مرة كنت راكبة مع سواق تاكسي ماعندوش مرايات لا يمين و لا شمال.. طبعا اترعبت.. قلت يبقى أكيد بيبص على المراية اللي جوه العربية.. راقبته شوية لقيته مش بيبص فيها خاااااااااااالص.. ساعتها بأه اتشاهدت :eek:
عرض للطباعة
مرة كنت راكبة مع سواق تاكسي ماعندوش مرايات لا يمين و لا شمال.. طبعا اترعبت.. قلت يبقى أكيد بيبص على المراية اللي جوه العربية.. راقبته شوية لقيته مش بيبص فيها خاااااااااااالص.. ساعتها بأه اتشاهدت :eek:
ههههههههههههههههههههه وانتي مستغربه ليه والله العظيم انا شوفت النهارده عربيه سيات 133 الصغننه ديه من غير مريات ولا فوانيس
ومتخبطه في كل حته وراكب فيها اربعه او خمسه واللي بيسوق بيتكلم مع اللي جمبه ومالوش دعوه ب الطريق سعتها عرفت قد ايه العربيه
ديه عانت معاه واي عربيه هايجبها هاتعاني معاه كتير والله صعبت عليا العربيه جدا :)
يعني مش كفاية عليهن إنهن بيسوقوا الاسرة في البيت .. كمان عاوزين يسوقوا عربيات في الشوارع
كفاااااااية ..
حراااااام ..
طب ممكن أقول رأيى فى الموضوع من غير زعل
و طبعاً لازم أقول الأول إن الإختلاف فى الرأى لا يفسد للود قضية ....... عشان بس نمنع المشاكل.
تعجبت كثيراً يا كيمو لما لقيتك بتقسم السواقين إلى رجالة و ستات ...... أولاً ده كده تعميم ظالم لكليهما...... ثانياً ليس هناك إختلافات جوهرية بين الرجالة و الستات تؤثر على قيادتهم للسيارة ..... مثلاً السيارات دلوقتى مش محتاجة مجهود عضلى جبار بالتالى القوة البدنية مش هتأثر.
بالتالى مش هعرف أجاوب على سؤالك يا كريم ..... ما رأيك فى قيادة السيدات للسيارات؟..... بس أقدر أقولك إنه على حسب اللى سايق ..... و خلى بالك يا كريم . الحكم مسبقاً على أحد فيه ظلم كبير و ممكن يعمى عينيك عن الحقيقة أو تشوهها ......
مثلاً لو حاطط فى فكرك إن الستات دول ما بيعرفوش يسوقوا .... و لقيت واحدة سايقة قدامك . هتقول أكيد دى مبتعرفش تسوق ...... و أول يا كريم ما تلاقى أى غلطة صغيرة إرتكبتها ..... هتكبر الموضوع فى دماغك و تصدر أحكام ممكن تكون ظالمة .... فى حين لو سواق راجل عمل كده هتتغاطى عن فعله لأنك مش حاطط فى دماغك الموضوع ده أصلاً.
الجانب النفسى من الحاجات اللى بتأثر على سواقة السيدات ...... طبيعة السيدات (مش كلهم) فى الشرق هى إفتقادهم للجرأة ... اللى أنا شايفها حاجة مهمة فى السواقة ..... تلاقى الست خايفة تعدى من اللى قدامها . لأنها لو خبطت فيه ..... هتتبهدل بمعنى الكلمة ..... فتنحاز للجبن و الحذر الشديد فى القيادة لدرجة تخنق السواقين الباقيين .... فى حين السبب فى ده هو الرجالة (أقصد الرجالة قليلة الذوق اللى مبتصدق تتخانق مع ست و تستقوى عليها).