بص يا كريم
انا عندى محمد و هدير ( تؤأم ) و هما حاليا عندهم 12.5 سنة
انا جبت لهم عدة واحدة هما الاثنين بخط واحد و ده كانوا بياخذوه مع بعض ( هما الاثنين فى نفس المدرسة و نفس الفصل ) لما بيبقى فى رحلة مثلا او خلافه
و ساعات لما بيبقى محمد عنده تدريب فى النادى او برة النادى و انا او والدته مش حانقعد معاه ( حانوصله و نسيبه و نرجعله بعد لما يخلص ) باسيب معاه الموبايل ( عدة 3310 )
و الكلام ده من 2 - 3 سنين فاتوا
- و كان الموبايل بتاعهم غالبا فى البيت و مش معاهم الا اذا كان فى موضوع الرحلة او التدريب او ما شابه ذلك
- دلوقت بقى ممكن و هما خارجين معانا عادى معاهم الموبيل بتعاهم و لو ان محمد حاليا بيزن و عايز عدة لوحده و طبعا عايزها بكاميرا ( ما تقلش عن 1.3 ميجا بكسل ) و بلو توث و شاشة ريزولوشن عالى و هكذا ( زى ما هو شايف اصحابه فى المدرسة )
- طبعا احنا رابطين موضوع العدة الجديدة بالنتيجة و المذاكرة
- بالنسبة لموضوع الرصيد انا اتفقت معاهم على انى ممكن شهريا اجيبلهم كارت بـ 10 جنيه ( و ده طبعا لزوم انه يرن لى او لمامته و احنا بنكلمهم ) و ما زاد عن ذلك اذا حبوا يدفعوا من مصروفهم