كلامك ايجابي جدا و منطقي و مافيهوش مجهود ...
باحييك على ايجابيتك يا أخي العزيز
و على فكرة
حتى لو الحكومة عاملة اللي عليها , الواحد مفترض انه يعمل كده برده
عرض للطباعة
كلامك ايجابي جدا و منطقي و مافيهوش مجهود ...
باحييك على ايجابيتك يا أخي العزيز
و على فكرة
حتى لو الحكومة عاملة اللي عليها , الواحد مفترض انه يعمل كده برده
أنا مع حضرتك تماما لازم يكون فى تطوير و انشاءات جديدة بجانب الصيانة و ترشيد الاستهلاك زى ما أعداد السكان بتزيد و شراءهم للاجهزة الكهربية بيزيد لازم نزود قدراتنا الكهربية بدلا من ان تنهار من الضغوط الزائدة عليها و لوحتى لأقل وقت و الوضع الحالى مؤشر على هذا الانهيار .
وفعلا زى ما حضرتك قلت بدل ما كنا بنخفف احمال بالليل بس ساعتين ، أصبح الان بالليل و النهار احيانا
و بعد ما كنا بنقطع الكهرباء عن الارياف والاقاليم اصبحنا نقطعها عن المدن الكبيرة ايضا
مع تحياتى لك و لصاحب الموضوع ..
طيب يعنى راي حضرتك انهم فعلا يبنوا محطات ب16 مليار جنيه ولا حتى ب 5 مليار جنيه؟ ولا تتوفر لحاجة اولى وما اكثرهم من تعليم وصحة وطرق وغيره
خاصة انهم بيردوا ببساطة ان الاستهلاك عامة مش مرتفع وبالتالى الشبكات قادرة تستحمله لكن فى وقت من 8 -10 الشبكة مبتقدرش تستحمل الضغط ومش معقولة نبنى شبكات جديدة علشان توفر طاقة لساعتين فى اليوم لمدة 3 شهور وبقية السنة معطلة بدون داع
طبعا رايك يحترم بس حتى لو بنوا شبكات جديدة احنا محتاجين كمجتمع نرشد استهلاكنا فى كل حاجة
- المياه
-الكهربا
-البنزين
-الاكل
-الموبيل
-السجاير
-الملابس
-الكومبيوتر
-الانترنت
كل ده استهلاكنا غير طبيعى مقارنة بكل العالم فيه رغم اننا شعب فقير وحالتنا ضنك
انا شايف إن من الطرق اللي ممكن الحكومة توفر بيها الاستهلاك شوية هي:
بدل ما تقطع الكهرباء عن البيوت، توقف إرسال التليفزيون والنايل سات وخدمات الإنترنت خلال الساعتين دوول وبكده 75% من تليفزيونات البلد هتطفي ولي عنده فيديو أو دي في دي يوم والتاني و هيزهق وهيبقى الانترنت من على الموبايل بس للحالات الطارئة (وأعتقد انه ممكن كمان تتوقف) وهتتجه الناس في الفترة دي للزيارات والتقارب والخروج في الشوارع (اللي هي كده كده منورة) بدل ما كل واحد عايش في دنيا لوحده
شوف يا أستاذ أحمد الاسراف احنا متفقين انه حرام فى اى شئ و الترشيد والاقتصاد نصف المعيشة أنا معاك
و الكلام بتاع وزارة الكهرباء بتاع حكاية نصرف عشان ساعتين بس مليارات بقاله 3 سنين و مش جديد و كنا مقتنعين بيه ومصدقنهم
ومبدئيا كان تخفيف الاحمال فى شهر 7 و8 بس و بعدين بقينا نخفف فى شهر 6 و 7 و8 و بعدها بسنه بقينا نخفف فى شهر 3و 4و 5و6و7 حتى الان والله اعلم حنعمل ايه فى رمضان و الشهور الجاية و السنين الجاية
وكمان بعد ماكنا بنخفف ساعتين الذروة بالليل اصبحنا بنخفف بالنهار كمان و بعد ما كنا بنفصل الكهرباء عن القرى الغلابة والاقاليم بس اصبحنا نفصل الكهرباء عن المدن الكبيرة كمان و الهم طال الكل
وبعدين المفروض انه يكون فى تنمية وتطوير هى حاجة كانت بتكفى 60 مليون حتكفى 80 مليون طبعا مش منطقى باى حال من الاحوال
و الكهرباء سلعة استراتيجية و لاغنى عنها لكل بيت أو مصنع أو مستشفى أو مطحن أو معهد أو ......... و أى استثمار و تطوير فيها حينفع على المدى القريب والبعيد ومش خسارة 16 مليار لتطويرها ...نسبتهم كام من ميزانية الدولة اللى تقريبا 300مليار و بعدين محطات الكهرباء بتتبنى فى اكتر من سنة يعنى المبلغ دا حيتقسم على 3 سنين مثلا و مش كل سنة حتبنى محطات جديدة و لكن الصياتة الدورية العادية . ..
والله كلام حضرتك سليم وجميل واكيد شريحه كبيرة منا بينفذ دة والله مستعان
انا طبعا مش معنى كلامى ان الحكومة المفروض متعملش حاجة خالص ..طبيعى تستثمر فى البنية التحتية بس بمقدار الزيادة الطبيعية يعنى كل سنة بنزيد سكان بمقدار معين وبالتالى استهلاك بمقدار معين فهى تزود استثمارات على اساسه ولو معملتش كده يبقى ده عين التقصير والاهمال
ولكن مشاكل الكهرباء مبتظهرش الا فى الصيف فقط وباليل فقط لكن بالنهار بتبقى طبيعية إلى حد ما...اذا ده معناها ان الطاقة الموجودة كافية للاستهلاك الطبيعى...لكن السنة دى لان الحرارة رهيبة فالاستهلاك ارتفع بشكل كبير...جميل اوى محدش طلب من حد يقفل التكييف...لكن على الاقل اقتصد فى الحااجات التانية ...يعنى اصرف مليار واحد حتى على الكهربا ولا كل واحد يقفل النور فى الاودة اللى مش قاعد فيها (وده طبيعى من غير ازمات)
لكن لما يقولوا ان امس 27 يوليو كان اكتر يوم استهلاك كهرباء فى تاريخ مصر لدرجة انه يساوى انتاج السد العالى مرة ونص!!!!!!!!!!!!!!!!!!!!!!!!!!!!1 يبقى فى حاجة غلط
ظ„ط£ظˆظ„ ظ…ط±ط© ظپظٹ طھط§ط±ظٹط® ظ…طµط±.. ط§ط³طھظ‡ظ„ط§ظƒ ط§ظ„ظƒظ‡ط±ط¨ط§ط، ظپظٹ ظٹظˆظ… ظˆط§ط.ط¯ ظٹط¹ط§ط¯ظ„ ظ…ط±ط© ظˆظ†طµظپ ط·ط§ظ‚ط© ط§ظ„ط³ط¯ ط§ظ„ط¹ط§ظ„ظٹ
انا برده مستعد اسكت عن المناقشة لو كل واحد هنا شهد ان استهلاكه عادى من الكهرباء ومبيسرفش فيها بدون داع...ساعتها يبقى هى الحكومة فعلا هى السبب فقط وعليها حل المشكلة
أحنا كدا متفقين جدا وخصوصا اننا بنحتاج كل سنة نمو بنسبة 7 % تقريبا من الطاقة الكهربية
لا الموضوع بقى اكبر من حكاية الصيف صدقنى بس الصيف عز الازمة عشان كدة الكل بيحس بالموضوع دا فى الصيف
الكلام اللى نسمعه المفروض نحلله ونفهمه و اليك كلام الوزير
"وأكد الوزير أن المحطات المنتجة للكهرباء من "الانحدرات المائية "ستتلاشى مستقبلا .. موضحا أن إنتاج الكهرباء من هذه المحطات يمثل 8 % فقط من الإنتاج بعد أن كان السد العالى فى الماضى يمثل نسبة 60 % بمفرده فى إنتاج الكهرباء ، وعلى رغم ما تم فى العمل على زيادة قدرة السد العالى إلا أن مصر لم يعد لديها مصادر مائية جديدة ."
http://www.ndp.org.eg/ar/News/ViewNe...x?NewsID=70552
يعنى السد العالى لا ينتج سوى 8% من كمية الكهرباء المنتجة فى مصر حاليا ايه رأيك بقى !!!!
و مرة ونصف من انتاجه دى تبقى كام يعنى هما بيضحكوا علينا باى تصريحات و خلاص
يا سيدى الفاضل موضوعك جميل وهادف و احنا المفروض نرشد الاستهلاك فى كل حاجة و بردو الحكومة تعمل اللى عليها من تطوير ونمو طبيعى لسد الاحتياج من سلعة استراتيجية مهمة زى الكهرباء بتشغل البلد كلها بلا جدال
و تقبل فائق شكرى واحترامى
موضوع جامد
ما هو اللي فاقعني ........
اني ماعنديش في البيت لمبة حمرا واحدة
و باقفل النور و التكييف لما اخرج من الغرفة
مراتي بتغسل الفجر تقريبا يعني على 3 بالليل كده
.....
فاتورتي بتيجي 300 جنيه في المتوسط
و باوفر متعمدا لتقليصها ....و ما بتتقلصش حتى في ايام السفر الكتير او البيات عند أهلي
و ماشي
و اهي الكهربا بقت بتقطع كمان
طب اعمل ايه ؟
و بلاش حضرتك تقول ان الناس هي اللي عليها الحمل
لأن معظم اللي بتقطع عنهم الكهربا عندهم مراوح أساسا .....
الناس عليها حمل الغاز ...علشان بيطبخوا و يتدفوا بيه (خونة)
الناس عليها حمل الكهربا ... علشان بيشغلوا التكييف من 8-10 (أوغاد)
الناس عليها حمل الزحمة ... بيشتروا عربيات كتيرة (المرفهين)
طيب موافق
احنا شعب وحش كلنا خونة و أوغاد و مرفيهسن و جهلة كمان
هل في برنامج لتعليم ولادنا في لمدارس تأثير التصرفات دي على بلدنا و بيئتنا ؟
هل في تصرف أو محاولة من الحكومة لتعديل الوضع بشكل ايجابي بدل نظام العقاب الجماعي (القذر) بتاع قطع الكهربا و تشحيح الغاز ...و يطلعولنا لسانهم و يقولوا من عمايلكم
في استراليا ...(معلش أصلي البلد دي عاملالي أزمة)
مركز الأرصاد و الطقس تنبأ السنة اللي فاتت ان 2010 سيكون من أحر الأعوام على الأرض (ده حكومة حضرتك)
و بالتالي بتوع الكهربا لما شافوا التقرير (لأنهم بيشوفوا) عملوا دراسة على ارتفاع الاستهلاك و القدرة على التغطية الكهربية لاقوا الوضع هايكون حرج ...
بعتوا للحكومة بيان بالمشكلة و قائمة من الحلول
ووافقت الحكومة على الحل ....
تخصيص 1600 دولار لكل منزل (البعض كمنحة و البعض كقرض بدون فوائد) لتثبيت عوازل سقفية ضد الحرارة و ده ادي لتقليل الاستهلاك بشكل كبير و المواطنين فرحوا جدا لأن استهلاكهم في التبريد قل (و مصاريفهم قلت) و انهم سعيدين بوجود احد في الكواليس يعتني بهم . وان دفعات القرض لا تتعدى فرق الفواتير المخفض .
مع العلم ان العمل جاري على الجانب الأخر لزيادة القدرات التمويلية الكهربية في المستقبل مع التوصية بتطوير نظام العزل و جعله اجباري في اي مسكن تحت التأسيس
(خبر التخصيص و تركيب العوازل جه في الجزيرة كمان على فكرة)
دي ...بلد
ودي حكومة
انما لا اللي احنا فيها دي بلد و لا الاقفاص دي ينفعوا بنكلة اساسا