عايز رايكم في التيدا؟

**mazen86** · 26-02-2008 10:15 PM

انا محتار اشتري اية ؟

كان معايا تويوتا كرولا 2005 خليجي مانيوال كاملة 1300

عايز اجيب عربية التيدا عاجباني بس ...........

انا العربية عندي مهمة في السفر وكمان سفر علي طريق (هوا المفروض مبيبقاش اسمه كدا) المطب فيه ارتفاعة ممكن يكون اساس لعمارة لان

الاهالي الي عاملينه بيخلي العربية تحك لو معاك 3ورا

(دي كانت كل مشاكلي مع التويوتا)وكمان التويوتا معايا مكنتش بعمل فيها حاجة اكتر من اني بغير فلاتر واربط عفشة واغير زيت وكمان استهلاك

البنزين ممتاز

خايف من التيدا بسبب قطع الغيار واعادة البيع وعدم الانتشار الحاجات دي مخوفاني جدا منها عشان دي حاجات مهمة عندي

محتاج رايكم

**محمد عز** · 27-02-2008 10:45 AM

التيدا عربيه جميلة وواسعه ومريحه ولكن مقارنتها بالتويوتا كرولا اعتقد ليست فى مصلحة التيدا
اكيد طبعا حضرتك مش هتزود عن 140 فى السرعه علشان التيدا بعد 140 ثباتها مش حلو وعن تجربه لانى كنت لسه مسافر بيها امبارح مدينه العين
والتيدا تعتبر فى مصر فى نفس تمن الكرولا او اقل شويا ولكن مش الفارق الكبير
انا من راى المتواضع خليك فى الكورولا او اللانسر
العربيتين دول قطع غيار متوفرة وسعر اعادة البيع اكتر من ممتاز وفى نفس الوقت سيارات خدمه شاقه او سفر

**electroman** · 28-02-2008 07:27 PM

ارتفاع كورولا الجديدة 2008 عن الارض اصبح كمان اقل من السابق لو الموضوع ده مهم بالنسبة ليك زى ما انا شايف ..ثم ان الكورولا القديمة عيبها برضه عن تجربة انها خفيفة فى السفر .. و كمان فى فرق فى السعر حوالى 20000 لو حتجيب كورولا F/o .. انا شايف تيدا بدأت تنتشر و ان كان ببطء لكن اعتقد حتنتشر اكتر مستقبلا .. عيبها حجم الشنطة متواضع ..

**loai-omar** · 02-03-2008 01:01 PM

التيدا جمييييييييييله جدا جدا جدا

ثباتها نحفه

بس هيا مش عايزه قياده بعنف

عايزه واحد مايهينهاش بس كده
لكن قوه و امكانيات انصحك بيها

بس من غير اهانه يعني من غير قيادة عنيفه

**Karim_Monir** · 02-03-2008 01:09 PM

الكرولا ثباتها حلو لو غيرتلها لجنوط 15
وانت خسرت انك بعتها لانك مش هاتلاقي عربية اعتمادية زيها وخدمة شاقة بجد واستهلاك بنزين وهمي وعالية
اهم حاجة كبر الجنوط ولو عايز تجر اكتر غير طقم سوست اسبور ب 1000 جنية بس هايوطوها 3.5 سم بس ثبات خرافي