خبطة رخمة فى العتب

**Samir Elshahawy** · 24-07-2010 07:23 PM

المشاركة الأصلية كتبت بواسطة popahly

شكرا لإهتمامكم جميعا،، هى مش كبيرة قوى ومش مؤثرة قوى ومش باينة قوى إلا للى ينزل على ركبته علشان يشوفها بس الصراحة العربية نضيفة من تحت خالص ومفيهاش اى عيب والحمد لله فأنا متضايق علشان كدا بس

يبقي تسيبها زي ماهيا طالما مش باينة و خليها لما يكون في شغل تاني أعمله معاها بالمرة
أما لو عايز سمكري كويس و شاطر أدلك

عارف حضرتك شارع الاربعين المتفرع من جسر السويس خلف حديقة بدر
هناك فيه سمكري في أول الشارع أسمه عمرو ورشته تحت عمارة العسكري

لو روحت له قول له من طرف المهندس / سمير (اللي كان معاه اللانوس اللي صلحت لها القايم)

**ecybrarian** · 24-07-2010 07:47 PM

انا شفت تصليح العتب عند العقيد خالد كان بيتعمل بطريقة مختلفة .. كان الاستعدال بيتم ببار نحاس وبودرة مش..ايون مش ..المش بتاع الجبنة..الشغل دا انضف علشان مش (مش للنفي هنا) بتخرم في العتب نهائي

**hosar** · 24-07-2010 08:40 PM

ممكن تلزق عليها أستيكر عتب

**popahly** · 24-07-2010 11:20 PM

المشاركة الأصلية كتبت بواسطة se_coralsea

يبقي تسيبها زي ماهيا طالما مش باينة و خليها لما يكون في شغل تاني أعمله معاها بالمرة
أما لو عايز سمكري كويس و شاطر أدلك

عارف حضرتك شارع الاربعين المتفرع من جسر السويس خلف حديقة بدر
هناك فيه سمكري في أول الشارع أسمه عمرو ورشته تحت عمارة العسكري

لو روحت له قول له من طرف المهندس / سمير (اللي كان معاه اللانوس اللي صلحت لها القايم)

يا بشمهندس سمير بشكرك جدا والله على مجهودك معايا وشاكلى فعلا هسيبها بس برضوا عاوز أكون مطمن من ناحية البارومة انها متسرحش عليها اعمل ايه ؟؟

بالنسبة للسمكرى كان نفسى الصراحة اروحله بس انا بعيد جدا عنى جسر السويس وحديقة بدر انا ساكن فى فيصل وصعب عليا جدا اروح المشوار دا الصراحة
وشكرا ليك مرة تانية يا بشمهندس

المشاركة الأصلية كتبت بواسطة ecybrarian

انا شفت تصليح العتب عند العقيد خالد كان بيتعمل بطريقة مختلفة .. كان الاستعدال بيتم ببار نحاس وبودرة مش..ايون مش ..المش بتاع الجبنة..الشغل دا انضف علشان مش (مش للنفي هنا) بتخرم في العتب نهائي

ياريت حضرتك توضح اكتر ازاى الكلام دا وشكرا ليك؟

المشاركة الأصلية كتبت بواسطة hosar

ممكن تلزق عليها أستيكر عتب

شكرا لإهتمام حضرتك بس هى مش هتستاهل ستيكر متهيقلى لإنها تحت المكان اللى حضرتك تقصده ميبانش الصراحة إلا لما تنزل على ركبتك وتبص عليه من جنب العربية تحت وانا كنت بستفسر منكم بس علشان انا الصراحة مبحبش اسيب حاجة زى كدا فى العربية نفسيا ياعنى الصراحة مبستريحش وشكرا مرة تانية

**Samir Elshahawy** · 25-07-2010 12:00 AM

وشاكلى فعلا هسيبها بس برضوا عاوز أكون مطمن من ناحية البارومة انها متسرحش عليها اعمل ايه ؟؟

- ممكن حضرتك تجيب قلم دوكو نفس اللون أو قريب و تدهن المنطقة اللي مقشرة دي انا عملت كده مرة في خبطة كانت عندي في الشنطة و أستعدلتها علي البارد و فضلت البوية مقشرة فجبت قلم دوكو و عملتها

- كمان فكرة الاستيكر دي كويسة بس طالما أنها مش باينة تقصه علي قد المكان و تلزقه و تديله لون العربية بعد كده لو حبيت

**mmd3** · 25-07-2010 12:28 AM

انا من راي ان حضرتك تسيبها لان كانت عندي خبطة زيها بسبب حجر كبيير اوي
ولما روحت للدكتور السمكري وعرفت انة ناوي يقطع وبعدين يعدلها وبعدين يلحم قولت لة لالالالالا شوف حل تاني ... راح عملها من برة من غير ما يقطع ولا يلحم بس انا زعلت جداا لان شكل العربية من تحت بقي وحش اوي وكانها معضوضة عضة كلب
طبعا الحمد لله روحت لواحد بتاع رش شاطر وعملهالي بالمعجون كويس اوي اوي وبعدين رشها

انت ممكن تيجي تكحلها تعميها .... وفعلا فكرة الاستيكر دي حلوة اوي ياريت كانت جت علي بالي

**ecybrarian** · 25-07-2010 12:34 AM

انا هاشرح إللي شفته، بس طبعا العقيد خالد ممكن يشرح احسن مني. بص يا سيدي
البار النحاس عرضه تقريب 5مم وسمكه حوالي 3 مم..السمكري بيلف البار دا على حديدة علشان يشد بيها العتب..البار النحاس مع الحديدة بيعملوا شكل حرف T. قمة الحرف T (الافقيه) هي الحديدة والخط الرأسي هو البار النحاس..
لما يسخن البار النحاس على العتب وعليه بودرة المش بيلزق على العتب وبعدين يشد الحديدة للخارج تقوم العتبة تترد في محيط 10 سم (تقريبا) وبعدين يكمل الموضوع دا على كل الجزء المخبوط على العتب لحد ما تترد كلها..وبعدين يصنفر العتب وتترش..

كلم العقيد خالد ممكن يقول لك امتى تتعمل بالطريقة دي وامتى الطرق التانية حسب حالة العتب طبعا http://www.nilemotors.net/Nile/118993-a.html