ساعتين تمنهم 16 مليار جنيه!!!!!!
احب استهل كلامى بلعن الحكومة وسبها باى الفاظ تحبونها علشان منضيعش وقت فى لعن الحكومة بعد كده
طبعا شوفنا الايام الحر الغريبة اللى حاصلة السنة دى وان 2010 مصنفة على انها "اكثر الاعوام حرارة فى تاريخ الارض:fun_36_3_4[1]:"
وللاسف فى وسط الجو الرهيب ده بنلاقى الكهرباء بتقطاع كتير
ارجوك متلعنش فى الحكومة لاننا اتفقنا اننا لعناها وشتمناها خلاص فوق:049:
الراجل وزير الكهرباء من اول مالصيف بدأ وهو يطلع كل يوم فى الجرايد بكلمة واحدة
"الساعتين ب16 مليار جنيه"
الراجل بيقول ان ساعتين الذروة اللى هما من الساعة 8 بالليل لغاية 10 بالليل التحميل على شبكة الكهرباء بيبقى خيالى وان بيضطر يقطع الكهرباء عن بعض الاحياء علشان الشبكة كلها متنهارش
وقال ان لو حبينا نبنى شبكات كهرباء علشان نوفى الطلب بتاع الساعتين حنحتاج 16 مليار جنيه:eee:
وقال انها لو توفرت الفلوس فالمحطات اللى حتتبنى مش حيبقى ليها فايدة الا ساعتين بس فى اليوم وفى فترة الصيف فقط لكن بقية السنة مش حنحتاجها
خلينا نتكلم منطقيا قارن بين وضعك دلوقتى ووضعك من خمس سنين وقولى هل اشتريت الاجهزة دى ولا لا
- تكييف
-بلاى ستيشن
-كومبيوتر
- تلفزيون اكبر
يبقى اكيد استهلاكنا مش زى من كام سنة وخاصة فى التكييف اللى غالبية البيوت مبقتش قادرة تعيش من غيره وعندنا حق طبعا
طيب ايه الحل وايه المطلوب (ارجوك خليكى ايجابى شوية)
الراجل بيقول كلام منطقى
مش عايزكم تطفوا الانوار ولا تطفوا الكهرباء ولا تطفوا التكييف:11: خليكم زى مانت
لكن الراجل حيموت علشان حاجتين صغيرين اوى
- الحاجة الأولى: توزيع الاحمال عبر اليوم يعنى لو حاجة ينفع تتعمل فى اى وقت يبقى بلاش من الساعة 8 لو ست البيت عايزة تغسل (الغسالة الاتوماتيك واضح ان استهلاكها عالى) تغسل زى مهى عايزة بس بلاش الساعتين دول...
-الحاجة التانية: الوزير بيقولك افتح النور والتكييف زى مانت عايز لكن ارجوك وانت خارج من الاودة اقفل النور او التكييف (صحيح هى الاودة حتخاف تقعد فى الضلمة ولا فى الحر)
وده من رأى وبعيداً عن الحديث عن الحكومة الفاشلة ولا يعنى لما نوفر الفلوس حيعملوا بيها ايه يعتبر عادل جدا
Fair enough لازم يبقى لينا دور ولو صغير لانه بيقولك ببساطة حقطع الكهرباء عن ناس تانية (وممكن تبقى انت الناس التانية) والاهم من كده انك بتحافظ على البيئة وصحتنا لما تخفض استهلاك الكهرباء لان محطات الكهرباء تلوث البيئة
ايه المطلوب مننا كناس مثقفة ومحترمة وايجابين:Oc_sun1[1]:
نبدأ بنفسنا ونحاول ننقل الكلام ده لكل اللى حوالينا (التغيير بيجى كده) ونعلم ولادنا الصغيرين لان دول اسهل فى التعلم
- اقفل النور وانت خارج من الاودة سواء فى بيتك او شغلك
-اقفل اللاب توب لو مبتستخدموش
-شيل فيشة البلاى ستيشن والدى فى دى والتلفزيون لو مبتستخدمهومش (لأانهم بيستهلكوا طاقة وهما مقفولين اومال منورين ازاى)
- وطى التكييف شوية حلو اوى انك تظبطه على 25
- السخان الكهرباء رغم اننا فى الصيف بس اتحدى ان ناس كتير فاتحاها دلوقتى طول اليوم
- لو الموبيل اتشحن شيله من على الشاحن (الموبيل نفسه حتلاقيه بيطلعلك رسالة يقولك شيل الشحن وحافظ على الطاقة:36_1_50[1]:)
ارجوك حتى لو مش مقتنع اعملها بنية انك تتبع حديث "لا تسرف ولو كنت على نهر جار"
تابعنى علشان نشوف بره عندهم نفس المشكلة ولا لا