اونو 94 فرصة بسعر مغرى وفابرقه دواخل ب 28000

**maged** · 27-02-2008 07:08 PM

اونو 94 ايطالى ملاكى البحر الاحمر موجوده بالقاهرة_ كحلى _ دواخل فابريقه عدا جزء صغير جدا فى الشنطه_ 95000 كم رخصة حتى 30 - 11- 2008 _ كوتش امامى جديد من 5 شهور_ بدون تكييف _ كاسيت عطلان _ 1000 cc _ موتور ممتاز _ صالون ممتاز _ ربما تحتاج الى طقم دبرياج وطقم تيل وطقم طنابير باجمالى حوالى 500 جم _المطلوب 28000 جم للاستفسار 0106856655

**emkh** · 29-02-2008 02:31 AM

ممكن ادفع 23 كاش واتحمل انا اصلاحها والله اعلم اه فيها تانى لو موافق رد عليا قبل ماروح السوق الجمعة وعلى فكرة دى البحر الاحمر يعنى لسه هغير الرخصة للقاهرة ودى لفة ذى مانت عارف .
:)

**maged** · 29-02-2008 09:06 PM

انا اسف يا اخ emkh اصلاح ايه ده اللى ب 5000 جنيه عموما العربية جابتلى انهارده فى السوق 27000 جنيه ايه رأيكم ابيع ولا انزل تانى يوم الاحد القادم شكرا

**maged** · 23-03-2008 05:34 PM

ايه يا جماعة هى العربيه ب 28000 تعتبر غاليه دانا كنت فاكر انها حتتباع بسرعه

**furp** · 23-03-2008 05:57 PM

اخي العزيز

طبعا العربيه مش وحشه بس من ناحيه السعر غالي فهو فعلا غالي

انا كنت هشتري اونو موديل 98 مكيفه وفيها طقم صوت سوني وانذار وفبريكه دواخل ومش محتاجه جنيه مصروف ب32000 وكانت بتاعت ظابط

يعني كان مروشه قووووووووي

فطبعا لما هاخد عربيه عاوزه تتفتح وياتري ايه هيظهر فيها وبعدين ملاكي البحر الاحمر يعني دوخه ووجع قلب وكاسيت عطلان

معلش يبقي برضك كتير عليها قوي

**maged** · 24-03-2008 12:07 AM

شكرا للرد استاذfurp وفعلا السيارة اللى انت بتتكلم عنها تسوى 32000 لكن لاحظ وجود 4000 جنيه فرق بالاضافه حضرتك بتقول عايزه تتفتح انا مش فاهم يعنى ايه
وبعدين فعلا العربيه جابت فى السوق 27000 وطالما السعرده فى السوق يبقى العربيه تسوى 29000 ومع ذلك انا بقول 28000 عشان تبقى الامور معقوله
ومع ذلك ممكن لاى حد من اعضاء المنتدى احاول اعمل تخفيض لانى فعلا بحب المنتدى قوى وبحب اعضاؤه لانهم فعلا ناس محترمين ولانى انا كمان اشتريت اللانوس بتاعة والدى ودلوقتى مش باستخدم الاونو خالص ومفيش داعى انها تتركن

**furp** · 24-03-2008 01:38 AM

السلام عليكم اخ ماجد

اخي الفاضل انا اقصد بتفتح يعني العربيه هتروح للميكانيكي والقصه الي انته عارفها دي
ولو العربيه فعلا انته عاوزه تبيعها بالسعر الي انته بتقول عليه ضبطها وصلح كل الي فيها وروقها وبعدين بعها اعتقد هتفرق معاك في البيع

ولو انته ناوي تبيع علي كده انا ممكن اخدها ممكن علي 27 بس ده فعلا لو كشفنا عليها وطلعت مش هتصرف اكتر من 500 جنيه

وبرضك لو في حالة موفقه حضرتك انا معايا 20 والباقي بعد شهر

لو موافق رد عليا ونتكلم وإن شاء الله خير

**maged** · 24-03-2008 05:30 PM

طبعا حضرتك لو محتاج العربيه خدها وتمنها وصل بجد وده مش كلام وبس ده كلام حقيقى ومن ناحية مصروف العربيه احتمال يعدى ال500 جنيه لان المساعدين الاماميين بدأو يخفو بالاضافه ان الكرسيين الاماميين ظهرهم مش بيتحرك لان تم تثبيت الظهر بسبب عطل فى ماكينة الكرسيين وده كل اللى فيها بالكامل اما من ناحية الورق متخافش نهائى لان العربيه بأسم اخويا وهو مقيم فى الغردقه وممكن نبعتله الورق فى السوبر جيت وهو يخلص كل حاجه من غير سفر ولا متاعب

**furp** · 24-03-2008 06:29 PM

السلام عليكم اخي ماجد

طيب حضرتك موافق علي الامكانيات الماديه ليا واني سوف ادفع الجزء المتبقي بعد شهر تقريبا

ولو حضرتك موافق مممكن مكان المعاينة ورقم التليفون علشان نتفق

وربنا يوفق

**maged** · 25-03-2008 12:02 AM

بصراحه انا واحده زميلتى فى الشغل عرضت عليا نفس العرض بس انا رفضت وطبعا ليس السبب عدم ثقه فيها او فى حضرتك حاشا لله انما انا بحب مثل شعبى بيقول خبطه بالمرزبه ولا عشره بالشاكوش
مش عارف انت عرفت تقرى المثل ولا لأ لكن معناه انى لما ببيع العربيه عايز ابيعها واخلص اوراقها بالكامل واسلمها لصاحبها وقت التعاقد وبالتالى استلم فلوسها كامله عشان اعرف استفيد بالمبلغ على بعضه وعموما لو ليك نصيب فيها ممكن ربنا يبعتلك فلوس تكمل المبلغ وتشتريها