شوفولكم حل

**nabilhussein** · 25-07-2010 04:58 PM

مساء الخير عليكم جميعا .... وكل عام وحضراتكم جميعا بخير وصحة وعافية بمناسبة شهر رمضان الكريم اعاده الله علينا وعليكم بكل خير ان شاء الله .

من الملاحظ فلى رواد المنتدى انهم جميعا من المثقفيين أو الجامعيين أو الموظفين فى شركات استثمارية أو خاصة او ............................... لكن للاسف هناك مواضيع كثيرة يتم كتابتها فى المنتدى تنم عن ضعف اللفة العربية لدى الكثير وهذا بصراحة بالنسبة لى يمثل عامل استفزاز كبير ... فكيف تكون انسان مستخدم للانترنت ومثقف وتناقش مواضيع على المنتدى وتكتب بهذا الشكل المستفز .. الى هذه الدرجة وصل مستوى الشباب من اللغة العربية يكتبون ال ط ت ويكتبون ال ث س وكثير من تلك الاشياء .

زمان وانا فى صف ثالث ابتدائى دخل الفصل موجه لغة عربية وقال لنا جميعا اللى هايكتب كلمة تكنولوجيا صح هانديله جايزة .. وبالفعل اكتر من 20 تلميذ كتبوها صح قام الفصل كله بالقيام برحلة الى البر الغربى ( المدرسة كانت فى الاقصر واسمها وادى الملكات ) هو ده الفرق بين حاجات كتيييير زمان (مش زمان اوى يعنى) والان.

ارجو من جميع مستخدمى المنتدى تحرى الدقة فى الكتابة . واسف للاطالة عليكم وكل عام والجميع بخير ان شاء الله

**Akram** · 25-07-2010 05:05 PM

انا فعلاً بلاحظ كتير الموضوع ده و الأخطاء الإملائية دي والحقيقة بتضايقني برده ,

مش معقول واحد كاتب موضوع أو مشاركة و اقوله بس خلّلي بالك انت كاتب كلمة كذا خطأ و المفروض تبقى كده .....

**أبو صلاح** · 25-07-2010 05:07 PM

المشاركة الأصلية كتبت بواسطة nabilhussein

من الملاحظ فلى رواد المنتدى

مين فلى دي ؟

تنم عن ضعف اللفة العربية

في فرق بين الغين والفاء
ل غ ة (اللغة)
ل ف ة (اللفة) - ودي انت اللي كاتبها
اكتبهم وانت تعرف الفرق

اللي بيته من زجاج ما يقلعش هدومه في الصالة

طبعا بهرج معاك ياباشا والرسالة وصلت
انا في واحد معايا في الشغل والله ما بيعرف يكتب عربي مطلقا
كل كتابته انجليزي

ويبقى يوم اسود لو فكر يكتب عربي

**Akram** · 25-07-2010 05:08 PM

المشاركة الأصلية كتبت بواسطة nabilhussein

لكن للاسف هناك مواضيع كثيرة يتم كتابتها فى المنتدى تنم عن ضعف اللفة العربية

المفروض اللغة مش اللفة ( بحرف الــ غ مش حرف الـــ ف )

بس انا عارف ان ده خطأ في الكتابة علشان الحرفين جنب بعض في لوحة المفاتيح ...

**أبو صلاح** · 25-07-2010 05:14 PM

المشاركة الأصلية كتبت بواسطة akram

المفروض اللغة مش اللفة ( بحرف الــ غ مش حرف الـــ ف )

:e_braces[1]:

بس انا عارف ان ده خطأ في الكتابة علشان الحرفين جنب بعض في لوحة المفاتيح ...

سبقتك يا جميل
هههههههههههههههههههه

انا عندي اقتراح
احنا نقلب الموضوع ده
كيف تكتب اللغة العربية بطريقة خطأ ؟

**shooter123** · 25-07-2010 05:21 PM

والله العظيم ابو صلاح ده عسسسسسسسسسسسسسسسل
واقسم بالله انا معرفش الراجل ده بس بصراحة عامل طعم للمنتدي ولا اروع
وبالنسبة للمشاركة حاضر حنبقي نراجع الموضوع قبل الضغط علي ايقونة اعتماد الموضوع الجديد نراجعه يعني بسيطة

**zkralla** · 25-07-2010 05:23 PM

معاك حق
فيه مشكله اكبر كمان
أن بعض الناس بيكتب الله بالتاء مش الهاء

**aly_hosny** · 25-07-2010 05:34 PM

انا شايف الناس تعرف القرق بين الحروف الاول وبعدين يكتبو عربي
في ناس كتييييييييييير متعرفش امتى تكتب تاء مربوطة وامتى تكتب هاء
وفي ناس كتير بتكتب الالف المكسورة الف عادية او ياء

**أبو صلاح** · 25-07-2010 05:41 PM

المشاركة الأصلية كتبت بواسطة shooter123

والله العظيم ابو صلاح ده عسسسسسسسسسسسسسسسل
واقسم بالله انا معرفش الراجل ده بس بصراحة عامل طعم للمنتدي ولا اروع

أخجلتم تواضعنا ياباشا

**n_i_t_e** · 27-07-2010 02:15 PM

يااه دا الواحت كته لاذم ياخد باله من قل كلمة بيقتبها حتى لو كتابطه صريعة على الكيبورت

بهزر طبعا :))
معلش هو أنا أعتقد انها مش موضوع ضعف عربي بس المشكلة ان الكتابة بتكون بسرعة و الواحد صعب يطلع الغلطات الأملائية حتى فى المعاينة...أنا ساعات بعمل معاينة مرتين و فى الأخر بعد الأعتماد بلاقى انى برضه كاتب حرف أو اتنين غلط

الموضوع: شوفولكم حل

LinkBack

أدوات الموضوع

عرض

-

-

-

الكلمات الدلالية لهذا الموضوع

المفضلات

المفضلات

ضوابط المشاركة