الموضوع: استلمت الفلوانس من بعد تجربة شهور مع الميجان

المشاركة الأصلية كتبت بواسطة ashrfmshrf

انا استلمت امس الفلوينس وهي من فئة ال 161 الف الهاي لاين
وانا كان معايا سابقا رينو ميجان 2010 كنت شاريها في شهر10 الي فات ب 125 الف وللأسف عملت بيها حادثة من 3 اسابيع ولذلك لما جبت الفلوينس حسيت بالفروق الكتير الي بينها وبين الميجان
بعض الفروق لصالح الميجان والبعض الأخر لصالح الفلوينس
الميجان كانت اهم مزاياها الي مش موجودة في الفلوينس انها كان فيها ادراج في الأبواب وكمان اماكن تحت الدواسات لحفظ الأشياء
كمان كان فيها درج مابين الكرسيين الأماميين للحفظ هو برضه موجود في الفلوينس بس اصغر
كمان تنجيد مساند الابواب وتنجيد الدرج او نعتبره المسند الي بين الكرسيين الاماميين كان تنجيد يعطي راحة في الجلوس على عكس تنجيد الفلوينس
كمان التقفيل الداخلي والخامات الخاصة بالتابلوه تحس انها افضل بكتير في الميجان
كمان اهم ميزة كانت في الميجان وجود وحدة رفع للزجاج عند قفل السيارة
اما الفروق الي لصالح الفلوينس
فأهمها التكييف التكييف بجد تلاجة مقارنة للميجان الي كنت اظن ان عدم نزول تكييف فيها ربما كان افضل لأنه كان تكييف زي قلته

أعتقد بس مش متأكد لو التكييف بالكفاءة دى زى ما كل الأعضاء بيشكروا فيه كده يبقى جاى من ناحية شركة سامسونج (كورى) علشان كده بهذه الجودة الرهيبة لأن الأوروبى مش قد كده فى التكييف.
كمان وجود سنسور للرجوع للخلف وان كان ستسور صوتي فقط لم الاحظ ظهور اي بيانات له على الشاشة
كمان فيها اتساع اكبر شوية في السيارة من الداخل
كمان وجود مخرج للكهرباء للكراسي الخلفية
وجود فتحات للتكييف للكراسي الخلفية
وجود لمبات في الأبواب

لو قصدك اللى فى الباب من تحت هى موجودة أيضا فى الميجان.
المرايات تقفل مع اقفال السيارة
ولكن ماذلت غير مقتنع بانهم جعلوا المرايا تقفل ولم يجعلوا الزجاج يقفل يعني كانوا هيخسروا ايه لو ركبوا وحدة رفع زجاج

أنا كنت إتكلمت قبل كده فى الموضوع ده ....cost reduction واضح جدا للمحافظة على سعر معين....متنساش إن وحدات الرفع كانت نازلة فى الميجان من أول الفئة المانيوال اللى ب 118000 جنيه......