إستفسارات بسيطة فى السيراتو 2010 ex
ازيكم يا شباب
انا جبت العربية من حوالى اسبوع ورخصتها الحمدلله
وعايز اسأل فى شوية حاجات لاحظتها بعد ماسوقت العربية
اولا استهلاك الوقود عندى 11.5 فى اغلب الأوقات .
ثانيا درجة الحرارة فين فى شاشة بيبقى مكتوب فى 19 انا منعتقد ان دى درجة الحرارة لكن النهارده وانا ماشى عليت لــ20 عايز اعرف منين اعرف ان درجة الحرارة مرتفعة ولا هاعتمد بس على لمبة التحذير ودى اهم نقطة عندى .
ثالثا العربية بتحدف يمين ظبط هوا امبارح وبردو نفس الوضع هل اروح اظبط زوايا ولا ارصص العجل ولا ايه بالظبط .
رابعا بالنسبة للموضوع التليين انا سامع ناس بتقول عدم تشغيل التكييف وكده ‘ انا بشغله بسيط هل دا فيه ضرر وهل السرعى القصوى فى الوقت ده اد ايه امشى بيها انا لحد دلوقتى عامل حوالى 190 كيلو .
ياريت حد يفيدنى لأن دى تجربى الأولى مع عربية زيرو
واسف على الإطالة