موقفين أغرب من الخيال فى 10 دقائق أفيدونى

**jac** · 23-07-2010 01:27 AM

أنهاردة كان يوم غريب
كنت ماشى عند أشارة روكسى

و الأشارة نورت أحمر
أنا كنت ماشى بسرعة
لكنى وقفت قبل عبور المشاة

وكان نص العربية على اللمض الحمرا اللى فى الارض

لقيت الكاميرا صورتنى

لونى مكسرتش الأشارة !!!!

بعدين دخلت فى شارع كدة على اليمين عكس المرغنى

بعدين لفيت و رجعت عشان أمشى فى الخليقة المأمون

لقيت ملف على خط مستقيم للشارع اللى أنا ماشى فيه

جيت الفه لقيته عكسى :)

وقفت و كنت حارجع

المهم لقيت امين شرطة نطلى

وقالى رخصك و اركن على جمب

رحتله و حكيتله على موقف الأشارة عشان أصعب علية :)

المهم حسيته بيلف على رشوة

رحت قلت له بص انا بقولك انه خطأ غير متعمد بس عشان أكون صريح معاك انا بكلمك عشان الموضوع يخلص ودى.... عنى انت تعديها عشان عارف انه غير متعمد :).... بس من الأخر أنا أدفع 10000 جنية مظلوم ولا أدفع مليم رشوة :)

المهم لقيته أستغرب و بعدين أدانى الرخص و قالى حكتبلك مخالفة (مش عارف مخالفة أزاى فى العكسى)

قلت له هاتلى الأيصال
قالى لا الأيصال حيفضل معايا بس مش هاسحب الرخص

بعدين جاله تليفون بعد ما قفل قالى حشيلهالك

قلت له بجد قالى والله العظيم

قلت له أنت حلفت بالله مينفعش تخلف راح بصلى و قالى ياعم قلتلك والله

و سابنى و مشى :)

حدفع كام بقى !!!!

**M.almaghraby** · 23-07-2010 01:33 AM

فين يا باشا الملف فالي فالمرغني دا؟؟

**jac** · 23-07-2010 01:36 AM

مش فى المرغنى

فية بنزينة كدة بعد أشارة روكسى بشوية فى شارع الخليفة المامون

عند الناحية التانية من تقاطع المرغنى مع الخليفة

بس قدام الشارع ده فى ملف

بس طلع عكسى