هوندا سيفيك 97 , فيها موتور اكورد اسمه Type S , طيارة مش عربية :)

السلام عليكم
========
كنت فى مرة فى الحرفيين , وكنت مروح البيت , و وانا فى اول طريق السندباد , عند كوبرى الهيكستب ,
كنت معدى من عند المزلقان , وماشية جنبى عربية سيفك تقريبا 97 , لونها زيتى , و انا ساعتها مكنش فى دماغى ان اجرى , المهم يدوبك عديت المزلقان انا وهو , وتفاجاة باللى عملته العربية دى , ( حاجة وهم ) عمرى ما شفت قوة موتور بالشكل ده , صاحبها ماشى ع الاول وبيجرى عليه وانا وراه , وما قولكش على اللى حصل لما جاب الغيار التانى , العربية عملت امريكانى لمدة 5 ثوانى مثلا :) طبعا مش ممكن برده مده كبيرة :)
ومفيش ثوانى ولقيته اختفى من على الطريق ( طااااااااااار )
, ساعتها فضلت مذهل لغاية ماشفت العربية دى عند مسعد بعدها بحوالى شهر تقريبا , فسألت مسعد قالى دى فيها متور اسمه Type s , الموتور ده بتاع اكورد وقوته 2200 سى سى , و بيطلع 240 حصان
, سالته عن سعر الموتور قالى الموتور موجود وسعره حوالى 8000 جنيه , لكن القواعد بتاعته غالية ومش موجودة عشان يسقط فى سيفك , وقالى عشان يسقط في سيفك هيصرف حوالى 30 الف جنيه
, فطبعا مبلغ كبيررررررر جدااااااا وتمن عربية تانية
, فهل يا جماعة حد سمع عن الموتور ده قبل كده ؟؟
وشكراااا

انا معرفش حاجة عن الموتور ده ..

مستنين راى الخبراء

أيوة دى مواتير بريليود Type s و اكورد SiR كودها H22A القوة تتروح مابين 190 الى 220 حصان حسب السوق يابانى ولا أمريكى 2200 سى سى فعلاً هيا مكنة غبية بس فعلاً محتاجة تعديلات كثير جداً عشان تسقطها وقواعد وعلى فكرة مواتير التايب أر K20A موديلات 2002 سواء انتيجرا DC5 أو سيفيك EP3 بتتسقط على السيفيك موديل من 92 لحد 00 بس نفس القصة عاوز تعديلات كثير جداً ممكن تتكلف فوق الـ 20 ألف غير سعر المكنة اللى تقريباً في حدود من 15 الى 20 ألف

اه نسيت أقول في مكنة منها في بورسعيد مطلوب فيها 5500 جنية ولسه فيها كلام بكامل مشتملاتها فتيس + كنترول + ظفيرة + كبالن + عفشة أمامية هيا سعرها واقع عشان مافيش عليها أقبال خالص ده غير قصة التعديلات

الف شكر على التوضيح يا مستر نبيل
بالنسبة للتعديلات انا شايف انها مكلفة جدااااا , هو الموتور يعتبر رخيص اوى بالنسبة للـ Sir و الـ Type r و Gsr
لان هو اقوى منهم بكثير , انا شايف ان افضل واحد فيهم هو الـ Sir , مش غالى وقطع غياره متوفرة وقوى جدااا طبعا
لكن انا متهيألى الـ Type r يسقط فى السيفك مستريح من غير التعديلات والقصص بتاعت الـ Type s
, الـ Type r برده قوى جدااااا 1800 سى سى وبيطلع 210 حصان

كلام سليم هو أقوى وأرخص لكن تعديلاتة مقرفة وعاوزة ميزانية وفي الغالب هتضطر تطلب قطع من برة، طبعاً الـ SiR لا غبار عليه وسعره معقول حالياً انما GsR و التايب أر أسعارهم لسه غالية.

ماتور السيفيك Type R بيتسقط زيه زى الـ SiR عادى بس هو 1600 سى سى برضه 185 حصان ( B16B ) وفى مكنة اللى كنت بدور عليها بتاعت الانتجرا Type R دى 197 حصان 1800 سى سى ( B18C ) بس لسه مش لقيها لا هنا ولا في اليابان اللى موجودة في اليابان السيفيك Type R بس لسه بفكر وبشاور عقلى

والله هو الـ sir حلو اوى وبيقوم بالواجب وزيادة , وبيحط على اتخن عربية , انا من رائى تخيلك فى الـ sir
لانه رخيص وقطع غياره متوفرة , وكمان بتوع الهوندا اللى فاهمين فيه كثير , مش محتاج متخصص .
وشكرا ياباشا على معلوماتك القيمة

والله استفدت كتير من كلامكم .. شكرا على المعلومات ..

اقتباس:

---

المشاركة الأصلية كتبت بواسطة thehardrock

والله هو الـ sir حلو اوى وبيقوم بالواجب وزيادة , وبيحط على اتخن عربية , انا من رائى تخيلك فى الـ sir
لانه رخيص وقطع غياره متوفرة , وكمان بتوع الهوندا اللى فاهمين فيه كثير , مش محتاج متخصص .
وشكرا ياباشا على معلوماتك القيمة

---

العفوا ياباشا وتحت أمرك هو الـ SiR بيقوم بالواجب فعلاً مع معظم العربيات بس في بعض العربيات المسقطة بتثبت معه وممكن تتطلع منه هو بس عيبه عزمة قليل شوية أنا لسه مش واخد قرار التسقيط و تقلان شوية لما أشوف هيحصل اية ..

اقتباس:

---

المشاركة الأصلية كتبت بواسطة kisho55555

والله استفدت كتير من كلامكم .. شكرا على المعلومات ..

---

اى خدمة ياباشا ومنور الموضوع


ده فيديو صغير كدة هدية منى ليكم يارب يعجبكم :)

[youtube]http://www.youtube.com/watch?v=QsOuLwnAdfI[/youtube]

فعلا انا مصدقتش الفديو لما شفته ...