ماهي بلد منشأ الكورولا

**wdramiz** · 22-07-2010 11:43 PM

الاخوة الكرام

انوي تغيير سيارتي لانسر بومة الي تويوتا كورولا او نيسان تيدا
التيدا ياباني بالكامل ومعظم الناس بتشكر فيها
وسؤالي هل التويوتا 2010الموجودة في التوكيل ياياني ام جنوب افريقي

ووجدت سيارة تويوتا خليجي سعودي في احد المعارض مصنعة في تيوان وهذه المعلومة اول مرة اعرفها
وطالب فبها 144 الف + 3000 جنية علشان الضمان
برجاء الافادة عن بلد الصنع او المنشأ

وهل تنصحوني بالنيسان او التويوتا

مع خالص شكري

**أبو عبدالله** · 22-07-2010 11:54 PM

انا انصحك بالتويوتا لأنها هتتميز عن النيسان في مسألة اعادة البيع وسهولته والسعر كمان
عربيه لها سوق كبير فعلا
اما بلد المنشأ فالتوكيل بيجيب العربيه جنوب افريقي مكونات اوروبي
يعني قطع الغيار داخل العربيه هتلاقيها شركات اوروبية

ااما الخليجي فناس تقول ياباني وناس تقول تايواني
مش عارف ليه احنا في مصر المعلومات عندنا تحس انها اسرار عسكرية مش سهل توصل لها مع ان ورق العربيه بيبقى مكتوب فيه كل حاجه وبيبقى مكتوب على العربيه
انا في سنة 2008 او ما نزلت الكورولا الشكل الجديده ده
روحت معرض موزع معتمد وكان حاطط كورولا خليجي وكان ورقها مكتوب عليه صنع في اليابان
معرفشي بقه موضوع تايوان ده حجايته ايه
ومتستبعدشي انك ممكن تلاقي التجار بيستوردوا دي ودي يعني تلاقي ياباني وتايواني كمان
اما التوكيل نفسه جنوب افريقي

**zezo_22** · 23-07-2010 02:16 AM

أنا معايا تويوتا 2010 خليجي(سعودي)ياباني 100 في 100 وبسم الله ماشاء الله عربيه محترمه وحلال فيها الفلوس
توكل علي الله التويوتا تويوتا

**mahmoudzaied** · 23-07-2010 03:36 AM

انا لو مكانك هجيب تويوتا كورولا وتوكيل كمان
لان موتورها افضل من موتور الخليجى لا ن الخليجى بموتور الشكل القديم واجيبها اوتو عادى مش mmt

سؤال بس حضرتك عايز تبيع اللانسر البوما ليه وهيا كام سى سى ومانيول ولا اوتو
انا اسف للسؤال بس فضول عشان انا من ملاك البوما

**wdramiz** · 23-07-2010 03:42 PM

شكرا لجميع الاخوة

العربية التي رأيتها مكتوب علي القائم الايسر انها صنعت بتايوان وانها مطابقة للمواصفات السعودية وكنت اعتقد انها يابانية

اخي محمود
سيارتي لانسر بومة اتوماتيك 1600 سي سي خليجي هاف سبورت موديل 2007
السيارة رائعة جدا معي وليس بها مشاكل ميكانيكية وسوف اقوم بأعطائها الي ابنتي
لدرجة اني بفكر اني اشتري لانسر مرة اخري

جلست في صالون التويوتا ووجدت ان الرؤية من الزجاج الخلفي سيئة ومجال الرؤية محدود ة ( بعكس اللانسر) ويجب ان استخدم المرايات الجانبية فترددت ولم استقر علي الاختيار بعد

**omaroof** · 23-07-2010 06:49 PM

سيارتى ايضا من الامارات 2010 يابانى 100%

**ahmedbibo** · 24-07-2010 10:23 PM

بص اولا فى فارق فى السعر اصلا ياعنى تقريبا اعلى فئه تيدا ب 128 على ما اعتقد

بس الكورولا احسن

وخصوصا 2010

اولا ثبات عالى غير الموديلات السابقه حتى 2001

توكيل محترم جدا

وتوكيل نيسان برده محترم

شكل التيوتا افضل من النيسان

اعاده البيع و قطع الغيار فى مصلحه الكورولا

وطبعا فيه فرق شاسع هتحس بيه لما تركب التيوتا عن الانسر