الموضوع: رابطة مالكي المكواة...لانسر 2001-2002-2003

ربنا يباركلك فيها وتطلع فبريكه يارب

المشاركة الأصلية كتبت بواسطة madman2002

حد هنا من المنصوره يا شباب ؟!!

استهلاك العربيه فى البنزين وانا عاوز حد متخصص فيها ... اللى بروحله بتاع عربيات جنرال عارفه من زمان امين ومحترم وبيفهم .. بس كربراتير المكواه مش لعبته

فيه واحد اسمه احمد متخصص كاربيراتير فى السنبلاوين عالطريق ده اللى هيعملك ام الحنه فيه والناس بتجيله من محافظات
اسال عليه هناك هو مشهور

المشاركة الأصلية كتبت بواسطة madman2002

ربنا يباركلك فيها وتطلع فبريكه يارب

تسلملى ياحبى ربنا يكرمك

المشاركة الأصلية كتبت بواسطة egynights

فيه واحد اسمه احمد متخصص كاربيراتير فى السنبلاوين عالطريق ده اللى هيعملك ام الحنه فيه والناس بتجيله من محافظات
اسال عليه هناك هو مشهور

معلش يا باشا ممكن توضيح اكتر عن اسمه الكامل او مكانه بالظبط ؟!!!

المشاركة الأصلية كتبت بواسطة ahmedharon

بعد عاملين ايه واذيكو ديه بقى صور تانيه لعربيتى وهيا عند الاسطى هانى البوهيجى المرحله ديه مرحلة تنظيف العربيه من الدهان والمعجون القديم وكشف الصاج من جديد والله المستعان ادعولى تطلع كويسه بعد المصاريف ديه كلها خصوصا انها اتخبطت خبطه صغيره كده فى الباب وهيا واقفه عنده بعد ما خلص شغل وروح ربنا يسترها بقى وتيجى على قد كده

نيجى بقى للصور الخاصه بالمرحله ديه






وديه صورة تانيه لفانوس الشبوره بتاع الديماكس اللى ركبته فى المكواه




وديه بقى صورة الاسطى هانى ان شاء الله العربيه تطلع حلوة ونجيبله زباين




ان شاء الله هاوافيكم بالجديد بس عاوز تشجيع منكم يمكن الموضوع دا يتثبت ويكون مميز للقسم والاعضاء والزوار

عاوز اضيف انى غيرت شوية حاجات كده عند الميكانيكى قبل ما ارش العربيه وهيا كالاتى


سير كاتينه يابانى مش المانى وسعره 110 جنيه

فلتر بنزين 20 جنيه

تيل امامى صينى الراجل قاللى جربه على مسئوليتى وسعره 55 جنيه وفعلا مفيش صفاره ولا تتريب على العجل

قاعدة جمل اللى عند الفتيس تايلاندى بس فرز محترم 100 جنيه عشان معرفه

قاعده اماميه تايلاندى برضو 65 جنيه

المساعدين الخلفيين هبطو بس مجابوش زيت فركبت علايتين سعرهم بمصنعية تركيبهم خارج السياره 70 جنيه

وجيبت طقم شماسات خلفيه وبابين خلفى 50 جنيه

اتنين كارتيره امامى + 2 دلايه امامى 100 جنيه (الدلاايات الناشفه الاصلى مش الطريه)

لو افتكرت حاجه تانى هاقولكو

والسلام عليكم

انت نسيت تقولنا اهم حاجة سعر الرشة " الدهان " كلها كم

كنت قد ساهمت من فترة في هذا المنتدي الرائع ولكن الان انقل لكم تجربتي مع استهلاك البنزين و مشكلة السحب في العربية
العربية 2001 و 1300
واجهت مشكلة لان العربية كانت في الطريق ضد الهواء بتمشي بصعوبة شديدة واخرها 120 بعذاب و كانت بحس اني بواجه مشكلة كبيرة في السحب
وبعد مشاورات علي الجروب من تغيير فلتر بنزين او فلتر هوا الي تغيير البوجيهات و منظف لدورة البنزين
عرفت المشكلة اخيرررررررررراا
المشكلة كانت في سلك البوجيهات انه كان مرطب و مكنش بوصل الكهرباء للمكنة " العربية كاربيراتير " وفعلا بعد تغيير سلك البوجيهات حسيت بفرق كبير في العربية

بس عندي كام استفسار بالنسبة الي دراع المساحات مكسور و النور بتاع التابلوه لان اللمبات محروقة وكمان لمبات التكييف بردة و
ممكن اجيبهم منين لاني دخت عليهم في التوفيقية " البنا و الزقازيقي و والدقاق و محلات كتير بس مش لاقيهم خالص و المشكلة داخلين علي الشتا و مش عارف اعمل ايه في المشكلتين دول و كمان دي عربية سفر يعني مينفعش اطلع بيها في الشتا كمان و هي كده و بالليل
و اشكر جميع القائمين علي هذا المنتدي

المشاركة الأصلية كتبت بواسطة احمد عثمان علي

كنت قد ساهمت من فترة في هذا المنتدي الرائع ولكن الان انقل لكم تجربتي مع استهلاك البنزين و مشكلة السحب في العربية
العربية 2001 و 1300
واجهت مشكلة لان العربية كانت في الطريق ضد الهواء بتمشي بصعوبة شديدة واخرها 120 بعذاب و كانت بحس اني بواجه مشكلة كبيرة في السحب
وبعد مشاورات علي الجروب من تغيير فلتر بنزين او فلتر هوا الي تغيير البوجيهات و منظف لدورة البنزين
عرفت المشكلة اخيرررررررررراا
المشكلة كانت في سلك البوجيهات انه كان مرطب و مكنش بوصل الكهرباء للمكنة " العربية كاربيراتير " وفعلا بعد تغيير سلك البوجيهات حسيت بفرق كبير في العربية

بس عندي كام استفسار بالنسبة الي دراع المساحات مكسور و النور بتاع التابلوه لان اللمبات محروقة وكمان لمبات التكييف بردة و
ممكن اجيبهم منين لاني دخت عليهم في التوفيقية " البنا و الزقازيقي و والدقاق و محلات كتير بس مش لاقيهم خالص و المشكلة داخلين علي الشتا و مش عارف اعمل ايه في المشكلتين دول و كمان دي عربية سفر يعني مينفعش اطلع بيها في الشتا كمان و هي كده و بالليل
و اشكر جميع القائمين علي هذا المنتدي

مبروك يا باشا الصيانة اللى عملتها وكويس انك قدرت تحدد السبب ويا ريت للافادة تقولنا قدرت تحدد عيب السلك ازاى وازاى اتاكدت انه هو وجبت نوعية سلك ماركة ايه وبكام ونرجو الافادة والاهتمام لان نفس العيب عندى مع اكل بنزين رهيب

بالنسبة لنور التكييف اللمبات هى لمبات سفايا 12 فولت موجودة ومتوفرة عند كل بتوع قطع الغيار ولكن فى تركيبها فى مكانها بتبقى عاوز واحد فنى شوية
اما لمبات العدادات فهى مشكلة فعلا لم اجد لها حل فعلا انا سالت فى التوفيقية زى ما انت عملت ولم اجدها ولكنى شاكك بنسبة كبيرة انك لو فكيت واحدة ورحت سالت عنها عن بتوع بيع الالكترونيات عندى احساس انك هتلاقيها هناك وبعدين اللى خلاك سالت فى التوفيقية كنت كملت شوية لشارع عبد الخالق ثروت فى هناك توكيل الرواس على ما عتقد انك هتلاقيهم هناك بس هيبقوا غاليين شوية بس اهو ده الحل الاخير للمشكلة

اللمبات دى موجوده عندنا فى المنصوره .. غالبا يعنى :)

نزلت متأخر فى يوم فى شارع قطع الغيار لفيت عليها لقيت محل بيقفل قاللى موجوده بس تعالى بكره لانها مع فلان فى عربيته وهو روح

لو لقيتها هقولكم وانشاله ابقى ابعتهالكم فى بيجو جاى مصر وتقابلوه