الحمد لله جددت رخصة العربية سنة و شكرا لمرور حدائق القبة

**drmomoking** · 23-07-2010 09:34 AM

امبارح الخميس جددت رخصة عربيتى الاسبيرو سنة وكنت متوقع انو هيطلع عينى بس الحمد لله عدت على خير انا اصلا كنت ماشى بتوكيل وعندى نمر قديمة فكنت هنقل ملكية المهم روحت الاول مرور الوايلى عشان اطلع المخالفات من النيابة رحت 8.45 دخلت اول واحد والحمد لله طلع عليا 300 جنية رادار بس ودى مخالفة عملتها فعلا واتصورت على طريق اسماعلية دفعت وخدت براءة الذمة وطلعت على الشهر العقارى فى العباسية سجلت لنفسى وطلعت على مرور الحدائق وصلت هناك كانت الساعة حوالى 11.45 وعرفت ان الخميس نص يوم و بيخلصو 1.30 فقلت يبقى كدة مش حالحق المهم توكلت على الله وقلت زى ما تيجى تيجى ودى اول مرة اروح اى مرور من غير واسطة بس قولت اجرب لو قرفونى ابقى اجيب واسطة و اروحلوهم دخلت والمرور كان شبة فاضى عملت كل اجرائاتى ودفعت والفحص وكل حاجة وركبت النمر الساعة 12.50 يعنى ساعة تقريبا اكتريتها كنت منتظر على ما النمر تتبعت للراجل بتاع النمر وبكدة الحمد لله رخصت و ركبت النمر الجديدة والمرور مش وحش الاجراءات سريعة وفى مكان مظلل الناس تقعد فية و كافتيريا للمشروبات و كولدير مية شكرا مرور الحدائق

**Nistelrooy** · 24-07-2010 01:12 PM

الف مبروك ..

**A_H_M_A_D** · 28-07-2010 02:04 PM

فعلا مرور حدايق القبة يعتبر من أنضف المرور اللي في مصر

وطبعا الفرق يظهر قوي لما يكون واحد تبع مرور السلام زيي كده و ينقل للحدايق

**maged george** · 30-07-2010 06:31 PM

لو سمحتم يا جماعة هو مرور القبة هو هو مرور الاميرية ولا لأ وشكراً.

**A_H_M_A_D** · 31-07-2010 03:48 AM

لأ مرور حدايق القبة في ميدان حدايق القبة

**maged george** · 01-08-2010 12:49 AM

شكرا يا استاذ احمد على رد حضرتك.

**A_H_M_A_D** · 01-08-2010 12:06 PM

المشاركة الأصلية كتبت بواسطة maged george

شكرا يا استاذ احمد على رد حضرتك.

العفو يا أستاذ ماجد , على إيه , إحنا هنا في المنتدى عشان نفيد بعض

**smsm_cato** · 04-01-2012 01:18 PM

طمنتنى انا هروح مرور حدائق القبة علشان اثبت الموتور الجديد على العربية واخد شهادة بيانات موجة للمرور بتاعى فى الشرقية علشان انقل ملكية وكنت خايف للف حولين نفسى كعادة المرور