2 كانز وواحد بيتزا

**yasserelsayad** · 26-07-2010 12:52 AM

معلش يا باشا دا انت كدا ارحم منى
دا انا اول لما دخلت اسكندرية وماشى على الكورنيش والطريق واقف خالص .. وفاجئة حد حدف جردل ميه من البلكونة بتاعته واعتقد انها ميه تكييف على العربية عندى والله انا اترعبت بس الحمد لله كنت قفل كل حاجة بس يا عينى كان ورايا عربية كروز فاتحين الشباك والبنت اللى كانت راكبة خدت ربع الجردل مثلا .. حاجة تقرف والله يعنى واحد زى دا معندوش اى ثقافة وشايف ان الشارع واقف وفى عربيات وناس ماشية تحت دا على الكورنيش يعنى مش حتى فى شارع جانبى .. ناس غريبة

**Car's Sniper** · 26-07-2010 01:42 AM

انا سمعت ان غرامة القاء القمامة فى الشارع.. 10 جنيه لو انت على رجلك و1000 جنيه لو رميت حاجة من العربية

**د.محمود صلاح** · 26-07-2010 08:15 AM

رمي الكانز من شبالك اوتوبيس رحلة طلبة تسبب في حادث على الصحراوي

**م. عصام مهنى** · 26-07-2010 01:05 PM

يا اخى انا كنت ماشى وفجاة لاقيت حاجة بتخبط فوق الكبوت ومنه على الازاز أنا قولت اية اللى حصل
كانت عبارة عن علبة بيبسى كانز فارغة واحد واقف فى بلكونة وراح راميها على الكبوت

هتعمل اية .......................!!!

**A_H_M_A_D** · 26-07-2010 01:34 PM

المشكلة إن أكتر من نص الشعب المصري عنده يقين بأن الشوارع كلها عبارة عن مقلب زبالة مفتوح للي عايز يرمي أي حاجه و في أي وقت

بس بصراحة أحيانا بيبقى معايا حاجه عايز أرميها و أدوخ لغاية مالاقي باسكت أرمي فيه , عشان كده الناس بتستسهل و ترمي في أقرب مكان تطوله إديهم

**hish_hummer** · 26-07-2010 02:50 PM

بجد الموضوع يقرف بصراحه .......وللاسف هى بقت ثقافه فى الشعب ده واللى بيعمل كده لقى اهله بتعمل كده

كمان فطلع على نفس المنهج ........انا فى الاسكندريه عندنا كنت راجع مع صاحبى من كارفور وعند شارع قنال

السويس وقبل نادى الاولمبى كان فيه ناس طالعين من ماتش الاهلى والاتحاد وماشيين من فوق الكوبرى وبيرموا

كانزات وطوب ع العربيات وربنا ستر يومها وكانت حتيجى على العربيه اللى قدامنا واحنا عدينا بسرعه

دا غير المصيفين اللى عندنا دلوقتى .......الاسكندريه بقت كفر اسكندر

فعلا كل واحد فاكر ان الشارع مقلب زباله كبيييييييييير وحتى لو قدامه باسكت برضه بيرمى فى الشارع

**Amrrr** · 26-07-2010 03:13 PM

المشاركة الأصلية كتبت بواسطة ralliart

ايه القرف ده !! انا كنت فاكر ان الظاهره دي اختفت من الشعب المصري

تقصد الشعب بتاعنا ولا الشعب اللي الحكومة بتتكلم عنه ليل ونهار

؟!؟!؟!؟!؟

**شاهين - بنز** · 26-07-2010 04:16 PM

أنا قبل مأرمي أي حاجة من الشباك بتأكد إن مفيش عربيات ورايا
وبعدين محسسني إن إحنا عايشين في ألمانيا أما تبقوا تركنوا على اليمين بدل الشمال وتقفوا في الإشارات إبقوا ساعتها إتكلموا على النضافة