مش هشارك لأسبوع كامل ومش عارف هيعدى أزاى!!

السلام عليكم

أنا إن شاء الله هسافر بكره مرسى مطروح أصيف بقى :))
ومش هينفع أشارك من هناك علشان ببقى طول مأنا فى البيت على نايل موتورز
ولو رحت هناك قعدت على كمبيوتر هيروحونى تانى :))))
أنا مش عارف مش هشارك أزاى بجد لأنى مكنتش بنقطع عن المشاركه حتى وأنا فى عز الامتحانات وفى عز مشروعى
فهتوحشونى واحد واحد الاسبوع دا
وكيا كلها هتوحشنى
والحاجه الوحيده الى مش هتوحشنى الهجوم المستمر على السيراتو :))
إن شاء الله المفروض أرجع السبت الى بعد الجاى دا - إذا أراد ربنا -
فأستودعكم الله بقى وأشوفكم على خير بإذن الله
ومش هوصيكم على السيراتو بقى :))

هتوحشنااااااااا يا هندسة
بس بقى عشان هعيط :(((((((

هههههه حبيبي يا ابو نورمال - توصل بالسلامة واجازه سعيدة

هات معاك لب ابيض :) - هههههههههههههههه

تروح وتيجى بالسلامة يا باشا
هتوحشنا تعليقاتك ومواضيعك الجامدة

متنساش بقى تنزل البحر كل يوم :))))))))

تروح وترجع بالف سلامة يا محمد وامشى بالراحه وانت مسافر

ومتخفش السيراتو فى ايد امينة (بس هى ترجع بيتها وتستهدى بالله كده )

انا عارف انك مش هتقدر وهتتصرف انت هتلف فى مطروح كلها على سايبر

خلى بالك من نفسك ومتلعبش الرمالة احسن تيجى فى عينك

هتوحشنى يا نورمال

لا لا لا
منقدرش علي كده ابدا
المنتدي كله هيضلم من غير مشاركة نورمال باشا
ارجو منك الاحتراس من السرعات علشان فيه رادارات كتير علي طريق مطروح و لا تستسلم لاستفزازات الشباب الخرع اللي رايح ضارب فامية حتي في مرايات الجانب وجالس بجانبة بنوتة عاملة دماغ برسيم واكيد مش هتحتاج تروح سايبر في مطروح اكيد هتلاقي واحد تحت الشمسية اللي جانبك علي البحر ماسك الابتوب بتاعة وتكتشف ان من اعضاء نايل موتورز الاوفياء وطبعا هتديلوا كتف وتنزلوا الميه وتدردش معانا مثل عوايدك و عموما ان غابت مداخلاتك عن المنتدي فأكيد روحك بترفرف حولينا (هههههههه) واحترس من الميه علشان ودانك ربنا يحفظك وترجع بألف سلامة
م.حاتم السباعي

اجازة سعيدة وتروح وترجع بالسلامة يا نورمال باشا ..
حتوحشنا تعليقاتك وارائك السديدة في كل المواضيع ..
خد بالك من السيراتو وقلنا عملت معاك ايه هناك ...
ماتخفش على المنتدى طول ما فيه ناس راكبه سيراتو ...
ومتنساش تاخد المايوه معاك ..

تروح وتيجي بالسلامه :b4_611:

طيب ما تدخل المنتدى من الموبايل
انا بعمل كده في الخباثة
اصل ممنوع اقرب من الكمبيوتر في الاجازة

اجازة سعيدة ان شاء الله تروح و تيجي بالف سلامة ان شاء الله

و بعدين ممكن تبقى تزوغ منهم و تروح نت كافيه ولا حاجة تتطمن على المنتدى و على السيراتو حبيبتك

اقتباس:

---

المشاركة الأصلية كتبت بواسطة NoRmAl

السلام عليكم

أنا إن شاء الله هسافر بكره مرسى مطروح أصيف بقى :))
ومش هينفع أشارك من هناك علشان ببقى طول مأنا فى البيت على نايل موتورز
ولو رحت هناك قعدت على كمبيوتر هيروحونى تانى :))))
أنا مش عارف مش هشارك أزاى بجد لأنى مكنتش بنقطع عن المشاركه حتى وأنا فى عز الامتحانات وفى عز مشروعى
فهتوحشونى واحد واحد الاسبوع دا
وكيا كلها هتوحشنى
والحاجه الوحيده الى مش هتوحشنى الهجوم المستمر على السيراتو :))
إن شاء الله المفروض أرجع السبت الى بعد الجاى دا - إذا أراد ربنا -
فأستودعكم الله بقى وأشوفكم على خير بإذن الله
ومش هوصيكم على السيراتو بقى :))

---

انا كمان رايح مطروح بكره :hlopaet_prv:



ياسلاااااااااااام لو تديني رقمك واكلمك ونتقابل

:lovlie02[1]:

والله يا نورمال احنا الى مش عرفين هنعمل اية من غيرك هتوحشنى كتير وان شاء الله تيجلنا بالسلامة وحاول تبرشط علينا مرة وانت هناك :B4_033::satelite

هتوحشنا يانورم والله وتيجى بالسلامه

تروح و تيجي بألف سلامة
بس يا عم اكيد هتلاقي حد هناك من المنتدى اعضاء كتير بيروحوا اليومين دول مطروح
و ابقى عدي على شنوري بالمرة و سلم عليه :)
و متنساش تستمتع بالبحر ميته جامدة جدااااااا على الاخر
و حاول لو انت سايق متجريش
و خلي بالك من الرادار اللي قبل مطروح ب 50 كيلو

و لما تيجي إن شاء الله تبقى تحكيلنا عن حال البلد هناك لأني بقالي كتييييير مروحتش

بالسلامة إن شاء الله

يا بختك .... دى بلد رائعة
يعنى ولا سخنة ولا قرية سياحية فى الهرم .... كده برضه تعملها فينا يا نورمال ؟
حا نفتقدك والله يا أخى .... وأكيد حاتدخل فى المنتدى بالليل عشان مرسى مطروح مافيهاش أماكن ترفيه قوية بالليل
حا نستناك

مصيف سعيد يا نورمال ...

اوعى تنسى 2 كيلو لب ابيض درجة اولى :-)

هتوحشنى ياصاحبى :)))

مصيف سعيد وابراهيم وأحمد ههههههههههههه

تروح وتيجى بالسلامة ياكبير :))

أكيد يا كبير هتوحشنا كلنا و يارب تروح وتيجى بالسلامة و يارب الأسبوع ده يعدي علينا إحنا بسرعة و على العموم القاهرة هضلم شوية و مطروح هتنور كتييييييييييييييييييييييي يييير

تروح ... وترجع بالسلامة يا باشا :))

ترجع بالسلامه يا هندسه و قزز لب من النصر برحتك يا عم:colsmil:

إن شاء الله أجازة و مصيف سعيد ، و عشان نوحشك و توحشنا أكتر و أكتر ، توصل بالسلامة إن شاء الله و بإذن الله يكون وقت ممتع و مستنيينك بقي إن شاء الله ترجعلنا بموضوع جامد من مواضيعك .. و متنساش بقي مايوهك ، نضارتك ، عوامتك ، أكسجينك ..

مع اني كنت لسة داخل أقولك اني الحمد لله رب العالمين انهارده بعت فلوس الـ gps للشركة في الصين و اديتهم العنوان و أديني مستني الفرج .. ترجعلنا بألف سلامة يا نورمال

ترجع بالسلامة يا نورمال ياخويا :)

أول ما قريت اسم الموضوع افتكرتك ناوي تتوقف اسبوع كدة ولا حاجة :))))

أصل دي الحاجة الوحيدة اللي تخليك ما تشاركش أسبوع :)))))

ترجع بالسلامة
أكيد هتفتح متحاولش
يا رب يكون مصيف كويس وترجع مبسوط

نتمى لك احازة سعيدة يانورمال باشا وتروح وتيجى بالسلامة وهتوحشنا ياهندسة فى رعاية الله:b4_592:

طيب ابقى عدى على مارينا فى سكتك و اعمل صيانة ببلاش و تغيير زيت ب 75 جنيه بس ........... اخص نسيت انك خليجى يا نورمال . المهم ترجع بالسلامة و تنور منتدانا الغالى

اقتباس:

---

المشاركة الأصلية كتبت بواسطة blackknight

طيب ابقى عدى على مارينا فى سكتك و اعمل صيانة ببلاش و تغيير زيت ب 75 جنيه بس ........... اخص نسيت انك خليجى يا نورمال . المهم ترجع بالسلامة و تنور منتدانا الغالى

---

على فكرة يا اسلام ..نورمال وكيل
وفكرة هايلة فعلاً :colsmil:

تروح وتيجي بالسلامه

حبيبي يا نورمال ترجعلنا ب 1000 سلامه ان شاء الله