شكرا يا استاذsemsem
عرض للطباعة
شكرا يا استاذsemsem
هى العربية البطارية كان شكلها نايمة فعملتلها وصلة وجبت ميكانيكى فلما جينا ندور المية بتاعت الردياتير كانت بتنطر لبرة قام قايلى هى كده هتعوز جوان وش السلندر او حاجه كدة مفهمتش منو اوى فياريت لو حد ممكن يفيدنى فى الحوار دة بسرعة اكون شاكر جدا وممكن تتكلف كام
يا ريت حد يفيدنى يا جماعة ارجوكم
كده الحمد لله الموتور ماقفش ومش هتحتاج تغير الموتور
وش السلندر ده حاجة بتركب علي الموتور والصبابات مع السخونة الجوان بتاعه بيضرب ربنا يسهل ويكون الجوان بس وما يكونش وش السلندر نفسه اتشرخ او قفع من السخونة ساعتها هتجيب واحد استيراد وخلي الميكانيكي يشيك علي الصبابات والبساتم والشنبر
دي هيبقي اسمها نص عمرة
اسمحلى اعيد صياغه الكلام ده ... لأنى متابع موضوعك من ساعة ماعملته
احنا كنا خايفين لحسن يكون الموتور قفش (يعنى بعض مكوناته انصهرت و اندمجت على بعض من السخونه)... و ده بيحصل نتيجه لأنك مشيت بالعربيه من بزيت قليل
بس الحمد لله مادام الموتور دار تانى يبقى ماقفشى
بس موضوع ان الميه تنطر لبره ده معناه حاجه من الاتنين
1- وش السلندر اتشرخ : وده الجزء العلوى من الموتور اللى بيبقى فيه الصبابات و اماكن تركيب البوجيهات ولو اتشرخ حتطر انك تشترى و احد جديد استيراد و حيبقى الموضوع مكلف نسبيا
2- جوان وش السلندر ضرب : و ده الجوان اللى بيركب بين وش السلندر و الكتله ( باقى الموتور) و ساعتها حتجيب جوان جديد و غالبا حتخرط وش السلندر ... الموضوع ده تكلفته بتبقى فى حدود 150 الى 200 جنيه .. بس انتا علشان عربيتك جديده فممكن تلاقى الجوان ده غالى شويه (انا فى عربيتي كان 30 جنيه اليابانى - عربيتي كورولا 1978)
الوش بيروح لخراط كويس بيشوفة لو مقفع شوية "بيقشطة" نصف مللي او ربع مللي لغاية ما يصبح عدل و يتركب الوش بجوان جديد و شكرا
المهم خراط نضيف
فية المتحدة اللي في مجرى العيون دي ورشة كويسة
او مختار اللي في جسر السويس
او الفيومي اللي في ميدان لبنان
الموضوع مش صعب ان شاء الله
بس دة درس يخيلك تخللي بالك من المياة و الزيت
و انا برضة مش فاهم هوة الزيت راح فين
نقص ازاي دي عربية جديدة و مش مفروض تاكل زيت
الا لو الفلتر اتخرم مثلا و الزيت اتسرب
و مهم جدا ماتزودش مياة الا و العربية دايرة
اوعي تحط مياة و العربية سخنة و هي مبطلة
و كان مفروض تتصرف في زيت و تزودة وقت ماوقفت بيك برضة
حصل خير ان شاء الله بسيطة
شكرا جدا على اهتمامكو Adham_ khaled.sabry _ caysersosaih والحمد لله ان محصلش حاجة كبيرة
ان شا ء الله يكون جوان بس و يطلع وش السلندر سليم عشام متخشش في مصاريف و مشاوير بس خلي بالك روح الماتور الزيت ده الي بيخلي الحديد ميحكش في بعضه شوف من غيره الدنيا جوه حيحصل فيها ايه
لا شكر علي واجب يا باشا
بس خلي الميكانيكي يعرف ايه سبب تسريب الزيت مهم جدا
يارب تكون بسيطه ويكون بس الجوان
بس ده درس ليك حاول تبص تحت العربيه يوميا هل فيه زيت تحتها ولا لا مهم جدا لانه ممكن تكون لمبه الاشاره الخاصه بالزيت مش شغاله فتكلفك غالى قوى
ومش هيكلفك شئ بصه تحت العربيه قبل ماتمشى لان ده مؤشر ان مافيش اى تسريب وكما تتأكد من الميه
لانى برده مره مشيت من غير ماابص على الميه وانا ماشى ماخدتش بالى من التابلوه ولقيت الناس بتشاور لى على الكبوت اتارى لمبه الحراره كانت فاصله والميه اتبخرت والموتور كان هيلوع ركنت بسرعه وزودت ميه وربنا ستر
وربنا يسترها معانا جميعا يارب