ربنا يباركلك يا استاذ سمير ىا اجدع اسمعلاوى قابلته.مش عاوز حاجة من مطروح؟
عرض للطباعة
ازيك يا باشمهندس سمير اخبار سعادتك ايه؟ مبدئيا انا عاوز اشكر حضرتك على المشورة بخصوص تعلية عربية الوالد اللادا اللي كنت كلمت حضرتك عليها من حوالي سنة مش عارف اذا كنت فاكر ولا لأ بس الحمد لله الدنيا تمام
ثاني حاجة انا فعلا ارجح الدبرياج و ده انا قلته قبل ماقرأ بقية الردود لأنهاكانت حصلت معايا قبل كدة خصوصا كلمة صوت الموتور عالي و العربية مخنوقة و ممكن يعمل الاختبار اللي اتقال عليه هنا بتاع الدبرياج اللي هوا يدي رابع و يرفع فرامل اليد و يحاول يطلع دبرايج بس لو العربية فصلت يبقى الدبرياج كويس و لو مشيت يبقى ودع انا معرفش الاختبار ده مظبوط ولا لأ لأني مجربتوش قبل كدة بس شوفو انتو
الله يخليكاقتباس:
ازيك يا باشمهندس سمير اخبار سعادتك ايه؟ مبدئيا انا عاوز اشكر حضرتك على المشورة بخصوص تعلية عربية الوالد اللادا اللي كنت كلمت حضرتك عليها من حوالي سنة مش عارف اذا كنت فاكر ولا لأ بس الحمد لله الدنيا تمام
يا أخى
وكل عام وأنتم بخير
لو انت لسة فى مطروح فى ميكانيكى شاطر فى روميل لو عايز ترحلو قولى
عاوز أوضحلك حاجه كويسه أوىاقتباس:
و انا بعترض على كلام حضرتك انو العضو صاحب القرار ماهو القرار هيتخذ بناءا على المشوره المقدمه من المنتدى لو كان يعرف مكانش سأل و قال الحقونى
مناقشة الموضوع لا تفسده
دايما لا تفترض صاحب الشكوى
بيقولك على الشكوى صح
أنت بتعيش مع كلامه فقط ( وبتبنى أحتمالات )
لأن فيه ناس كتير
درايتها الفنيه مش أد كده بالسيارات ولا ماهية شغلها
دا فيه ناس كتير أوى
نظامها
أضرب المفتاح فى الكونتاكت وأقلب
ومتحطش فى دماغك
أن تحليلك أو تحليلى ممكن يكون هو الفيصل للقضيه
لأن القضيه مش قدامنا عمليا أساسا
دا كلام ألكترونى عبر النت
_________________________________
عمرك سمعت عن دكتور يقدر يحط علاج صح لمريض
بدون مايكشف عليه ويعمله كل التحاليل والأشعات الآزمه
نفس القصه بالضبط ( فى علم الهندسه ..........ياهندسه )
انا مع البشمهندس سمير لانى بكل بساطة واجهت المشكلة دى فى عربيتى الانوس القديمة كانت البلية بتاعة الخامس باظت وفضلت ماشى على الرابع لمدة شهر وانا ساكن عند المطار يعنى الطريق بيبقة سالك وبجرى لغاية 12 على الرابع فى النوس وفضلت مطنش شهر بحالة مستخدمش الخامس ومعملتش حاجة معايا بس لازم يشيك على زيت الفتيس لانة ممكن يكون خلص وبقة الفتيس حديد بيخبط فى بعضة بس كدة مش اكتر وبعدين جبت مجموعة الخامس استيراد ومشيت عنب والاستاذ سمير دة قيمة كبيرة عندنا فى المنتدى كفاية انة هو اللى حببنى فى النوبيرا
الله يخليك
يا أستاذ / هانى
وأنا بكل أمانه
أتعلمت كتير أوى من مواضيع الزملاء ومشاكلها الفنيه
على الرغم من بعد تخصصى الهندسى ( عن مجال السيارات ...بس بأحب أربط بين التخصصات )
وطبعا أتعلمت من البركه الكبيره ( نايل موتورز )
هى مش بالشهادة و ما نص المنتدى مهندسين مش حضرتك بس
و النص التانى سواء دكاترة او محاسبين بيفهموا برضه و بيعرفوا يحللوا و يستنجوا و فيه منهم اللى بيصلح بنفسه و فيه اللى بيعدلوا و يضيفوا
و فيه ناس تانية و منهم مهندسين اخر علاقتهم بالعربية يسوقها و بس ملوش دعوة بتمشى ازاى
و مفيش حاجة اسمها امر , المنتدى ده معمول للتناقش و التحاور و تبادل المعلومات و صاحب المشكلة مش بيبى صغير هنامره و اكيد مش اول مرة يسوق و هيعرف يفهم ردود الاعضاء و يفكر و يستنتج
و تذكر :: و امركم شورى بينكم ::
طيب ياجماعة لو في المنتدى
من مطروح يقابل الراجل و يحاول يساعدة .
ماهو مش معقول مفيش حد من مطروح فى نايل موتورز
أنا لما كنت فى مطروح وعملت حادثة السنة اللى فاتت لقيت هناك صنايعية كويسين وأمناء كمان
لازم صاحب المشكلة يسأل أحد السائقين هناك اللى يتوسم فى وشهم الصلاح عن ميكانيكى ويروح يكشف عنده على العربية لزيادة الاطمئنان فقط
إنما عودته بالسيارة فى وضعها الحالى آمن بإذن الله طالما مش هيقرص على العربية فى الرجوع
انا مش شايف ردود من صاحب الموضوع الاصلي الا قليله تعرفوا ايه السبب؟؟؟
السبب بسيط هو انكم نسيتم صاحب المشكله الاصليه ومشكلته وقعدتم تتخانقوا علي مي يعرف ومين مهندس ومين المفروض هو اللي صح
علي العموم انا برضه مهندس بس علمي مش اكتر من خبرتي قبل ما اكون مهندس ياجماعه اهدأو وخدوا الامور ببساطه الهدف هنا اننا نساعد بعض مش نتخانق
وللمره الاخيره اتنا باقول لصاحب المشكله يا اخي لاتجازف ولا تخاطر بحياتك وحياة اللي معاك ولو استدعي الامر انت تسافر بيها لوحدك وهما يرجعوا باي طريقه تانيه لانها ممكن قوي تعملها معاك في الطريق حرام تبهدل الناس اللي معاك وتوصل انت ويوصلوا هما بالف سلامه
اكيد صاحب المشكله مش فاضي يخش على النت ولما يخش هايلاقي موضوعه بقى بتاع ست صفح فهايقفل
ان شاء الله تطلع المشكله بسيطة و يرجع بالسلامة
و على فكره يا بشمهندس سمير هيا انطر لووووب :36_1_1[1]:
غالبا هى مسكلة دبرياج ( ديسك) لأنها حصلت معايا
و أول غيار كان مشراضى يتحط كمان فى مكانه هو الخامس و باقى الغيارات
كانت شغالة كويس و كنت بأمشى على الرابع
لغاية 120 و أجى أدى الخامس لا يمكن
و بعدين ان شاء الله الفتيس مفيهوش مشكلة لأن صاحب الموضوع
قال إنه مشى 130 كم على هذا الحال
شكرا على كل من شارك بجد استفدت و معلش يا م/ سمير انت الخير و البركة
و كما قال احد الأمة ( الشافعى).... رأيي خطأ يحتمل الصواب و رأيي غيرى صواب يحتمل الخطأ
الدبرياج بيسمى فى لغة الهندسه (كلاتش ميكانيكى )
أجزاؤه الأساسيه ( الأسطوانه ووش الديسك ووش الفلام ) بيتمسكوا ببعض من خلال ميكانيزم هندسى موجود داخل
منظومة الديسك ( شوية سوست ورقيه وصوابع حديد متوزعه على داير الديسك )
طبعا كل الأجزاء دى بتبقى ملمومه ومعشقه تحت تأثير قوة السوست
وأى سوست بتتعرض لأجهادات ميكانيكيه عاليه ( زى سوست الديسك )
بتخسع شويه مع الأيام ووقوعها تحت الأجهاد الميكانيكى
لما بتتطرى السوست دى ( وتفقد جزء من صلادتها وقوتها )
مبتبقاش قادره على القيام بوظيفتها مائه فى المائه ( ووظيفتها لم المكونات بقوة ترابط عاليه جدا )
زى حالتها الأولى ( عجزت شويه بمعنى أصح )
لما بأجى أنا وأفرك بالعربيه وأجيب سرعات قريبه من الرد زون
والسوست عجوزه
بتتغلب قوة المكنه ممثله فى وش الحدافه على القوه اللى سوست الديسك
مجمعه بيها المجموعه
ومن هنا بتتفصص مكونات الدبرياج ( بمعنى قريب شويه )
ومن هنا بتختل قوة النقل للقدره من المكنه للفتيس
لأنها قوة أحتكاكيه وتحت تأثير سخونه عاليه جدا
_________________________________
وحقولك على مثل سهل أوى ( علشان موضوع الدبرياج والديسك محتاج تخصص شويه)
لو حطيت كف أيدك اليمين وخليته ملاصق بقوه لكف اليد الشمال
وحاولت تفرك الكفين بين بعض
وأستطاع الكف اليمين فرك الكف الشمال والحركه عليه
كأنك بتدفى أيدك فى الشتاء
هو ده اللى بيحصل جوه مكونات الدبرياج
الكف اليمين ( هو الفلام ) ...........والكف الشمال ( هو وش الأسطوانه المواجه للفلام )
ده تشبيه بسيط كده من أجل التقريب
لما بيحدث من تفويت داخل الدبرياج ( مع تقدم السن )
نتيجة الحمل الميكانيكى العالى وأنت حاطط الأكسراتير على أرضية السياره
وموصل سرعة المكنه للرد زون
الله يخليك
وصدقت وصدق الأمام الشافعى ( رضى الله عنه )
السلام عليكم
جزاكم الله عنى خير الجزاء لما قدمتوه من نصائح و معلومات قسمة بالفعل
اولا المهندس سمير عياد شكرا جزيلا على المعلومات القيمة و سيتم عمل التعليمات المذكورة ان شاء الله
ثانيا بالنسبة للمهندس احمد سيد شكرا جزبلا على اهتمامك و على انك بتحاول تخلى المشكلة تعدى بسلام
ثالثا العضو الجميل محمد زاهر انا و الله قريت كل المشاركات و كان فعلا عدد الصفحات 6 بس زى ما انتو اهتميتو لازم انا كمان اهتم بس المشكلة ان الشبكة اللى كنت مشترك فيها فصلت امبارح كله
المهم بقى عايز اقولكم على حاجة
دلوقتى انا بعد الحركة دى ما حصلت معايا مشيت زى ما قلت حوالى 130 كم على الرابع
ثانيا بقالى يومين بتحرك بالعربية جوا البلد ( مطروح ) و مفيش مشاكل كل النقلات بتيجى كويسة مفيهاش مشكلة
و روحت لواحد النهارده قالى المشكة فى مجموعة الخامس لان على حد وصفة ان المجموعة دى بتبقى زى تروس و حواليها شئ يشبه الهلال و قالى ان واحد من الاتنين السن بتاعه نعم فمبقاش يمسك فى الناحية التانية
شكر خاص للاستاذ emo-ayman جزاك الله عنى خير الجزاء و شكرا جزيلا على محاولتك المساعدة و ربنا يكرمك و ان شاء الله تيجى و ترجع بالسلامة بس لما تيجى خلى بالك من الردارات متزودش يعنى و خلى بالك ان فى ردار قاعد بعد البوابات بتاعة مطروح على طول و انت داخل البلد السرعة فى الحتة دى متزيدش عن 60 كم و بارك الله فيك
شكرا لكم جميعا
و ارجو الافادة اذا كان ممكن ارجع بيها مصر و انا مستخدم الرابع بس و على فكرة انا روحت الناهرده بنزينة عشان اكشف على زيت الفتيس بس قالولى معندهومش زيت دلوقتى و بالتالى مش هيكشفو فهروح تانى النهارده او بكرة لبنزينة تانية و سيتم موافاتكم بالرد ان شاء الله اول ما اعمل اى حاجة او اوصل لاى معلومة جديدة
حمدا لله على سلامتك أولااقتباس:
و روحت لواحد النهارده قالى المشكة فى مجموعة الخامس لان على حد وصفة ان المجموعة دى بتبقى زى تروس و حواليها شئ يشبه الهلال و قالى ان واحد من الاتنين السن بتاعه نعم فمبقاش يمسك فى الناحية التانية
وسؤال كده على السريع
هو عرف منين أن مجموعة الخامس تعبانه
من وصفك ولا جرب العربيه معاك
على فكره هو واضح أنه مش شاطر أوى
لأن صعب تحيد العيب من الغويشه أو مجموعة الخامس ( إلا بعد تفوير الفتيس )
الله يسلمك يا هندسة
و الله هو الراجل قال ممكن تكون حاجة مفكوكة عند العصاية بس دخل و جرب وقالى ان حكاية التروس اللى نعمت دى و بعدين قالى انا هحل الفتيس و الشغل ده بس طبعا قولتله مش النهارده لانى مش هينفع اعمل شغل هناك و غالبا لما هعمل الشغل ده هيبقى عند عبده
الموضوع ده حصل معايا فى الاكسنت بس كان الغيار الرابع وبقى بينطر كتير مشيت بيها حوالى شهريتن تلاته وبتاع الفتيس قالى لو كان الخامس كنت فكين الفتيس من الجنب بس وقلتلك فيه ايه لكن كده لازم نفور الفتيس كله ونشوف فيه ايه ريحت دماغى وجبت واحد استيراد وبدلتهم
بص بصراحة انا لو لقيت ان فى حلين واحد انى افور الفتيس و واحد تانى هختار الحل بتاع التفوير لسبب عشان اطمن على باقى اجزاء الفتيس و كمان ان شاء الله هغير ديسك و بلية و اسطوانى بالمرة بما انى و نزلت الفتيس و خصوصا ان اللى كنت مشترى منه العربية كان ربنا يسامحه مش بيعمل فيها اى صيانة تقريباو ده اللى اكتشفته
يعنى كل الصيانات اللى بعملها دى اول مرة تتعمل فى العربية
سلام عليكم يا شباب
اولا الحمد لله انا رجعت القاهرة
اللانوس عربية اصيلة و الله يا جدعان انا رجعت بيها من مطروح على الرابع بس كنت سايق 80\90 بس و صلتنى و كمان كنت شايل فيها حاجات كتير غير افراد الاسرة و هى فى حالتها دى ..... الحمد لله اووووووى
المهم بقى انا بكرة ان شاء الله عايز اعمل الشغل اللى فى العربية اروح لمين و لا اروح للمكانيكى بتاعى ولا فى حد متخصص فى الموضوع ده يعنى ايه افضل الحلول ؟؟
استهدو بالله يا جماعه الموضوع مش محتاج لكده
الف حمدا لله على السلامه
وربنا يباركلك في عربيتك
مخالفة للقاعدة رقم 4 (الإغراق)
تم تنبيهك دون الحصول على تحذير
يمكنك استخدام توقيعك لعرض حالتك بدلا من استخدام المشاركات
مشرف عام .2
انا ابتديت اتعب من اللى باشوفه فى المنتدى
بجد والله حرام و عيب اللى بيحصل
انت تروح لمتخصص فتيس وده في شبرا واعتقد ان اسمه جورج في دوران شبرا لكن فين بالضبط انا مارحش ليه قبل كده لكن اعرف انه استاذ فتيس واقفضل واحد في مصر علي سمعته
السلام عليكم
انا يا جماعة عملت العيب اللى كان عندى و عملته عند الميكانيكى اللى بتعامل معاه و هو راجل ممتاز جدا و مستواه حلو
كان العيب زى ما معظم الناس توقعت فى مجموعة الخامس و بالظبط اللى شوفته كالاتى
الفتيس متحركش من مكانة يعنى مطلعهوش بره دى حاجة
هو بس نزل فك قاعدة الفتيس الجانبية عشان يوسع لنفسه و يفك الغطاء الجانبى اللى مغطى على مجموعة الخامس
و لما فك وجدنا الكارثة
الهلالة اللى حوالين مجموعة الخامس كانت الاحراف بتاعتها زى محروقة و مسوده
كان فى بلية جوه مجموعة الخامس لقيناها فارطة و كان فى فيبرة اللى ماسكة البلية دى كانت متفحمة
و لقينا زى براده نحاس فى الجوانب و فى الغطاء اللى فكه و قالى ان دى الغويشة
المهم غيرت المجموعة على بعضها بالهلالة بالبلية و كل حاجة و جربت العربية و الحمد لله تمام
فى الاخر بقى قولتله ان جوان كارتيره الفتيس عندى بيرشح زيت و عايز اعمله و كانت دى المرة 3 اللى اعمل فيها نفس العيب و لكان مش بيتصلح
قالى عشان اريحك الجوانات اللى فى السوق كلها بتبقى عمولة و كلها بعد فترة قصيرة بتجيب زيت و الحل فى جوان اصلى و ده مش هتلاقيه
قالى عشان اقطعلك العيب بقى من بابه فعمله بسيلكون حرارى زى بتاع الكبوت و قالى ان اللى هيفكه بعد كده هيطلع عينه بس مركبش جوان اصلا هو بس حط كمية من السليكون ده و عمله كانه جوان
المشكلة انه لما فك كارتيرة الفتيس مكانش فى اصلا زيت فتيس موجود غير شوية زيت حوالى نص كباية صغيرة و اكيد هو ده سبب المشكلة فى الاساس
المهم انا عملت الشغل ده و الراجل كان عنده المجموعة اصلا
انا حبيت اقول اللى شوفته بالظبط عشان لو حد حصل معاه نفس العيب يبقى عارف على الاقل ايه اللى ممكن يتعمل و لو اضطر يعمل الشغل فى حته تانية ميتعملش عليه شغل لو كان زى حالاتى كده ملوش اوى فى قصة الميكانيكا
قولولى الشغل ده يتكلف كام ( مجموعة الخامس كاملة بالهلاله و البلية + المصنعية )
و شكر واجب لكل الناس اللى شاركو و اللى نصحونى
و جزاكم الله كل الخير دائما
الحمد لله و الف مبروك
و انا فعلا من فترة عندى تسريب زيت من الفتيس و كل فترة باكشف عليه و بازوده بزيادة تجنبا لحصول مشاكل و ناوى اعالج التسريب بس افضاله
انا دفعت كله المجموعة بالمصنعية و تغيير الجوان بتاع الكارتيرة 150 غير طبعا السليكون و الجوان انا اللى مشرية كده كويس و لا ايه ؟؟؟
كده رائع بل اكثر من رائع ده كفاية انه خبرة و منزلش الفتيس على الفاضى انا قولت حتقول الف جنيه و الله احنا نحمد ربنا على اللانوس دى
الحمد لله طبعا و ربنا يخليهالنا