تشترىلابتوب (نوتبوك) ايه؟

**pro_samir** · 30-11-2008 04:39 PM

يا جماعة نصيحة لوجة الله

حذااااااااااااارى من التوشيبا

الجهاز حلو مقلتش حاجة بس مش مستقر
عندنا قسم للابتوب فى الشركة وفى مشاكل كتيرة جدا من التوشيبا بشكل دورى فى الصيانة اجهزة كتير جدا البورد محروقة
وأكتر شواحن بتتباع هيا شواحن التوشيبا

الناس بتفرح ان الجهاز شكلة حلو و صوتة جامد وسماعات وحركات مع انة اصلا لو بتجيب جهاز تانى بنفس السعر بتاعة هيبقى مواصفاتة اعلى

بناء عن تجارب كتير ترتيب الاجهزة كالتالى فى الفئات السعرية المعقولة مش العالية قوى

Sony Vaio
Dell
HP - Fujitsu Siemens - Lenovo - Acer

وطبعا مش معنى ان الديل احسن يبقى كل الديل احسن مثلا من الايسر
على حسب الموديل
يعنى مثلا HP احسن من ايسر .. لكن فى اجهزة فى HP ممكن تكون زبالة زى مثلا HP530
دة الكور 2 ديو بتاعة ب3300 جنية .. يعنى قريب من سعر السيليرون فى اجهزة تانية
الديل مثلا ال500 دة سيليرون كان ب2500 جنية وبرضو كان مشاكلة كتير

يعنى برضو الموديل اللى بيحكم مش الماركة فقط

والاسعار بشكل عام بتبدأ من 2700 للديل السيليرون وانت طالع بقى زى ما قلت على حسب الموديل

وبشكل عام متسترخصش ولو هتسترخص يبقى نقى حاجة كويسة فى الرخيص لان مش كل الرخيص كويس

ملحوظة اخرى
احيانا بينزل اعلانات جرنال باسعار اجهزة ارخص من الطبيعى .. الاجهزة دى بتكون الشركة اللى مستورداها بنفسها والضمان بتاع الجهاز بيكون بضمانهم هما وليس بضمان الوكيل وممكن تتعرف بسهولة ان الكيبورد مش بيكون عليها عربى مثلا .. مع العلم انك ممكن تجيبها باسعار اقل من اللى بتنزل بيها كتير لكن طبعا موضوع ان الجهاز بضمانهم هما دة مش مضمون خااالص

**M.Osman** · 18-12-2008 07:06 PM

انا معايا DeLL و بصراحة مبسوط بيه

toshiba و HP .. سعرهم عالى بالنسبة لـDeLL و امكانياتهم :)

**Ahmed REDA** · 18-12-2008 09:35 PM

اللي عرفتة لما جيت اشتري اللابتوب بتاعي بعد لف كتيير ان السوق كلة جميع الاجهزة
made in china ما عدا جهازين

1-dell ودة made in Ireland

2-Fujitsu Siemens و دة made in Germany

الثاني مش محقق انتشار قوي في مصر مش عارف لية !!

فكان اختياري النهائي ما بين dell و Hp
واحد صاحبي الشركة عندة كانت جابت صفقتين من النوعين للموظفين بتوعها بعدد كبير قالي ان dell كانت مشاكلة قليلة جدا مقارنة ب hp و هو كان معاة dell

رحنا لواحد معرفة نشتري قالي ان dell عمرة مرجعلة في صيانة و انة حمال آسية

توكلت علي الله و جبت dell طبعا و فعلا الحمد الله شغال معايا تمام علي الرغم من اني مبهدلة و طبيعة شغلي تتطلب جهاز ذو مواصفات متقدمة لانة يعمل بكامل طاقتة لفترات طويلة (برامج محاكاة للمنشآت الخرسانية و تحليلها للتوصل الي القوي الداخلية في المبني) يعني ممكن اسيب file يعمل run علي اللابتوب لفترة قد تصل الي الساعتيين و دة لو كان المبني كبير شوية و الحمد الله dell عمرة ما قل باصلة معايا و شغال زي الفل و كمان بيخلص في زمن قياسي

دية كانت تجربتي مع اجهزة الكومبيوتر المحمولة ارجو انها تكون مفيدة للبعض

**TheInfernal** · 18-12-2008 09:50 PM

أنا لو هشتري هجيب ASUS EEE أو MSI Wind, لأني عارف ان استخدامي للابتوب هينحصر على القعاد عالنت و الاستخدام الخفيف.

**احمد عز** · 24-12-2008 04:23 PM

انا فى رايي
1-توشيبا بس اسعاره غاليه نسبيا
2- hp

**Rafraf** · 24-12-2008 04:41 PM

انا معايا vaio بصراحة معدىىىى

**د.محمد الشيخ** · 24-12-2008 05:36 PM

انا بتعامل مع hp من سنوات واشتريت على ايدى فى نطاق الاسرة 3 اجهزة من موديلات مختلفة وكلهم ما شاء الله زى الفل

وانا لو فكرت اغير جهازى اللى معايا بقاله حوالى سنة ونص حيبقى hp برده باذن الله .
الماركة دى بتديك جودة واداء بسعر معقول وغير مبالغ فيه .

**dr.nemo** · 28-12-2008 02:10 AM

لو انت عاوزمواصفات اعلى بفلوس اقل وماركة كويسة ممكن تجيب جهاز استعمال الخارج
بتبقى اجهزة قوية وممتازة عن تجربة مشكلتها في الصيانة بس علشان بدون ضمان طبعا ... عادي زي كل المستعمل
بس لو حتجيب لازم تاخد واحد معاك فاهم في استعمال الخارجعلشان تجيب حاجة كويسة
وانا عن نفسي بستخدم توشيبا استعمال الخارج بقالي مايقرب السنة وزي الفل معايا وهادي وبيستحمل
وكذلك الكومبيوتر المكتبي عندي ديل استعمال الخارج روعة واحسن من التجميع بمراحل بس اغلى
اتمنى التوفيق للجميع