد ما بتحدفش
و لو ماشي و دست فرامل بالراحة (هتحدف) بعدين زودت الضغط على دواسة الفرامل الحدفة بتروح!!!!

أنا من وجهة نظري المتواضعة شايف أن دي مشكلة فرامل، الميكانيكي مصر أنها حاجة من الزوايا أو العفشة و قعد يقول لي الركبة الشمال خارجة لبرة أهي بص بص بص. و مش داخل في دماغي الكلام ده.
ضبطت زوايا كذا مرة بتاع الزوايا ما قالش أي تعليق. غيرت الجنوط و الكاوتش و الـ 4 مساعدين و لسه نفس الموضوع
الحكاية دي مش عاملة مشكلة كبيرة لكن عايز أحلها

فين المشكلة و إيه الأسباب المقترحة؟