اقتباس المشاركة الأصلية كتبت بواسطة mohamedtahaab مشاهدة المشاركة
انا اسف ياجماعة على الاسئلة التالية..... يعني ايه زينون فوجات - وزينون بعدسات- وجنوط اسبور - وفين مكان الكماليات ده فى العربية البروسانا - وايه فيدتها للعربية ...وشكرا

صباح الفل
اولآ زينون فوج لايت: ده عباره عن تغيير النور اللى فى فوانيس الشبوره بنور زينون قوى المفروض يستخدم فى حاله الشبوره او الضباب او الغباركده يعنى و مكانه فى الأكصدام الأمامى من تحت شويه هتلاقي فانوسين صغيرين مدورين كده واحد يمين قوى و واحد شمال قوى هما دول الفوج لايت
ثانيا زينون بعدسات: ده بيركب فى الفانوس الأمامى للعربيه و بيكون ليه عدسه بزوايه محدده بحيث يجعل السائق فى افضل وضع للرؤيه الليليه
- خلى بالك الزينون عموما بيعمى اللى جاى قدامك (المقابل يعنى) يا ريت الناس متستخدموش كتير
ثالثا جنوط سبور: بتبقى من معدن مصنوع بشكل شيك و بيبقى غالبا اعرض من العادى و بيبقى محفور فيه اللوجو بتاع الماركه لو نازل مع العربيه و فى منه اشكال و الوان و مقاسات مختلفه و بيدى العربيه ثبات و متانه من الأعوجاجات اللى بتحصل احيانا فى الطاسات لما بتحك مثلا فى رصيف و انت بتركن او لا قدر الله حادث ......الخ اما الطاسات بتبقى مصنوعه من صاج و غالبا بيحطوا عليها وش بلاستيك عشان شكلها بيبقى مش ظريف
و آسف على الأطاله