الموضوع: تجربتي مع مركز البرقان وكيل معتمد اوماترا

اسف لاني معرفتش ادخل امس زى ما وعدتكم ولكن لظروف العمل
انا الحمد لله طبعا استلمت العربية وقبل الميعاد لاني زى ما قلتلكم ان انا سبت العربية للمركز وقالولي تعالي خدها بكره الساعة 5 ولكن وحوالي الساعة 3 لاقيت المهندس المختص بيكلمني علي الموبايل وبيقولي العربية تمام وتقدر تيجي تستلمها دلوقت طبعا انا ما صدقت ورحت جرى طبعا لاقيت العربية تمام وقابلت هناك المهندس هشام عمار مدير المركز وهو شخصية في غاية الاحترام والذوق وطبعا انا استئذنتوا اني احط رقم الموبايل الخاص به ليكون في خدمه اعضاء نايل موتورز وهو 0180701144 وكمان ده رقم موبايل المهندسة امنية مهندسة الاستقبال 0180702207 وذلك لاى عضو عنده اى استفسار عن اى حاجه يكلمها علي طول وهي هتساعده علي طول والله مش قادر اوصفلكوا هي متعاونة لاقصي درجة
المهم نسيت اقولكوا المرة اللي فاتت ان تكلفة تغيير الكنترول يونيت كانت حوالي 5500 جنيه والسعر ده من اوماترا نفسها وطبعا لان التكلفة عالية جدا سألت عليه عند الكيلاني وكان سعره 2900 جنيه وطبعا بعد استئذان المهندس هشام وافق اني اجيبه من بره وهما يركبوه واعتقد ده مابيحصلش في اى حته شوفتوا الفرق في السعر كبير اد ايه وطبعا لولا تعاونهم مكنتش اقدر اوفر المبلغ ده كله .
المهم استلمت العربية بعد ما اتغسلت وتم تنظيف دورة التبريد واضافة ماء مقطر بدل المياه العادية وتنظيف سربنتينة التكييف وكل ده من غير مااطلبه وبدون مقابل والعربية اتظبطت ورجعت احسن من الاول والحمد لله
فاسمحولي ان اوجه التحية لهذا المركز المحترم والقائمين عليه ...
المهندس هشام عمار مدير المركز
المهندسة امنية مهندسة الاستقبال
المهندس شريف مهندس الصيانة المختص

وعلي فكرة المهندس هشام عمار كان عايز رقم تليفون احد المسئولين عن منتدانا المحترم ولكن لم اقدر علي افادته وذلك لعدم معرفتي بذلك فرجاءا من احد المسئولين الاتصال به للاهمية .

المشاركة الأصلية كتبت بواسطة yoko

تمام يا باشا وأوماترا مش سئ أوي كده (النهارد بصراحة إتعمل معايا واجب تمام)

شكرا ياباشا ولكن علي فكرة انا مارحتش اوماترا قبل كده بس سمعت من اغلب الاعضاء

المشاركة الأصلية كتبت بواسطة ayman2

حمدا لله على سلامه السياره وكنا عاوزين وصف المركز وتجهيزاته وانطباعك عن العماله ونظامه يعنى كده تقرير شامل :s_thum1[1]: معلش أثقلت عليك لكن المعلومات دى مهمه جدا عن هذا المركز وجزاكم الله خيرا

الف شكر ياباشا وعلي فكرة المركز لديه احدث الاجهزة وعلي حسب كلام المهندس هشام ان مسئولي اوماترا شهدوا بان المركز لديه بعض الامكانيات الغير متوفرة لديهم

المشاركة الأصلية كتبت بواسطة msd86

100 100 يا باشا بس لو معلش هنتقل عليك لو ممكن التقيم للمركز كامل علشان أنا كنت بفكر أعمل الصيانات بتاعتي هناك علشان ده اقربلي من جسر السويس بكتير.....

شكرا ليك ولكن نصيحه حتي لو مش قريب ليك روح هاتستريح اوى

المشاركة الأصلية كتبت بواسطة khalid_adel

انت تقصد مركز البرقان اللي في اول شارع العريش من ناحية فيصل
بص هو المركز ده روحتله ساعة اول صيانه وبجد انبهرت من قمة الذوق والاهتمام والسرعه مع اداء كويس ( ده عملي الصيانه وغسل العربيه ) في نص ساعه وبرضه روحتله تاني كنت مسافر وعايز ارجلش الهاند بريك طلع ليها طريقه كده رخمه (لانها ديسكات ) وربطلي عفشه لان كان في حاجه بتخبط تحت وكنت مقلق ونضف العربيه بالهوا وغسل العربيه من بره وغسل السربنتينه
المهم انه روقها كلها والصوت راح وكل ده في اقل من ساعه
الحساب 30 جنيه انا افتكرتها 300 جنيه ولسه حتكلم واقول ليه لاني مش مصدق الرقم بسأل بتاع الحسابات هو الحساب تلاتين جنيه قالي ايوه + ضريبه 3 جنيه
بجد ملهمش حل
وليا واحد جاري معاه بونتو كان لسه جايبها راحلهم وهما ظبطوه وعرفوه اللي فيها وتقريبا بيحاسبوه على قطع الغيار فقط لان مصنعيتهم قليله اوي وهما شاطرين وفاهمين كويس
بس انا بفكر جديا اني اكمل الصيانات عندهم ولو حصل حاجه هما معرفوهاش ارجع لاوماتر

اه هو اللي في اول الشارع علي الشمال من ناحية فيصل وعلي فكرة ماعتقدش ان فيه حاجه مش هيعرفوها

المشاركة الأصلية كتبت بواسطة hosamsamsoon

[frame="9 10"]
اولا
الف مبروك على اصلاح العربية بعد اللف دة
ثانيا
حضرتك اثبت بالدليل العملى ان حل مشكلة التوكيل فى زيادة وجود المراكز المعتمدة ليهم
لان اوماترا لو ركزت فى الجانب دة حتوفر فلوس عمل مراكز صيانة (( و اظن ان دة مهم ليهم ))
كمان حترضى العملاء
كمان حيرجع الثقة فى فيات تانى
و حيساعد على رفع نسبة المبيعات
مش لازم تكون كل مراكز الصيانة خاصة باوماترا
لية ميكونش هناك كبداية عشرة او عشرين مركز معتمد محترم ليهم و باسعار كويسة
تخيل فرق التكلفة بالنسبالهم علشان يعملوهم
و الفرق انهم بس يعاينوة و يحطم معايير الجودة ليهم للاعتماد المراكز فقط
بصراحة
انا كنت ناوى اعمل موضوع احط فية الاقتراح دة مع اقتراحات تانية بس موضوعك سبق
اتمنى ان مندوبى اوماترا يشاركو بالتعليق فى الموضوع للاهمية
[/frame]

شكرا ليك علي ذوقك وعلي الفكرة الجميلة

انا برضه اشهد ان المركز ده فعلا قمة في الاحترام و الشغل و النضيف و المواعيد المظبوطة
بس مشكلتي معاهم اني طلبت مرة اظبط زوايا قالولي جاهز ضبط الزوايا عطلان و اي تظبيطات عموما زي انا عندي العربية بترج بعد 120 رجة خفيفة اوي برضه قالو معنهمش ترصيص فا اضطريت اتجه لجسر السويس
بس للاسف اكتشفت حاجة مش ظريفة خالص بس بعد ما رحت خلاص
ان تكلفة صيانة 40000 بالضريبة 2300 في جسر السويس
رغم ان نفس الصيانة بالضريبة برضه في البرقان 1950 جنيه بس
يعني فرق 350 حنيه (كتير جدا جدا)
مش عارف ليه بس بعد كده انا قررت صيانتي كلها في البرقان و اي تظبيتات بعد كده هتبقى في جسر السويس
و شكرا
و دي نصيحتي للكل خصوصا للي لسه معملوش اعلى صيانة في عربياتهم زي 40000 في البونتو كلاسيك
روحو البرقان