مساعدة فى الوصول لمحلين جنوط سبور

**mr_kenawy** · 23-07-2010 10:45 PM

السلام عليكم , معلش انا خبرتى فى شوارع القاهرة على قدى و انا نازل من اسيوط للقاهرة مخصوص لتغيير الجنوط و الكاوتش و عايز وصف تفصيلى لكيفية الوصول الى:-
1- اشرفكو مدينة نصر 2- البيومى اللى فى الدقى
و لكم جزيل الشكر.

**heshamzaky** · 23-07-2010 11:56 PM

طب قولى عنوانة فين فى مدينة نصر و ممكن اوصفلك

**aymanmaly** · 24-07-2010 12:13 AM

اشرفكو
مدينة نصر الحى السابع
ادخل شارع الطيران من الاتوستراد لغاية لما تلاقى المترو ادخل يمين و امشى على طول هاتلاقى مدرسة الملك فهد على شمالك كمل عل طول هاتلاقى اشرفكو على شمالك على نفس الصف الى فية مدرسة الملك فهد وطبعا قبلة و و بعدة هتلاقى اكثر من محل
اما البيومى فدة فى 101 شارع التحرير فى الجزء يتاع ميدان الدقى بجانب سينما التحرير

بس ارشحلك محل اسمة على رضا فى مينة نصر عندة جنوط ايطالى بسعر رخيص
و دة فين فى مدينة نصر و انت عند اشرفكو خلى اشرفكو على يمينك و المترو على شمالك و امشى على طول لغاية لما يبقى على شمالك مسجد نورى خطاب مسجد كلة معمول بالسيراميك ادخل من بعدية على طول شمال دة شارع الطيران هايبقى الجامع على شمالك و بنزينة شل على يمينك خليك ماشى على طول لغاية لما تلاقى شركة صرافة ( تغير عملة ) على يمينك ادخل الشارع الى بعدها يمين و دة الشارع الى هاتلاقى عندة صنية و شمال و يمين و على طول هاتلاقى على رضا على شمالك محل فى عمارة تطلعلة بسلمتين
و اى خدمة انا تحت امرك لاي اسفسارات اخرى

**heshamzaky** · 24-07-2010 12:16 AM

المشاركة الأصلية كتبت بواسطة aymanmaly

اشرفكو
مدينة نصر الحى السابع
ادخل شارع الطيران من الاتوستراد لغاية لما تلاقى المترو ادخل يمين و امشى على طول هاتلاقى مدرسة الملك فهد على شمالك كمل عل طول هاتلاقى اشرفكو على شمالك على نفس الصف الى فية مدرسة الملك فهد وطبعا قبلة و و بعدة هتلاقى اكثر من محل
اما البيومى فدة فى 101 شارع التحرير فى الجزء يتاع ميدان الدقى بجانب سينما التحرير

بس ارشحلك محل اسمة على رضا فى مينة نصر عندة جنوط ايطالى بسعر رخيص
و دة فين فى مدينة نصر و انت عند اشرفكو خلى اشرفكو على يمينك و المترو على شمالك و امشى على طول لغاية لما يبقى على شمالك مسجد نورى خطاب مسجد كلة معمول بالسيراميك ادخل من بعدية على طول شمال دة شارع الطيران هايبقى الجامع على شمالك و بنزينة شل على يمينك خليك ماشى على طول لغاية لما تلاقى شركة صرافة ( تغير عملة ) على يمينك ادخل الشارع الى بعدها يمين و دة الشارع الى هاتلاقى عندة صنية و شمال و يمين و على طول هاتلاقى على رضا على شمالك محل فى عمارة تطلعلة بسلمتين
و اى خدمة انا تحت امرك لاي اسفسارات اخرى

كفيت ووفيت انا كنت شاكك ان اشرفكو فى المحلات دى الى بعد قسم مدينة نصر 2 لس كنت عاوز اتأكد و على رضا محل كويس بس اسعارة غالية شوية

**aymanmaly** · 24-07-2010 12:20 AM

كمن فية واحد نفس اسعار البيومى فى الجنوط نسيت اقول لك علية
و انت عند اشرفكو خلية يمينك و امشى على طول هايقبل مدرسة الملك فهد و بعد منها مول بيتبنى جديد و بعد كدة تقاطع امتداد الطيران خليك ماشى على طول هايئبلك واحد بتاع كاوتش و بطريات سيبة و كمل على طول تانى محل كاوتش و جنوط هو دة مش فاكر اسمة بس انا شايف عندة جنوط تيوانى اسعارهم معقولة و سعر الكاوتش عندة جيد جدا
بس يا ريت لاقى الى انت عايزة عند على رضا لانة ايطالى وسعرة قريب من الماليزى من اشرفكو بص بصة عندة الاول يمكن تلاقى الاسعار مناسبة
ارجو اني اكون قلت حاجة مفيدة و بالتوفيق

**mr_kenawy** · 24-07-2010 12:33 AM

الف شكر على الوصف التفصيلى.

**aymanmaly** · 24-07-2010 12:39 AM

المشاركة الأصلية كتبت بواسطة heshamzaky

كفيت ووفيت انا كنت شاكك ان اشرفكو فى المحلات دى الى بعد قسم مدينة نصر 2 لس كنت عاوز اتأكد و على رضا محل كويس بس اسعارة غالية شوية

هو عندة تصفية فى الجنوط انا جبت من عندة جنوط ايطالى من اكثر من سنة مقاس 14 اربع مسامير
الاربع جنوط ب 1550 ج و هم زى الفل يمكن تلاقى عندة حاجة كدة مش هاتخسر حاجة لان الجنوط الايطالى مختلفة عن الباقى راقية و قوية الاحتمال جدا
على العموم متستعجلش و لف كويس و متقيمش الجانط على شكلة قيمة على خاماتة
و انا تحت امرك

**heshamzaky** · 24-07-2010 12:47 AM

المشاركة الأصلية كتبت بواسطة aymanmaly

هو عندة تصفية فى الجنوط انا جبت من عندة جنوط ايطالى من اكثر من سنة مقاس 14 اربع مسامير
الاربع جنوط ب 1550 ج و هم زى الفل يمكن تلاقى عندة حاجة كدة مش هاتخسر حاجة لان الجنوط الايطالى مختلفة عن الباقى راقية و قوية الاحتمال جدا
على العموم متستعجلش و لف كويس و متقيمش الجانط على شكلة قيمة على خاماتة
و انا تحت امرك

يا باشا كتر الف الف خيرك بس الحمد للة العربية بتاعتى نازلة بجنوط اسبور الاصلى و هما ايطالى لان العربية بالكامل داخلة استيراد

**aymanmaly** · 24-07-2010 04:13 AM

المشاركة الأصلية كتبت بواسطة heshamzaky

يا باشا كتر الف الف خيرك بس الحمد للة العربية بتاعتى نازلة بجنوط اسبور الاصلى و هما ايطالى لان العربية بالكامل داخلة استيراد

انا اسف مركزتش ان الرد من حد اخر غير صاحب الموضوع فافتكرتك هو علشان كدة كنت بكلمك على انك هو اعزرنى السن و احكامة

**heshamzaky** · 24-07-2010 09:31 AM

المشاركة الأصلية كتبت بواسطة aymanmaly

انا اسف مركزتش ان الرد من حد اخر غير صاحب الموضوع فافتكرتك هو علشان كدة كنت بكلمك على انك هو اعزرنى السن و احكامة:c_laugh[1]:

ههههههههههههههههههههه بس يهيأ لى انى أكبر منك سنا ههههههههههههه تسلم يا باش و كتر الف خيرك و لا يهمك انا برضو ممكن اتب رد لواحد و اقولة يا باشا و بعدين الاقى الرد بتقولى انا انسة مش راجل ههههههههههههههههههههه