عنوان ميكانيكي برة التوكيل بالأسكندرية

**danash** · 26-02-2008 08:35 PM

عندى مشكلة شمبر بالموتور أوبل 96 مانيوال
كشفت عليها عند مقار بإسكندرية وقالى على المشكلة
بس مش عارف الميكانيكى اللى يشتغل فيها على قدى
إللى يعرف حد فى الإسكندرية وموثوق فيه يقول لى

**MEDO80** · 26-02-2008 08:49 PM

طقم شنبر ؟
ما روحش لاي حد في اسكندرية
معظمهم منجدين
هوا فية مشكلة لو تعملها في الوكيل ؟

**danash** · 26-02-2008 09:25 PM

التوكيل مقار قال لى عشان نفتح الموتور المشوار حايكلفك جوانات وشنمبر وطبعا الزيت بالفلتر
ممكن ثمن موتور إستعمال يعنى فى حدود 2500 جنية
ولو الموتور فى حاجة وعايز شغل حايكون أكثر
المهم رحت لواحد ميكانيكى بيقول متخصص فى الأوبل عن طريق محل قطع غيار أوبل بس
فى شارع صلاح الدين عندنا فى الإسكنرية المهم الراجل دة لقيت عنده الونش اللى ومجود عند مقار والكمبيوتر وعامل نفس الشغل بتاع مقار وأول ماشاف العربية لقيت عنده واحدة زيها بالظبط وقال لى
بنز البستم ووراه لى بيكون هو المشكلة هو شكلة بيفهم بس برضه قلق وعايز حد أعرفه يكون جرب بالفعل

**MEDO80** · 26-02-2008 09:33 PM

عموما موضوع العمره دا لازم يكون عند حد بيفهم و عاقل و محترم لاني جربتة قبل كدا كرهت نفسي اولا العربية بتحس انها بتغتصب و الميكانيكي ما دام فتح بيركب الزبون لان خلاص روح الزبون بقت في ايدة و ممكن يشتغلك في اي حاجة و انت مش فاهم
بس العمره لو اتعملت صح ممكن تمشي معاك اكتر من 140 الف كمان مستريح لاني جربتها في اونو بس عملتها عند واحد صنايعي محترم في محرم بيك
و الاهم لازم متابعة علشان انت عارف موضوع الزمة و ممكن حاجات تضرب من العربية و ممكن ما يقفلش عدل و يفضل في مشكلة في العربية تخليك عاوز ترميها باي تمن بعد كدا

**MEDO80** · 26-02-2008 09:34 PM

بالمناشبة الاستعمال دا انت وحظك يعني ممكن تجيب الموور و يطلع اصلا خفيف
بالمناسبة هوا حضرتك فتحت الموور قبل كدا ؟ و لا دية اول عمره شنبر لية ؟

**danash** · 26-02-2008 09:46 PM

العربية لسة جايبها ما بقالهاش شهر فيكترا 96 عامل 90ألف كيلو
اللى فاهمه إن الإستعمال بيجى على الدوارة وعلى ما أظن أول مرة يتفتح
طبعا غلطتى عدم الكشف عليها قبل الشراء

**danash** · 26-02-2008 09:48 PM

اللى بأحكى عليه ده فى الإبراهيمية إسمه ميشو وإنت جاي من محطة مصر على شارع أبو قير قبل ما تنزل على كوبرى الإبراهيمية بشارع

**MEDO80** · 26-02-2008 10:00 PM

لا مش عارفة
عموما ما دام الموتور اول مره يتفتح يبقي الافضل انك تعملة العمره دية و خلاص حيبقي افضل من الاستعمال و ارخص لو اتعملت العمره صح
بالمناسبة الشنابر و الجوانات مش غالية
اعتقد ان القطع دية تكون او مش تزيد عن 400 جنية افضل الانواع دا غير المصنعية بتاعة رجلة اقصد ايدة طبعا

**MEDO80** · 26-02-2008 10:02 PM

و ابعد عن الجدع دا لان في واحد صحبي اتضحك علية من ميكانيكي في المكان دا مش فاكر اسم الميكانيكي بالضبط في محرم بيك ناس معقولين بس المهم لازم تتابع
طيب حاقولك علي حاجة
في ميكانيكي اسمة عاصم في اول شارع امير البحر في محرم بيك و انت داخل من قناه السويس تعرف الشارع دا؟