الموضوع: مقابلة كيا فى العين السخنة (توجد مشكلة )

اخواني الاعزاء ملاك (عجباههههههم) (كيداههههههم) سابقا
انا لقيت المكان اخيرااااااا اللي انشاء الله هنتقابل فيه مع حفظ حقوق الاختراع يا (ابوليلي) ارجوك
طبعا الكل هيسأل فين المكان ده؟ ومساحة المكان اخبرها ايه؟ والركن موجود ولا ايه؟ واخبار الحر ايه؟ والمكان (فيو حلو) ولا ايه؟ وواسع ولا ايه؟ وهيسعنا كلنا ولا ايه؟ وفيه حمام سباحة علشان اللي هيبلبط ولا ايه؟
المهم كل الاجابات دي هجاوب عنها طبعا واكيد ان شاء الله المكان هيعجب حضراتكم جداااااااااااااا
ودلوقتي احنا مش محتاجين نعمل (تصويت) لجمع الاراء انا واثق ان المكان هيعجبكم جدااااااااااااااا
عموما الفكرة العبقرية دي جتلي امس وانا بستلم مفتاح شقتي الجديدة هنا في المعادي وبعدين احضرت شركة تكييف لتركيب عدد من التكييفات بالشقة ووجدت السكان الافاضل بتوع العمارة الجديدة متخانقيين بسبب الاسانسير علشان طلوع المنقولات واخيرا علي حظ اخيكم المحظوظ منعوا اي حد يطلع اي شئ في الاسانسير والقرار علق علي السبورة في المدرسة (اقصد علي الاسانسير) المهم مش (هقصر) عليكم الاخ بتاع التكييف المحترم رفض انو يطلع التكييفات للدور الثامن وقاللي انا مش هركب التكييفات دي مع انو كان منبه علينا ان الاسعار شاملة التحميل والله وكل حاجة وبعد مفاوضات جبت اتنين بوابين اخدو مني (200)جنية (ربنا يباركلهم والله) علشان يطلعوا روحي اقصد (التكييفات) المهم الفكرة العبقرية ظهرت ساعتها وقلت مفيش احسن من كده اخواتي في المنتدي مش هيتأخروا عني طبعا ( انا عليا المكان ) وهما عليهم طلوع العفش ههههههههههههههههههههههههه هههههههههههههههههههههه
بس انا خايف بعد طلوع العفش بالسلامة للدور الثامن يبعتوني رحلة من البلكونة (زي الراحل اشرف مروان) طبعا علشان اجيب الحاجة الساقعة من السوبر ماركت مش بالزمة المكان ده احسن من السخنة وأهو التكييفات اشتغلت والبانيو موجود لهواة البلبطة والجراج امام العمارة اتوقع يساع عربيات المنتدي كله ها ايه رأيكم مش بجد فكرة جديرة بالدراسة وطبعا اخواتنا البنات في المنتدي زوجتي لما عرفت فكرة زوجها الشيطانية قالتلي طمنهم انا مجهزالههههههم شوية رفايع يطالعوها يعني مش هتقل عليهههههم بس هيا بتبلغهن انها مبتحبش تتحدف من البلكونة (هيا تفضل المنور علشان بحري )
انا عموما حابب اخدم يا جماعة الخيررررررررررر
اه نسيت اقول لكم ان متوقع وانتوا نازليين من الشقة الاسانسير يعطل فلازم تنزلوا علي السلالم (طبعا علشان اسانسير العمارة بتاعتنا يطول عمره وميستهلكش )هههههههههههههههههههههههه� �ههههههههه ها عمركم شوفتوا بخل بالشكل ده من قبل
حاتم حاتم
نعم كلم مين تليفون
مين الجماعة بتوع (كيداهههههههههم) اتصلوا بيك وانتا نايم من اسبوع وبيبلغوك ان المكان اتحدد خلاص طب الحمد لله والله كنت ناوي اعزمهم عندنا في الشقة الجديدة



وكان حلم جميل هنضرب عصفورين بحجر واحد
نشفوف الاحباب ونطلع العفش ببلاش


م.حاتم السباعي