الموضوع: يا ريت افادة كاملة فى الجيتز جميع موديلاتها ومواتيرها

الفرق الوحيد الموتور موديل 2004/2005 1100cc اللى راكب فى الi10دلوقتى وموديل 2006 وحتى الان موتور1600 102 حصان جبار فعلا على حجم العربية والموتور دة راكب فى الفيرنا المصرىال1600 والماتريكس والالنترا من موديل 2004 ووحتى 2006 ///////////////////////////////////بس خلى بالك ليس اها قطع غيار خارج التوكيل واسعار التوكيل غالية الحاجة الوحيدة الللى ممكن تلاقيها برة الكوبلن الخارجى لانة بتاع الاتوس انصحك بشدة اسئل فى التوكيل عن سعر الكوبلن اعتقد ب2500 غير الضريبة والقنطرة كانت ب2500 واسئل على المقصات وعلبة الدركسيون وقطمة الدركسيون وهيقلولك الحاجات دى مش بتبوظ متصدقش مطب جامد او خبطة فى رصيف او حادثة هتخليك تحتاج والرفرف الامامى فى التوكيل ب950 جنية اسئل فى التوكيل مع ملاحظة ان ملهاش بردة قطع غيار استيراد اما حاجة الموتور موجودة ومرطرطة وببلاش جديد خارج التوكيل واستيراد يعنى اسئل على البودى والعفشة ملحوظة ثبات العربية ممتاز واستهلاك البنزين ممتاز سبب عدم انتشارها هو غلة سعرها فى فئتها وباالتالى ولعدم الانتشار التجار لم يستوردوا لها قطع غيار

ايه الكلام ده انا ناوى اشترى الجيتز وسالت على قطع غيارها فى الحرفيين وقالولى موجودة ....اهو حضرتك من ملاكها؟؟

مش موجوده إزاي بس,,,,,العربيه قطع غيارها موجوده أكتر من الهم علي القلب

قطع غيارها متوفرة عادى بره التوكيل و جوه سعرها عادى زى الباقى اغلى من الفيرنا طبعا لكن زى بقيت الكورى

اصل انا كنت محتار بينها وبين الاكسنت فى ناس بتقولى حرام السعر ده على هاتش باك ايه رايك بعد تجربتك معاها تستحق سعرها؟يا ريت تقولى اخبار العفشة ايه؟ناشفة زى ما سمعت ؟و الشنطة يتشيل يعنى ولا هتضايقنى؟