عاجل ارجو المساعدة فى الاختيار

**mady_car** · 02-03-2008 12:05 PM

هى الماروتى كويسة بس انا ساعات ببقى مضطرة اسافر بالعربية علشان كده انا محتاجة حاجة تستحمل.

فانا تقريبا مستقرة على كيا برايد او فولكس بولو بس انا كنت عاوزة اعرف سعر الاتنيين دلوقتى كام و ايه احسن موديلز فيهم و ايه اخبار قطع الغيار .

**ramyfawzy** · 03-03-2008 03:13 AM

بالنسبة للبرايد تبدأ من 96 لغاية 99 وسعرها من 30 الف لحد 37 الف (بيفرق التكييف طبعا في السعر وسنة الصنع وكمان الحالة) دا بالنسبة للهاتشباك مش السيدان
قطع غيارها رخيصة نسبيا ومتوفرة جدا في السوق (عشان كوري)

البولو تبدأ من 95 (بيسموها فوكس) لحد 97 ودي بتبقى 1300 سي سي ومكيفة بس سعرها ممكن يعدي الـ 35 الف وتوصل ساعات لحد 40 الف
من 98 لحد 2000 بتبقى 1000 سي سي وبتنزل فاضية من غير كماليات وسعرها بيبقى في حدود 35 الف لحد 38 الف ولو فيها كماليات بتعدي الاربعين
على فكرة الفوكس الماني اما الـ 98 برازيلي
قطع غيارها متوفرة بس غالية نسبيا عشان الماني

اعتقد ان البرايد هتكون مناسبة جدا ليكي وتستحمل سفر ومشاوير كتير بس اهم حاجة انك تلاقى واحدة حالتها كويسة وتكشفى عليها كويس
وربنا يوفقك

رامي (ابو احمد)