الموضوع: Peugeot 504 بعد التجديد

المشاركة الأصلية كتبت بواسطة ahmedzizo131

بسم الله الرحمن الرحيم
دكتور / هو جهاز mp3 امكانياته كويسة
يعنى هل هو افضل من الكاسيت
اصل بفكر اشترى واحد و قلت اخد رائيك ؟؟؟؟؟؟؟
انا محتار
هو عامل كام و امكانيته اية بالظبط

مش أنا كان عندي كاسيت سوني؟ ما كنتش باشغله إلا بوصلة AUX كنت عاملها للموبايل. الكاسيت دلوقتي مش عملي و حتى السيديهات
بالنسبة لإمكانياته يا سيدي هو matsobishi موديل MC81 و فيه مدخل USB و مدخل Memory card و مدخل AUX و يتم التبديل بينهم بمزاجك أو أوتوماتيك يعني لو الراديو شغال أو أغاني شغالة من على الميموري كارد و انت دلوقتي حطيت USB هيقوم من نفسه قارئ اللي على ال USB و لو وصلت الموبايل هيقوم ناقل على مود AUX و هكذا
طبعاً فيه راديو FM و الموجة المتوسطة و بيحفظ 18 محطة FM و 12 محطة متوسطة
بالنسبة للتحكم في الصوت فهو بيخرج أربع سماعات 4×45 (مكتوب كده) و تعلي و توطي الصوت (أكيد طبعاً) و تواز الصوت بين اليمين و الشمال من ناحية و بين قدام و ورا من ناحية (يعني ممكن تشغل سماعة واحدة من الأربعة لو عايز) و فيه 5 مود إكوالايزر جاهزين و ممكن تعمل mute و انت ماشي
و فيه وظيفة scan بيشغل لك 10 ثواني من كل أغنية أو 10 ثواني من أول أغنية في كل فولدر لحد ما تستقر انت عايز إيه. لو على الراديو بيشغل لك 10 ثواني من كل محطة
و ينفع تقلب بين الأغاني و المحطات و الفولدرات يدوي طبعاً، و ممكن تعمل jump لأغنية أو محطة لو عارف رقمها من على الريموت
بالحديث عن الريموت فهو جاي معاه ريموت زي التهمة كده كبير بصراحة و مليان زراير بشكل مبالغ فيه و كل زرار في وظيفتين press/hold
الملفات اللي بيشغلها بقى بالنسبة للصوت MP3, WMA
و بيحفظ آخر إعدادات انت شغال عليها يعني لو طفيته و شغلته هيشتغل على نفس المحطة أو نفس الأغنية بنفس الإعدادات لأن في ناس كانت بتقول غير كده
بالنسبة للفيديو MP4 و قرأت في الكتالوج AVI, DIVX و بيعرض subtitles و بيتحكم في سرعة التشغيل لكني ما جربتش بصراحة
و بيعرض صور كمان و فيه إمكانية عمل slideshow و تدوير و زووم في الصور
ده كله في الكتالوج، هو طالع منه وصلة VIDEO RCA الصفراء و طبعاً حالياً ما عنديش شاشة إلا شاشة التلفزيون لكن أوعدك أني في يوم أكون فاضي هانزل التلفزيون في العربية و أجرب
و الشاشة بتسهل التحكم في تشغيل الMP3 و الراديو كمان لأنها بتعرض قوائم الملفات و بيانات تانية طول ما ال(كاسيت) شغال
و حاجة اتمنيتها و ماخذلنيش فيها أنه لما أوصله بالموبايل على ال AUX ممكن أتكلم hands free من غير ما يزن و الموبايل على الحامل و الصوت يخرج من ال4 سماعات و الميكروفون هو ميكروفون الموبايل
و لو عندك إريال كهرباء بيشغله مع الراديو عادي بس أنا عندي أريال سقف
و طبعاً و ده يهمني جداً فيه ساعة ديجيتال ممكن تشوفها و هو شغال و بتفضل شغالة لما تطفيه

ده كان بـ 240 جنيه من البلد هنا، أعتقد في التوفيقية أرخص كمان و فيه أنواع بتبدأ من 90 (يو اس بي و ميموري و راديو بشاشة) و فيه وحدات صغيرة كده 10×10سم بتشغل يو اس بي و ميموري و راديو كمان. الصين و عمايلها

المشاركة الأصلية كتبت بواسطة MASERATI

السلام عليكم و رحمة الله و بركاته

ما شاء الله, العربية حلوة أوى , ربنا يباركلك فيها و يرزقك خيرها و يكفيك شرها .

أنا كنت عاوز أسألك على الجنوط الخرشوفة , شكلهم غير اللى أنت مركبهم فى عربيتك, فيه منها جديد و لا كله استيراد و لو جديد , بيبقى صينى و لا اندونيسى و الطقم بيعمل كام؟؟؟؟












أنا فعلا من 5 سنين كنت غيرت ال4 مكنات بتوع الازاز بتاع عربيتنا البيجو ال505 مو 1980 هنا فى المنصورة و كان الجوز ب 180 جنيه بتركيبهم , بس ما شاء الله , المكن ده ممتاز و بيعيش رغم انى كنت جايبهم استيراد طبعا مش جديد .

أنا لفيت كتير فعلاً على موضوع الجنوط ده (الزقازيق/عزبة شلبي/ الحرفيين/ سألت ناس في بورسعيد) و حسب ما شفت فيه 4 أشكال جنوط أصلية (استيراد طبعاً) للبيجو غير الجنط الحديد
1- جنط 15 زي ده و بيعمل 800-1000 مثلاً و موجود في بورسعيد





و شفته على 505 شكله ممتاز و ممكن ترش أجزاء منه كمان



2- نفس الشكل اللي فات لكن 14 إنش و الطبة بتاعته صغيرة لكن على الطبيعة مش حلو قوي

3- جنط 15 زي ده لكن بيمشي على ال 505 أكتر و غالبا مش هتلاقي الطبة الكبيرة بتاعته عند التاجر. شفته بـ 750 جنيه





4- جنط 14 زي ده شايف مافيهوش ميزة




جنوط ماركات تانية نفس الأبعاد الغريبة بتاعة 504 و 505 4X114 و شفت شكلين لجنوط 14 عربيات سوبارو قديمة مش عارف الموديل بالضبط. و شفت واحد منها راكب قعلا على ال505




الاستيراد بيبقى فرنساوي، و الجديد إما ماليزي أو صيني أشكال كتير و الفرق واضح لو حطيت الاتنين قدامك و بيبقى محفور على الجنط و مكتوب على الكرتونة في بيانات المستورد