حاجة غريبة حصلت في عربيتي بولو 98

**mohamedshawky230** · 25-07-2010 12:00 PM

اولا انا لسة شاري العربية من حوالي اسبوع
ثانيا انا لسة بتعلم السواقة
ثالثا بقى وانا بتعلم ازاي اطلع بالعربية من غير ما تبطل او تنتش مني كنت بجيب الاول واتحرك واقف واتحرك وهكذا وبعدين لقيت العربية سخنت قوي ولما فتحت الكبوت لقيت الميه بتغلي والقربة بتطلع بخار جامد وكنت بتنى عليها لما تبرد وافتح القربة وازود مية والحركة دي حصلت حوالي 4 مرات في ساعتين وكنت بالليل وتاني يوم قلت اوديها لميكانيكي وقعدت الف بالعربية من الساعة 2 الظهر لحد الساعة 5 ومسخنتش ومعملتش حاجة وكانت زي الفل الفرق اني كنت ماشي بيها مش بجيب الاول واتطلع واقف واجيب الاول واطلع وهكذا ولما رحت للميكانيكي قالي انا مبفهمش فيهم قوي روح لحد متخصص بس العربية حالتها زي الفل .
ممكن حد يفدني في الموضوع دة
وشكرا

**adel_2346** · 25-07-2010 12:33 PM

زود ميه واتاكد ان غطاء القربه مقفول جامد

**OSaMa.GHaMrY** · 25-07-2010 02:39 PM

الموضوع ده حصل لعربيتى وهى راجعه من العين السخنه وطلع المشكله فى طلمة المياه فغيرناها والحمد لله الموضوع خلص
امبارح كنت بلف بالعربيه طول اليوم والحمد لله تمام جداا
النهارده الصبح والدى راح بيها مشوار رجع بنفس الموال ده تانى والمياه بتغلى مهما زودها

اعمل اييييييييييييييه

**M.Mostafa80** · 25-07-2010 06:05 PM

المشاركة الأصلية كتبت بواسطة smalltoto

الموضوع ده حصل لعربيتى وهى راجعه من العين السخنه وطلع المشكله فى طلمة المياه فغيرناها والحمد لله الموضوع خلص
امبارح كنت بلف بالعربيه طول اليوم والحمد لله تمام جداا
النهارده الصبح والدى راح بيها مشوار رجع بنفس الموال ده تانى والمياه بتغلى مهما زودها

اعمل اييييييييييييييه

راجع على خراطيم المياه وأتأكد من غطاء القربه أنو سليم لو مش كدا يبقى هتعمل أختبار صغير
هتدور العربيه وتفتح غطا القربه وتلاحظها لو عملت بقاليل فى القربه يبقى كدا العربيه فيها للأسف جوان وش سلندر ضارب ربنا يسترها معاك

**M.Mostafa80** · 25-07-2010 06:06 PM

المشاركة الأصلية كتبت بواسطة mohamedshawky230

اولا انا لسة شاري العربية من حوالي اسبوع
ثانيا انا لسة بتعلم السواقة
ثالثا بقى وانا بتعلم ازاي اطلع بالعربية من غير ما تبطل او تنتش مني كنت بجيب الاول واتحرك واقف واتحرك وهكذا وبعدين لقيت العربية سخنت قوي ولما فتحت الكبوت لقيت الميه بتغلي والقربة بتطلع بخار جامد وكنت بتنى عليها لما تبرد وافتح القربة وازود مية والحركة دي حصلت حوالي 4 مرات في ساعتين وكنت بالليل وتاني يوم قلت اوديها لميكانيكي وقعدت الف بالعربية من الساعة 2 الظهر لحد الساعة 5 ومسخنتش ومعملتش حاجة وكانت زي الفل الفرق اني كنت ماشي بيها مش بجيب الاول واتطلع واقف واجيب الاول واطلع وهكذا ولما رحت للميكانيكي قالي انا مبفهمش فيهم قوي روح لحد متخصص بس العربية حالتها زي الفل .
ممكن حد يفدني في الموضوع دة
وشكرا

أتأكد من غطا القربه لأنو لو مش مظبوط بيخلى ضغط الميه مش مظبوط

**OSaMa.GHaMrY** · 25-07-2010 09:33 PM

المشاركة الأصلية كتبت بواسطة m.mostafa80

راجع على خراطيم المياه وأتأكد من غطاء القربه أنو سليم لو مش كدا يبقى هتعمل أختبار صغير
هتدور العربيه وتفتح غطا القربه وتلاحظها لو عملت بقاليل فى القربه يبقى كدا العربيه فيها للأسف جوان وش سلندر ضارب ربنا يسترها معاك

http://www.nilemotors.net/Nile/16738...post3872884289

**mohamedshawky230** · 26-07-2010 11:42 AM

انا لسة مشتري غطاء للقربة وبقفله كويس وبعدين انا خرجت بالعربية امبارح رحت من حلوان لعباس العقاد ورجعتللمعادي وبعدين حلوان محصلشي اي حاجة ، مش عارف المشكلة دي غريبة جدا ممكن اراجع على خراطيم الميه وياريت لو حد يعرف ميكانيكي متخصص في البولو يقولي هو فين و مواعيده ايه علشان انا هروحله من حلوان وشكرا

**mohamedshawky230** · 26-07-2010 11:55 AM

المشاركة الأصلية كتبت بواسطة m.mostafa80

راجع على خراطيم المياه وأتأكد من غطاء القربه أنو سليم لو مش كدا يبقى هتعمل أختبار صغير
هتدور العربيه وتفتح غطا القربه وتلاحظها لو عملت بقاليل فى القربه يبقى كدا العربيه فيها للأسف جوان وش سلندر ضارب ربنا يسترها معاك

معلشي يا باشا اصل انا لسة بتعلم
يعني اول ما ادور العربية اروح افتح القربة ؟ ولو لسة مدور يبقى اكيد المية مسخنتش ومش هيكون فيها بقاليل ولو لقيت يبقى كدة جوان وش سلندر ... صح كدة الخطوات دي ؟
وبعدين فيه ناس قالتلي ان العربية دي دايرة مغلقة يعني مينفعش يدخلها هوا او حاجة زي كدة ؟
وشكرا ليك على الافادة

**OSaMa.GHaMrY** · 26-07-2010 06:42 PM

المشاركة الأصلية كتبت بواسطة mohamedshawky230

معلشي يا باشا اصل انا لسة بتعلم
يعني اول ما ادور العربية اروح افتح القربة ؟ ولو لسة مدور يبقى اكيد المية مسخنتش ومش هيكون فيها بقاليل ولو لقيت يبقى كدة جوان وش سلندر ... صح كدة الخطوات دي ؟
وبعدين فيه ناس قالتلي ان العربية دي دايرة مغلقة يعني مينفعش يدخلها هوا او حاجة زي كدة ؟
وشكرا ليك على الافادة

هو كان كاتب الاختبار ده لمشكلتى وممكن تجربه لو شاكك فى الجوان

وبالنسبه لموضوع الهوا ده ، ففعلا ممكن يدخل هوا وبيتفضى بطريقه معينه كده الميكانيكى عملها ادامى

**mohamedshawky230** · 27-07-2010 10:27 AM

المشاركة الأصلية كتبت بواسطة smalltoto

هو كان كاتب الاختبار ده لمشكلتى وممكن تجربه لو شاكك فى الجوان

وبالنسبه لموضوع الهوا ده ، ففعلا ممكن يدخل هوا وبيتفضى بطريقه معينه كده الميكانيكى عملها ادامى

يا باشا الف شكر انا عرفت بتتعمل ازاي بس طمنا انت على اخبار عربيتك لقيت حل ولا لسة