من كامل احترامنا للعميل واسرة المنتدى
اولا ازيكم جميعا ان شاء لله تكونوا بخير
ثانيا كنت عاوز اعقب على كلام عميلنا العزيز . بس لان شكوى العميل مفصلة شوية فااسمحولى يكون ردى برضة مفصل شوية وطبعا مع كل الاحترام لكل كلمة قلها العميل واسف ان كنت حطول شوية
نتكلم عن موضوع وصول العميل متأخر . لازم ان العملاء يفهمو سياسة الحجز المسبق وازاى هيا مفيدة ليهم ولينا فى نفس الوقت
اولا العميل بيتصل بياخد ميعاد حجز قبل زيارة المركز وعلى اساس الميعاد دة انا بحجز للعميل
1- فنى خاص بسيارته
2- وكوريك لرفع السيارة
3- وكل الادوات الا بيحتاجها الفنى فى شغله بتكون محجوزة بااسم العميل
4- بحضر قطع الغيار المتوقع انها تكون مطلوبة للسيارة
ولما العميل بيتأخر عن ميعادة فانا بديلة فرصة 10 دقايق او ربع ساعة على الاكتر وبعد كدة الحجز بيعتبر ملغى ؟ ليه ؟ لانى بيكون عندى عملاء تانية موجودة فى المركز وجاهزة على قائمة الانتظار الا طبعا بمجرد اى عميل بيتأخر عن ميعاده بنزل عميل فى نفس المكان عشان من حق العميل الا جه انة يخش طول مافيه مكان فاضى وكمان عشانى انا كشركة ماخسرش وقت الفنى الا بيتحسب عليا بشكل مادى طبعا
طبعا السؤال البديهى او المنطقى طيب مالعميل ممكن يتأخر لاى سبب ودة طبعا شىء منطقى وساعتها يبقى عشان تحفظ حقك فى الحجز تتصل على خدمة العملا تبلغهم انك حتتئخر عن الميعاد المتفق عليه وساعتها حيجهزولك ميعاد تانى فى نفس اليوم ومناسب لميعاد وصولك وتبقى برضة مش خسرت مكانك
تفتكرو انتو لو فى مكان ادارة شركة تتصرفوا ازاى تستنوا العميل الا مش مضمون جاى اساسا ولا لا ؟ ولا بعد فترة زمنية مش كبيرة تبتدو تدخلو السيارة ؟ جوبو وقولولى
نخشو فى الجزء التانى العميل زى متفضل مشكورا وقال انة جة الساعة 1 و 40 دقيقة وصيانة 1000 بتاخد ساعة او ساعة ونص . يعنى على الاكتر العميل حيخرج المفروض 3 ونص على اكثر تقدير والعميل عارف كدة كويس من ساعه ماحجز ميعاد زيارة . ولما الشخص المسئول يبلغة انة حيخرج 4 ونص يبقىدة معناة ان العميل تخطى الوقت المسموح بية فى التاخير وعلى هذا الاساس اتحدد له الميعاد الجديد الا هوة 4 ونص وكمان العميل وافق ومضى بالموافقة ولان قسم متابعة العملاء بيبلغ العميل بمدة الصيانة عند الحجز فكان من حقة لو جة فى ميعاده انه يشتكى لخدمة العملاء او يرفض الصيانة او يطلب مقابلة مدير الشركة وساعتها مفيش حد كان يقدر يقول انه غلط لكن العميل سكت على حقه ( دة طبعا فى حالة انه فعلا حضر فى ميعاد الحجز )
نرجع تانى للكلام الموضوع . العميل بيتهم مهندسة انها مش مركزة فى شغلها لمجرد ان المفتاح وقع منها . عاوز اقول بس ان لو مقياس تقيم مهندسى مراكز الخدمة فى مصر من ناحية التركيز على وقوع المفتاح فااكيد اكيد مش حنلاقى مهندس فى مصر ينفع يشتغل فى مركز خدمة . الموضوع ابسط من انه يبقى اتهام بالاهمال والتسيب وعدم التركيز والبرود لمجرد مفتاح وقع منها وهيا ماسكاة . واكيد اكيد كل واحد بيقرأ الموضوع وقع حاجة منه قبل كدة واكيد برضة ملقاش الا يتهمة بالتسيب وعدم التركيز واللامبالاة والبرود زى مالعميل تفضل وقال