رابطة مالكي المكواة...لانسر 2001-2002-2003

**dr_hady4447** · 22-01-2012 12:21 AM

المشاركة الأصلية كتبت بواسطة mr_vampire

م
ياريت تعرفنا موديل كام وشاري بكام و امتا عشان نعرف لسة ماسكة سعر ولا نزلت عن المعتاد بتاعها.

**A7MED_PHARMA** · 22-01-2012 01:37 AM

هو لسه ماصفرش
المكوجية ماحدش فيهم صاحي.. مس لاقي حد أتخانق معاه

مخنوق ياخوانا

**unknown** · 22-01-2012 11:15 AM

انا سالت مهندس طارق وقالي الاتي
mobil atf 320 ب 45 جنية
وبيحتاج 9 لتر
وتمن التغير 55
مش عارف هل فيه فلتر بيتغير وبيكام

**zxcvasdf20** · 22-01-2012 03:38 PM

استاذ Haitham كنت عايز اعرف فوانيس الشبورة الي ركبة في الكسدام بتوع اني عربية عشان انا عايز اركب زيهم بسم اللة ماشاء اللة

**elghanam_egypt** · 23-01-2012 01:08 PM

المشاركة الأصلية كتبت بواسطة mr_vampire

مادام لسة جايبها يبقي غيرهم انتا احسن عشان ماتضمنش اللي قبلك غيرهم امتا ومتعرفش سواقته كانت عاملة ازاي. وناس بتغيرهم علي 60 الف بس انا من 40 -50 اخري.

والف مبروك وربنا يباركلك فيها ويديك عيرها ويكفيك شرها.

ياريت تعرفنا موديل كام وشاري بكام و امتا عشان نعرف لسة ماسكة سعر ولا نزلت عن المعتاد بتاعها.

اسف على تأخيرى فى الرد بس لظروف خاصه ماكنتش بدخل نت
بص ياسيدي هيه واحد جايبها معاه من الامارات وجمركها هنا فى مصر واشتريتها منه بـ62 الف موديل 2003 اوتوماتيك 1600 خليجي فيها ايرباج واحد فابريكه بره وجوه لونها نبيتي بس فيها خدوش بسيطه وطبعا صرفت عليها جوز مساعدين + 3 فرده كاوتش والحمد لله عربيه ممتازة وربنا يكرمكم ويكرمنى بالاحسن منها انشاء الله

**A7MED_PHARMA** · 23-01-2012 02:33 PM

فوانيس الشبورة حلم كل مكوجي
ههههههههههههههه

بص
ممكن تجيبهم إستيراد.. بس هيستهبلوا عليك ويغلوها أوي

فوانيس الــ d-max النص نقل
فيه منها مدور . وفيه منها مستطيل
المستطيلة بتركب ف المكوة .. والكريستالة كمان
بحوالي 80 ج الاتنين.......... صيني بيسودوا ويجيروا بعد فترة
مش عارف فيه منهم أصلي ولا لأ ؟

**mr_vampire** · 23-01-2012 06:23 PM

المشاركة الأصلية كتبت بواسطة elghanam_egypt

اسف على تأخيرى فى الرد بس لظروف خاصه ماكنتش بدخل نت
بص ياسيدي هيه واحد جايبها معاه من الامارات وجمركها هنا فى مصر واشتريتها منه بـ62 الف موديل 2003 اوتوماتيك 1600 خليجي فيها ايرباج واحد فابريكه بره وجوه لونها نبيتي بس فيها خدوش بسيطه وطبعا صرفت عليها جوز مساعدين + 3 فرده كاوتش والحمد لله عربيه ممتازة وربنا يكرمكم ويكرمنى بالاحسن منها إن شاء الله

1600 خليجي ؟؟؟؟؟ طب كتم بقي عالسيرة عشان فيه ناس هنا هتموت علي حاجة زي كدة. لان تقريبا كدة انتا الوحيد هنا الي مكوته 1600 . الباقي كله بط بلدي 1300.

انجكشن بقي ولا كربراتير؟؟؟؟ وفي حاجات زيادة عن ال1300 غير الاير باج؟؟؟؟ شبورة او التابلوه ابانوس ولا لاء وفيها abs

لاني بصراحة عمري ماقابلت مكوة 1600 خالص.
ربنا يباركلك فيها ويديك خيرها ويكفيك شرها.

**elghanam_egypt** · 23-01-2012 06:32 PM

المشاركة الأصلية كتبت بواسطة mr_vampire

1600 خليجي ؟؟؟؟؟ طب كتم بقي عالسيرة عشان فيه ناس هنا هتموت علي حاجة زي كدة. لان تقريبا كدة انتا الوحيد هنا الي مكوته 1600 . الباقي كله بط بلدي 1300.

انجكشن بقي ولا كربراتير؟؟؟؟ وفي حاجات زيادة عن ال1300 غير الاير باج؟؟؟؟ شبورة او التابلوه ابانوس ولا لاء وفيها abs

لاني بصراحة عمري ماقابلت مكوة 1600 خالص.
ربنا يباركلك فيها ويديك خيرها ويكفيك شرها.

هيا انجيكشن نفس ماتور البومه بالظبط مافيهاش شبورة ولا تابلوة ابانوس ولا abs
شكرا على ذوقك وماتقولش لحد هنا انها 1600 اوتوماتيك عشان لسه الفانوس الخلفى امبارح واخد خبطه ومكسور بس لحد دلوقتى مش عارف اتكسر فين ومين المحترم اللى كسره