-
مشكلة فى مكنة لانسر
السلام عليكم .... انا كنت مسافر بالعربية (لانسر بومه) وانا على الطريق كنت مهدى وبعدين جاى ازود بنزين العربية عملت صوت غريب كدا وقامت مبطلة فوقفت على جنب على طول واجى ادور مش عايزة ولاقيت امبير الحرارة عالى جدن فبشوف الزيت ملققيتش فية زيت و كان اسود وبعدين قولت اسيبها تهدى شوية بتاع ساعة فدارت وبعدين طبعا المية خلصت فقولت احطلها لاقيت المكنة سخنة بردو فقولت اسيبها سبتها 3 ساعات كانت بردت خالص ولكن مش بتنطق وجبتها البيت جر ياريت لو حد يعرف ممكن ايه اللى حصل يفيدنى بسرعة (اسف على الاطالة)
-
مفهمتش يعني ايه مكانش فيه زيت ؟؟ يعني الزيت اتسرب من الموتور؟؟
لو كده يبقى ربنا يعوض عليك
-
مش اتسرب هى باين كان الزبت ناقص وانا مشيت عليها
-
حد يمشي من غير ما يبص علي الزيت حرام عليك ده احنا طلع عين ابونا علي ما عرفنا نلم تمن العربية يا راجل
ده قبل ما تدورها حتي لازم تبص علي الزيت والمياه لو مشيت عليها من غير زيت يبقي ربنا يعوض عليك يا فسواني الموتور كدا يبقي قفش
ثم حضرتك قطرتها ولا شلتها علي عربية لانها لو اوتوماتيك حتفرق كتير
عموما لازم تراجع ميكانيكي او تروح علي التوكيل وتقل جيبك
-
والله مختش بالى خالص على العموم شكرا shooter وraliiart
-
طيب هو ايه اللى حصلها يعنى وليه دارت فى الاول و بعدين مش بتدور!!!!!!!!!!!
-
حضرتك بتقول مالقيتش زيت خالص ولو لمبة الزيت منورتش عندك فى التابلوة يبقى كدة حضرتك ممكن تكون خد خبطة اثرت على طلمبة الزيت فتوقفت عن العمل وبالتالى عن تقليب الزيت , الكلام دة هينطبق لو لمبة الزيت عندك منورتش
وتفسير ان العربية دارت بعد شوية : السيارات الحديثة لما درجة الحرارة بتوصل عند حد معين وحدة ال ecu بتدى امر ان السيارة مادورش الى ان تنزل درجة الحرارة وبعد كدة تبتدى تدور عادى
-
كشف عليها عند ميكانيكى ولا لسه ؟
-
استاذ semsem هى لمبة الزيت كانت نورت وانا سبتها ساعه عشان تبرد فدارت ولكن بطلت تانى سبتها بتاع 3 ساعات تانى ولكن المرة دى مدارتش وانا مش عارف اكشف عليها لانها مش بتمشي
-
يبقى كدة عندك تسريب فى كارتيرة الزيت ممكن يكون من الكارتيرة نفسها او من الطبة
بالنسبة انها مادارتش تانى هيبان لما تفتح الماتور اية اللى حصل فية
Content Relevant URLs by
vBSEO 3.6.0 PL2