تقييم اللوجان فى سفر من القاهره الى مرسى مطروح
الحمد لله سافرت باللوجان الى مطروح من القاهره قضيت اسبوع هناك بالعربيه ورجعت بيها تانى يعنى اخدت وانا رايح وانا راجع الطريق فى حوالى اربع ساعات او اربع ساعات ونصف من غير الاستراحات اللى فى النص بسرعه متفرقه بين 120 الى 140 قطعت طول الرحلة 1300 ك منهم حوالى 1000 على الطريق و300 جوه مطروح
المهم تقيمى للسياره
مميزات
1- العربيه بتدى معايا يعنى وصلت بيها ل 170 على العداد وفى وقت وصلت فيها على 140 وكنت على اخر البنزين ومش عايزه تدى تانى لانى كنت ماشى عكس السير المهم ثباتها ممتاز وانا على السرعات العاليه
2- متوسط استهلاك البنزين على ال100 بالتكييف كانت 6,8 لكل 100 ك وده ممتاز بس لما عليت الى 140 بقت 7.7
3- الحراره متحركتش عن ال5 شرط يعنى ثابته طول الطريق سبع ساعات بالاستراحات اللى اخدتها متحركتش خطوه
4- التكييف طول الطريق ممتاز
5- العزل بتاع العربيه ممتاز متحسش بالطريق
العيوب
بصراحه حسيت بعيب واحد وهو تقريبا البور مبيفصلش مع السرعات العاليه لانى بلاقى الدريكسيون بيجرى منى لازم امسكه بتمكن شويه ولو عديت من جنب اتوبيس بحس ان الاتوبيس بيطيرنى وينقلنى شويه على الجنب
انا قولت لازم اضع تقييم للمشوار الطويل ده
عمتن انا عامل بالعربيه حوالى 3 الف كيلو الان