حد سمع عن ال ايجل اللى بيعلنوا عنها النهارده فى الاهرام؟؟؟

اقتباس:

---

المشاركة الأصلية كتبت بواسطة yobaaa

طيب ما عندك عربية زى الهوفر بتاعة البافارية كانت نازلة بقالها فترة برضه و محدش حس بيها

---

لا فى كلام عن الهوفر فى منتدى الدفع الرباعى وبرضه بيعملوا دعايه عن انها حتتجمع محلى - اما الايجل دى اول مره اسمع عنها من الاهرام

معقوله ما حدش عنده معلومات عن العربيه - حتى خارج مصر ؟؟؟

يا باشا انا شوفت العربية دي في معرض اوتوماك اللي فات، وهي صيني نفس بودي وشاسيه الجيل الأول من هيونداي سانتافيه وفيها موتور 2000 توربو، والعربية تحس ان تقفيلها مش كويس وخامات الصالون جودتها مش ولابد، والراجل كان بيقول انها اوتوماتيك بس هي تقريبا automated manual زي الايزي ترونيك.
وكان لي موقف ظريف مع الراجل بتاع المبيعات اللي كان واقف جنب العربية، كنت بسأله العربية دي موتورها مواصفاته ايه فرد علي العربية دي موتورها 2000 سي سي توربو 130 حصان، قلته متأكد من اللي انت بتقوله ده قالي طبعا حتى حضرتك بص شوف البورشور مكتوب فيه 130 حصان.
قلته طب افتحلي الكبوت علشان اتأكد ان الموتور تربو فعلا، واول ما فتح الكبوت لقيت الانتركولر في وشي وتحته بشوية التربو، بس مش معقول موتور زي ده و 130 حصان بس، قلت ابص على بالتة معلومات العربية اللي بتبقى في الحوض لقيت مكتوب عليها قدرة الموتور 130 كيلووات يعني تقريبا 175 حصان صافي، وفهمت الراجل ان الكلام اللي بيقوله للناس غلط، بس برده اعلان العربية نزل بيقول ان الموتور 130 حصان.

اقتباس:

---

المشاركة الأصلية كتبت بواسطة m_a_gamal

يا باشا انا شوفت العربية دي في معرض اوتوماك اللي فات، وهي صيني نفس بودي وشاسيه الجيل الأول من هيونداي سانتافيه وفيها موتور 2000 توربو، والعربية تحس ان تقفيلها مش كويس وخامات الصالون جودتها مش ولابد، والراجل كان بيقول انها اوتوماتيك بس هي تقريبا automated manual زي الايزي ترونيك.
وكان لي موقف ظريف مع الراجل بتاع المبيعات اللي كان واقف جنب العربية، كنت بسأله العربية دي موتورها مواصفاته ايه فرد علي العربية دي موتورها 2000 سي سي توربو 130 حصان، قلته متأكد من اللي انت بتقوله ده قالي طبعا حتى حضرتك بص شوف البورشور مكتوب فيه 130 حصان.
قلته طب افتحلي الكبوت علشان اتأكد ان الموتور تربو فعلا، واول ما فتح الكبوت لقيت الانتركولر في وشي وتحته بشوية التربو، بس مش معقول موتور زي ده و 130 حصان بس، قلت ابص على بالتة معلومات العربية اللي بتبقى في الحوض لقيت مكتوب عليها قدرة الموتور 130 كيلووات يعني تقريبا 175 حصان صافي، وفهمت الراجل ان الكلام اللي بيقوله للناس غلط، بس برده اعلان العربية نزل بيقول ان الموتور 130 حصان.

---

معلش معنى كده انها موتور كويس- وبودى تعبان !!!!!

اقتباس:

---

المشاركة الأصلية كتبت بواسطة m_a_gamal

قلت ابص على بالتة معلومات العربية اللي بتبقى في الحوض لقيت مكتوب عليها قدرة الموتور 130 كيلووات يعني تقريبا 175 حصان صافي، وفهمت الراجل ان الكلام اللي بيقوله للناس غلط، بس برده اعلان العربية نزل بيقول ان الموتور 130 حصان.

---

مش كل بتوع المبيعات دول بيبقى عندهم خلفية فنية عن المواصفات و تلاقي 90% منهم مايعرفش ان الحصان 746 وات هههههههه

بس بصراحه حاتبقى سابقة انهم ينزلوا في مصر عربية 4*4 تربو و بانتر كوولر كمان

العربية دي بنزين وللا ديزل ؟؟؟ ههههههههههه

اقتباس:

---

المشاركة الأصلية كتبت بواسطة yobaaa

طيب ما عندك عربية زى الهوفر بتاعة البافارية كانت نازلة بقالها فترة برضه و محدش حس بيها

---

ياباشا عيب عليك , ودي تفوتنا برضة , دة انا عامل التست درايف و مقيمها و كاتب عنها موضوع من ييجي سنة و نص تقريبا

حاتلاقي لينك لية في موضوع جديد في قسم الدفع الرباعي تحت عنوان : مواضيع مطلوب نقلها للقسم

و لسة مستنيين الادارة ترد علينا و تنقلهم للقسم هههههههههه