الموضوع: امبارح خبطت واحد بموتوسيكل ......... قاصد..!!

بعد اذنكم... أنا ليا وجهة نظر مختلفة شوية....

مع أني معنديش موتوسيكل شخصيا.... دا أولا...

و ثانيا... عربيتي لو حبيت أخبط بيها (مش هقولك موتوسيكل... هقولك ميكروباص أو نص نقل...) هربيه كويس أوي و أنا مش هيحصل عندي أدنى شيء.... بس أنا بعتبر العربية ديه نعمة من عند ربنا... و اني مش لازم أستعمل نعمته اللي بعتهالي في الافترا عالناس.... والا هياخدها مني تاني و يديها للي يستحقها...

دلوقتي اللي راكب موتوسيكل دا... أكيد ظروفه مش سامحة يجيب عربية (الكلام على الصيني)

ثانيا... خبطتك ليه ديه... هنفترض أنه وقع على جمبه... و رجله إتلوت.... أو داست عليها العربية اللي وراك....
أقل واجب هيركب شريحة بمسمار....

و دا أقل ضرر... لو بأة وقع وقعة جامدة... ممكن يقعد على كرسي بقية عمره...

فمع احترامي و تقديري لغضبك و مضايقتك منه.... أرجوك بلاش توصل للمرحلة ديه تاني....

الافترا وحش...

لو هو قليل الأدب... ازنقه في الرصيف بعربيتك و انزل بنفسك ربيه و أدبه... لكن تخبطه بعربيتك ديه... متعرفش ممكن تؤدي لإيه...

و محدش يقول أنا بخبطه خبطة محسوبة.... لأن ديه مافيهاش محسوبة أو غير محسوبة....


ثانيا... موضوع الكلاكسات....

رغم أن في بعض الدول الأوروبية مش مسموح بالكلاكسات... الا أن الموتوسيكلات دايما بتستثنى من القاعدة ديه....

حتى تشغيل النور بالنهار مستحب كعامل مهم من عوامل الأمان....

في النهاية... أحب أقولك أني ياما اتعرضت لمواقف زي ديه... بس اللي كنت بعمله... أني كنت بنزل أرد بنفسي... أو.... بطنش خالص.... برغم من أن لمسة مني ممكن أطيره....