رابطة مالكي المكواة...لانسر 2001-2002-2003

**zxcvasdf20** · 05-01-2012 02:12 PM

كنت عايز اعرف تنك البنزين بتعهة كام لتر وسعر الاكسدام الامامي كام واسبويلر البومة بكام

**A7MED_PHARMA** · 07-01-2012 02:32 AM

تانك البنزين تقريبا 40 لتر
سعر الاكصدام الامامي 140-170 ج تايواني اسود
الاكصدام العادي مش البارز .. البارز بييجي استيراد مفيش منه تايواني
سعر سبويلر البومة..على فكرة مش بيليق عليها.. بــ حوالي 120 ج ف التوفيقية حسب منا فاكر
طقم العتب بتاع البومة بيركب عليها بــ 150 ج تايواني ف التوفيقية

**A7MED_PHARMA** · 07-01-2012 07:32 PM

5 مسمار؟؟؟
غريبة أوي دي .. بس ده عادي
ممكن يكون مركب عفشة بتاعت عربية تانية 5 مسمار .
عفشة الايفو 5 مسمار برضوو تقريبا

ممكن يكون جايب عفشة استيراد.
هسألك بتوع الاستيراد..أنا رايح الصبح أجيب شوية حاجات

**zxcvasdf20** · 08-01-2012 06:18 PM

ايوة انا جبتهم انهاردة 800 من الشركة الهندسية في سوق التوفيقية

**faiad1** · 08-01-2012 11:29 PM

شكرا يا جماعه علي الاهتمام لاني كنت سألت سؤال من كان يوم بس لقيت الردود كتيييير و عرفت ان الموقع جامد
علي العموم اأهي مره و الواحد بيتعلم ... مع ان اكرام الضيف واجب

**mr_vampire** · 09-01-2012 01:00 AM

المشاركة الأصلية كتبت بواسطة faiad1

شكرا يا جماعه علي الاهتمام لاني كنت سألت سؤال من كان يوم بس لقيت الردود كتيييير و عرفت ان الموقع جامد
علي العموم اأهي مره و الواحد بيتعلم ... مع ان اكرام الضيف واجب

اولا: علي فكرة يافندم الناس اللي بتجاوب عالاسئلة مش بتاخد فلوس علي اجابتاها عشان حضرتك تقول ( اهي مرة والواحد بيتعلم ) كان حضرتك رميت فلوسك عالارض.

ثانيا : وارد جداااااا ان محدش خد باله من سؤال حضرتك او محدش عارف الاجابة لان الشباب اللي هنا مش متخصصين دول زيهم زيك بالظبط معاهم مكوة واجاباتهم خبرة من مواقف حصلت معاهم وبينقلوها للافادة. فالمفروض ان ده مصلحتك تسال تاني وتالت ورابع ومليون لحد ماتلاقي حد حصلت معاهم نفس مشكلتك ويتفضل شاكرا يقولك الحل.

والشباب اللي عالمنتدي اكيد كتير منهم اللي وراه حاجات تانية ممكن يعملها غير انه يفضل 24 ساعة ادام الشاشة .

فلو اكرام الضيف واجب. برده التماس الاعذار فرض.

تحياتي.

**faiad1** · 09-01-2012 01:39 AM

الفكره اني اول مره اشارك في المنتدي و عجبني ان في ردود و شوفت تقريبا كميه كبيره من الحوارات اللي علي المنتدي و لهذا السبب شاركت
ولما قولت انها اهي مره و الواحد بيتعلم )ده علي اساس اني اول مره اشارك واديني بتعلم فايدة المشاركه ايه ... وانا طبعا عارف انه مش فرض علي حد انه يرد عليا بدليل اني قولت في الاخر ان اكرام الضيف واجب .بس تعجبت من التجاهل
و لو كنت اخدت بالك من الجمله بتاعت اكرام الضيف مكنتش قولت (الناس اللي بتجاوب عالاسئلة مش بتاخد فلوس علي اجابتاها) لاني اعتبرت نفسي ضيف
وردك كان في شئ من الغلظه ونسيت اني عضو جديد معاكم كان كفايه التوضيح دون التجريح و الاستهزاء وعلي العموم بشكر ك علي الرد

**A7MED_PHARMA** · 09-01-2012 01:51 AM

أخ فياض

كويس إن محدش جاوب .. صدقني محدش هنا بيفتي
لو كان حد عارف الإجابة .. هيجاوب على طووووووووووول
لكن طالما محدش رد .. يبقا تعرف إن محدش عارف الإجابة ومافتاش
بس
وتنور المنتدى يازميلي

وزي ماأحمد الصعيدي قال
الرجالة مش مقطوعة للنت 24 ساعة .. والناس تعرف حاجات كتير بحكم الخبرة .. لكن مش بحكم دراسة أو حرفية علشان يعرفوا كل حاجة
أنا مثلا
أنا عارف كل أسعار قطع الغيار تقريبا بحكم إني غيرت حاجات كتير ف العربية .. لكن ماعرفش سعر كل حاجة
وهكذا

بس ياسيدي
وتنور المنتدى كمان مرة ... والمشاريب على حساب كريم صاخب المخل

-

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة