لانسر بطه ولا اكسنت

**soficom** · 25-07-2010 06:20 PM

السلام عليكم ورحمته وبراكاته

معايه عربيه اكسنت 99 عربيه مش وحشه الى حد ما بس واحد قلى ان البطه احلى بكتير من الاكسنت ونبر فى دماغى عشان اغير العربيه السوال هو هل البطه افضل من الاكسنت وهل قطع الغيار متوفره زى الاكسنت ورخيصه زى الاكسنت ولا هشترى وهندم واه الحاجه ئلى فعلا كل ملاك البطه مش حبنها فيها

**Ralliart** · 25-07-2010 07:23 PM

من وجهة نظري الفرق مش هيبقى كبير خصوصاً ان البطه هتكون اقدم
نصيحه خليك بعربيتك طالما شغاله كويس لحد ما تزود الفلوس شويه وتجيب كريستاله او حاجه اعلى ان شاء الله

**m_car** · 25-07-2010 09:35 PM

كلامك صح

غير لحاجة اعلى واحدث

**بحري** · 25-07-2010 09:59 PM

فكرت كذا مرة أغير عربيتي ولقيتني واقف حيران ..أجيب إيه..العربية اللي معايا ١٥٠٠ فل أوبشن أوتوماتيك وشغالة زي الفل الحمد لله أداء وحالة مستقرة ومفيش أعطال غير طبيعية وحاجاتهما متوفرة وأي حد بيفهم فيها والفضل لله...لقيتني عشان أجيب حاجة أحسن مش هينفع أحط أقل من ١٥ ألف جنيه عشان أجيب كرستالة مثلا أو تويوتا تسعينات فما فوق...غير كده أي حاجة متنفعش..دايو أحدث..بطة..كليو..بولو..إبيزا.. فابيا..حتى الفيرنا اللي بتشترك مع الاكسنت في حاجات كتير...كل ده مينفعش
عاوز تنقل انقل نقلة مظبوطة..لأن المسألة مش تغيير وخلاص
وربنا يوفقك للخير
طالما العربية مقضية احتياجاتك يبقى مفيش داعي للتغيير

عند شرائي للأكسنت من حوالي سنتين فكرت أكتر من مرة أضغط نفسي وأجيب زيرو..لكن بعد الاستشارة والتفكير والاستخارة لقيت الأكسنت أفضل قيمة مقابل الفلوس..ولقيت مش مستاهلة أحط٨٠ ألف في عربية طالما الموضوع هيضغطني والمصلحة تتم بفلوس أقل من كده

**MaZaGAngeE** · 26-07-2010 12:26 AM

مش عارف حاجة عن الاكسنت بس بطتي بتمشي معايا لحد 175 زي الفل و ثابتة و مريحة
قطع الغيار رخيصة
عيبها الشنطة صغيرة بالنسبة ليا
بتحط في بعض المطبات العالية
شغال معاها بنزين 80 و 90 و 92 بس انا مثبتها على 90 لكن جربت التانين فترات عشان أشوف تأثيرهم على العربية

لو بتدور على بطة كلمني

**Ralliart** · 26-07-2010 12:29 AM

المشاركة الأصلية كتبت بواسطة MaZaGAngeE

مش عارف حاجة عن الاكسنت بس بطتي بتمشي معايا لحد 175 زي الفل و ثابتة و مريحة
قطع الغيار رخيصة
عيبها الشنطة صغيرة بالنسبة ليا
بتحط في بعض المطبات العالية
شغال معاها بنزين 80 و 90 و 92 بس انا مثبتها على 90 لكن جربت التانين فترات عشان أشوف تأثيرهم على العربية

لو بتدور على بطة كلمني

اسعارها كام حالياً؟؟

**M.Nasr** · 26-07-2010 12:39 AM

انا رأيى الشخصى خليك فى الاكسنت احسن الفرق مش كبير مايستاهلش تعب البيع والشراء يعنى

**MaZaGAngeE** · 26-07-2010 12:42 AM

المشاركة الأصلية كتبت بواسطة Ralliart

اسعارها كام حالياً؟؟

ما بين 30 للحالات اللي فيها شغل لحد 42 للحالة الممتازة

ContactCars | السيارات المستعملة

الموقع الاشهر والاكثر انتشارا للسيارات فى مصر - The most famous site for cars in Egypt

الموقع الاشهر والاكثر انتشارا للسيارات فى مصر - The most famous site for cars in Egypt

الموقع الاشهر والاكثر انتشارا للسيارات فى مصر - The most famous site for cars in Egypt

**soficom** · 26-07-2010 11:16 AM

شكرا يا جماعه على ردكو والله انتو اعضاء زى الفل بس المشكله انى كنت راكب ابيزا 99 وفى فرق بين الاكسنت والابيزا زى فرق السماء والارض و والله بحس انى راكب 127 ومئروف جداااا منها مع العلم ان الاكسنت مش محتاجه حاجه كل الكماليات شغاله ودى نصيحه منى محدش ينزل من المانى يركب كورى
والمشكله التانيه انى مادرش اجيب ابيزا تانى عشان سعر اعاده بيعها منخفض جداا لدرجه انك لو اشترتها انهرده ممكن تبعها بكره اقل 4 الف جنيه
بس عشان كده واحد نصحنى بالبطه لانها قريبه من موديل 99 وسبته على الطريق مش زى الاكسنت (مرجيح مولد النبى)
معلش على الاطاله