سؤال لعمالقة و خبراء الهوندا help plz

**titofigooooo** · 24-07-2010 10:59 PM

لو فلوسى جاهزة و خلاص قررت اركب اس اي اتوماتيك93 لو رفعت العربية ف بنزينة دا كافى عشان يتعرف حالة الماتور و عاملة عامرة والا لا و حالة الفتيس و سليم والا لا و دا ماتور العربية الاصلى والا لا ؟؟ وهل قطع الغيار غالية لدرجة انى ما جبهاش؟ و ايه النصايح و الحاجات الاخد بالى منها و انا بشتريها ؟

**SAMEH_FOUAD** · 24-07-2010 11:34 PM

ماتور الsi الاوريجينال اليابانى 2 كامة , بدون vtec وعشان تعرف حالتة بيتعملة اختبار كبس ولازم مايبقاش اقل من 75% عشان يعيش معاك على الاقل فترة كبيرة بدون مشاكل وطبعا حسب طريقتك فى القيادة ومواظبتك على تغير الزيت فى مواعيدة

بالنسبة للفتيس فحضرتك وانت واقف كدة جرب الغيارات بتاعتة من الr الى d4 وهكذا لو لقيت نتشة واضحة يبقى الفتيس دة فية مشاكل ,تروح على طول جايب الr وشوف مستوى زيت الفتيس لو لقيتة ناقص او لقيت الزيت اسود يبقى عايز يتغير وغالبا بتروح مشكلة النتشة بتغير الزيت
وعندك ياباشا نقلات الفتيس وانت بقى بتجرب العربية
السرعة الاولى الفتيس بينقل عند 30
السرعة الثانية الفتيس بينقل عند 60
السرعة الثالثة الفتيس بينقل عند 140
السرعة الرابعة الى الاخر

بالنسبة لقطع الغيار العربية قطع غيارها مش غالية اوى ومش رخيصة بس بتركبها وبتنساها لو (اصلى )
واى استفسار احنا فى الخدمة

**titofigooooo** · 25-07-2010 10:22 PM

شكرا جدا يا رجالة بس معلش عايز اسال هى ماتورها كام حصان؟ و البنزينة كافية للحكم عالعربية ؟و ها يكشفولى عالشاسيه و القوايم والحوض؟ و فين البنزينة دى معلش عايز تفاصيل اكتر عن مكانها

**thehardrock** · 26-07-2010 01:21 AM

المشاركة الأصلية كتبت بواسطة titofigooooo

شكرا جدا يا رجالة بس معلش عايز اسال هى ماتورها كام حصان؟ و البنزينة كافية للحكم عالعربية ؟و ها يكشفولى عالشاسيه و القوايم والحوض؟ و فين البنزينة دى معلش عايز تفاصيل اكتر عن مكانها

عفوااا ياباشا و تحت امرك فى اى وقت
بالنسبة للموتور ياريت تقولنا هو كام سى سى عشان نقدر نفيدك هو كام حصان
بس عموما ما تقلقش كل مواتير السيفيك جميلة وناعمة وبتجرى , لكن طبعا بتختلف من موديل لأخر
, اما عن البنزينة دى فهى هتفيدك بكل شىء عن العربية من اساسيات و ميكانيكة وكله , وهى موجودة فى اول طريق الاوتوستراد خلف الشيراتون , عند مكان اسمه Fji , البنزينة اسمها موبيل
اى استفسار اخر انا تحت امرك