الموضوع: إعادة إحياء عربيتي 504 ، التجربة كاملة

انتظروا موضوع التكييف بتاع ال 504 ... ان شاء الله كل واحد هياخد لفة ...

الف مبروك على العربية .. وربنا يبارك لك فيها .. وابعد عن 128 خالص ...

على كرة انا احتمال اجيب جنوط ال 505 gti ... الفرنساوى

المشاركة الأصلية كتبت بواسطة MaZaGAngeE

ايه الجمال ده
بس أنا معترض على طقم سواقة البيجو

أنا مختار الصور على سبيل الهزار يعني، أنا باقول للناس دايماً أن ال504 كانت بتنزل من فرنسا و تلاقي في شنطة كل عربية الكوريك و الصليبة و شنطة الإسعافات و جلابية و عمة

المشاركة الأصلية كتبت بواسطة mohamed9999

بس السمكرى اخد منك كااااام مصنعيه

السمكري أخد بالضبط 1200 جنيه مصنعية و خامات إلخ...

المشاركة الأصلية كتبت بواسطة the-hero

الف مبروك ياباشا هو حضرتك منين من الزقازيق

منيا القمح بالضبط :)

المشاركة الأصلية كتبت بواسطة kisho55555

انتظروا موضوع التكييف بتاع ال 504 ... ان شاء الله كل واحد هياخد لفة ...

الف مبروك على العربية .. وربنا يبارك لك فيها .. وابعد عن 128 خالص ...

على كرة انا احتمال اجيب جنوط ال 505 gti ... الفرنساوى

التكييف الميزانية عجزت معايا فأجلته للصيف الجاي، و نشوف تجربتك معاه و نستفيد و ناخد لفة كمان.
أنا فكرت في جنوط ال505، هي شكلها رائع على ال504 بس إوعى تجيب ال 15.5 inch هات ال 15
و مبروك مقدماً


Bling كان له شوية أسئلة لكنه موقوف، عموماً
1- الإزاز الكهرباء يا سيدي بتجيب ماكينة زجاج كهرباء استيراد و كلهم بيركبوا الياباني و بيتم لحام الموتور الاستيراد مكان الجزء اللي بتركب فيه أكرة الإزاز (بعد قصها) و يركب تاني في الباب عادي جداً، و اللي هيركبه هيطلع لك سلكين من كل باب و تروح انت للكهربائي يعمل لك التوصيلة و الزراير و لو هتركب وحدة رفع تبقى 100%، وحدة رفع لكل 2 زجاج، يعني لو هتركب زجاج كهرباء أمامي و خلفي هتحتاج وحدتين رفع
منين بقى؟
أنا شخصياً رحت لواحد شغلته ضبط أبواب و زجاج، و عنده مخزن من المواتير الاستيراد و يقوم بتركيبهم الواحد بتركيبه 90 جنيه
طبعاً لو انت رحت اشتريت المواتير من بورسعيد مثلاً هتوفر معاك شوية و تروح لأي حد بيفهم يركبهم

2- بالنسبة لكاوتش الأبواب أنا اشتريتهم من تحت البيت
و لقيت كمان الجوان الأصلي بتاع فتحة السقف (الجزء الأمامي ب45 جنيه و الجزء الخلفي ب115 جنيه) و اتضح أن كل حاجة للعربية دي موجودة في كل حتة
لكن هتلاقي معلومات أكتر هنا http://www.nilemotors.net/Nile/137257-a-1.html

3- السوست الأمامية بتوع 504، لأن بتوع ال505 أعلى و أنشف

4- الجنوط أي حد بتاع جنوط يجيبهم لك، لكن ما يقنعكش بالصيني و يقول لك عليه شعر.

سؤالين بس يا دكتور

لو حد يعرف حد كويس فى القاهرة بيركب الزجاج الكهرباء ومكن كويس ومكان البيع او اى معلومات بس فى القاهرة واسعارة معقولة

2-بتاع ال128 الخبطك عملت فية اية وهو الخلطان مش انت وفى حالة زى دى يتعمل محضر وكدة ولا بيكون اية الظروف ربنا ميوقعنا فى موقف زى دة

المشاركة الأصلية كتبت بواسطة midomizo

سؤالين بس يا دكتور

لو حد يعرف حد كويس فى القاهرة بيركب الزجاج الكهرباء ومكن كويس ومكان البيع او اى معلومات بس فى القاهرة واسعارة معقولة

2-بتاع ال128 الخبطك عملت فية اية وهو الخلطان مش انت وفى حالة زى دى يتعمل محضر وكدة ولا بيكون اية الظروف ربنا ميوقعنا فى موقف زى دة

بالنسبة لبتاع الزجاج لو ناوي تيجي الزقازيق و آخدك للراجل بتاعنا، شغله ممتاز

بالنسبة للخبطة طبعاً بتاع ال 128 غلطان بنسبة 100% ، و الراجل نزل و كان في نص هدومه و قعد يقول "أنا عارف أن أنا اللي غلطان و اللي انت عايزه تحت أمرك" لكن كعادتي سبته لما شفت عربيته اتخرشمت و مش هيعرف يمشي بيها

الأسعار دي في الشرقية. حاجات ال 504 هنا منتشرة جداً جديد و استيراد و كل الرفايع متوفرة في الزقازيق و بلبيس و غيرها